Taniqli tadqiqot kompaniyasi Omdia ma’lumotlariga ko‘ra, Samsung 2024-yilda global TV bozorida 28.3% ulush bilan yetakchilikni saqlab qolgan. Kompaniya bu mavqega 2006-yildan buyon ega bo‘lib kelmoqda. Bu yutuqning asosi — doimiy innovatsiyalar, xususan AI bilan jihozlangan televizorlar, ultra-katta ekranli modellar va premium segmentdagi texnologik yetakchilik.

“Ushbu 19 yillik yetakchilik, avvalo, mijozlarimizning ishonchi va qo‘llab-quvvatlashi evaziga yuzaga keldi,” — dedi Samsung Electronics kompaniyasining Vizual Displey bo‘limi bo‘yicha ijrochi vitse-prezidenti Hun Li.

“Biz AI texnologiyasi, individual sozlash imkoniyatlari va yuqori sifatli ko‘rish tajribasi orqali uy ko‘ngilochar sanoatini yangi bosqichga olib chiqishda davom etamiz.”

Samsung aynan muhim segmentlarda yetakchilik qilmoqda

Samsung o‘z yetakchiligini ayniqsa quyidagi segmentlarda mustahkamlab kelmoqda:

• Premium televizorlar (narxi $2,500 dan yuqori): Samsung ushbu toifada global bozorning 49.6% ulushini egallab, deyarli har ikkinchi premium televizorni taqdim etmoqda.
• 75 dyuym va undan katta ekranli televizorlar: Samsung bu toifada ham 28.7% bozor ulushi bilan yetakchilikni qo‘lga kiritgan.

QLED va OLED: Premium televizorlar bozorida ustunlik

Samsung o‘zining QLED va OLED televizorlari bilan premium segmentdagi mavqeini mustahkamlab kelmoqda:

• QLED televizorlar: 2024-yilda dunyo bo‘ylab 8.34 million dona QLED televizor sotilgan bo‘lib, bu kompaniyaga 46.8% bozor ulushini ta’minladi. QLED texnologiyasi ilk bor umumiy global TV sotuvlarining 10% dan ortig‘ini tashkil etdi.
• OLED televizorlar: Samsung tomonidan 2024-yilda 1.44 million dona OLED televizor sotilgan, bu esa 27.3% bozor ulushini anglatadi. Sotuv hajmi o‘tgan yilga nisbatan 42% ga, bozor ulushi esa 4.6% ga oshgan — bu Samsung OLED texnologiyasiga bo‘lgan yuqori talabni ko‘rsatadi.

AI va san’at bilan yangi davrni boshlab bermoqda

2025-yilgi CES ko‘rgazmasida, Samsung o‘zining yangi Vision AI texnologiyasini taqdim etdi — bu sun’iy intellekt asosida ishlovchi displeylar orqali an’anaviy ko‘ngilochar tajribani butunlay o‘zgartiradi. Vision AI foydalanuvchining odatlari, niyati va afzalliklarini tahlil qilib, har bir inson uchun individuallashtirilgan ko‘rish tajribasini yaratadi.

Bundan tashqari, Samsung bu yildan boshlab The Frame modeli uchun mo‘ljallangan Samsung Art Store raqamli san’at platformasini Neo QLED va QLED modellarida ham joriy etmoqda — bu orqali san’atga qiziqqan foydalanuvchilar yanada kengroq imkoniyatlarga ega bo‘ladilar.

Kompaniya umumiy daromad ko’rsatkichiga ko’ra, ketma-ket beshinchi yil davomida global o’yin monitorlari bozorida yetakchilikni saqlab kelmoqda.

Displey sohasi sanoatida jahon yetakchisi bo’lmish Samsung Electronics o‘zining birinchi OLED modeli — 34 dyuymli Odyssey OLED G8 (G85SB modeli) o‘yin uchun mo’ljallangan monitorini ishga tushirganidan bir yil o‘tib OLED monitorlarining global sotuvi bo‘yicha birinchi o‘rinni egalladi.

Xalqaro ma’lumotlar korporatsiyasi (IDC, International Data Corporation) ma’lumotlariga ko’ra, Samsung Electronics jamlangan daromad bo’yicha bozor ulushining 34,7 foizini va OLED’ning 28,3 foizi bilan 2023 yilda savdo hajmining bozor ulushi bo’yicha birinchi o’rinni egallab, global OLED monitor bozorida birinchi o’rinni egalladi.[1]

Samsung Electronics kompaniyasining Vizual displey biznesi bo‘yicha ijrochi vitse-prezidenti Hoon Chung fikricha, “OLED monitor bozori yuqori raqobatbardosh, shuning uchun yuqori pog‘onaga chiqish uchun mislsiz innovatsiyalar va mahsulot sifati talab etiladi. Ushbu yutuq iste’molchilar ehtiyojlarini tushunish va mukammallikka intilishimiz haqida gapiradi, butun dunyo bo’ylab samaradorlik ehtiyojini qondirish istagidagi o’yinchilar uchun ajoyib OLED monitorlarini ishlab chiqarishning asosiy omillari.”

Shuningdek, Samsung ketma-ket beshinchi yil davomida global o‘yin uchun mo’ljallangan monitorlar bozorida o‘z yetakchiligini saqlab qoldi va umumiy daromad bo‘yicha 20,8% bozor ulushini qayd etdi.[2]

OLED bozoriga kirganidan beri Samsung innovatsiyalarni davom ettirdi va yangi monitorlar, shu jumladan Odyssey OLED G9 (G95SC modeli) uchun yetakchilik nomiga sodiq qolishda davom etdi. Shu bilan birga butun dunyo boʻylab nomdor ekspertlar va sharhlovchilar ham Samsung’ning ushbu yuqori texnologik maxsulotlarini olqishlashdi.

CES 2024 ko‘rgazmasida Samsung o‘zining OLED monitorlar qatori kengayganini e’lon qilib, uchta yangi mahsulotni taqdim etdi:

• Odyssey OLED G8 (G80SD modeli), 32 dyuymli 4K UHD o’lchamida, 16:9 nisbatli, 240 Gts yangilanish tezligi va 0,03 ms javob vaqtiga (GtG) ega[3]

• Odyssey OLED G6 (G60SD modeli), 27 dyuymli QHD o’lchamida, 16:9 nisbatli, 360 Gts yangilanish tezligi va 0,03 ms javob vaqtiga (GtG) ega

• Yangilangan Odyssey OLED G9 (G95SD modeli), 49 dyuymli ikki tomonlama QHD o’lchamida, tomonlar nisbati 32:9, yangilanish tezligi 240 Gts, 0,03 ms javob vaqti (GtG) va yangi funksiyalarga ega.

Yangi OLED monitorlari takliflari dastlabki sharhlovchilarni hayratda qoldirdi va allaqachon mukofotlarga sazovor bo’ldi. CES – dunyodagi eng kuchli texnologik tadbirda – Odyssey OLED G9 CES® 2024 Innovatsiya mukofotlari sovrindori deb topildi.[4]

Samsung yangi Odyssey OLED modellarini taqdim etish orqali o’yin monitorlari qatorini diversifikatsiya qilishni davom ettiradi, ularning har birida Samsungning xususiy OLED texnologiyasidan foydalaniladi. Ushbu innovatsiya Quantum Mini LED texnologiyasiga ega Odyssey Neo seriyasining muvaffaqiyati, shuningdek, yangi interfeys va shakl faktorini namoyish etgan Odyssey Arkning muvaffaqiyati ortidan keladi.

Samsungning sanoatdagi yetakchi monitorlar qatori haqida qoʻshimcha maʼlumot olish uchun www.samsung.com saytiga tashrif buyuring.

[1] IDC Q4 2023 Jahon boʻylab har choraklik oʻyin kuzatuvchisi (WQGT, Worldwide Quarterly Gaming Tracker)

[2] IDC Q4 2023 Jahon boʻylab har choraklik oʻyin kuzatuvchisi (WQGT, Worldwide Quarterly Gaming Tracker), Oʻyin monitori tasnifi IDC mezonlariga (2023-yilning 2-choragidan beri 144 Gts dan ortiq, undan oldin 100 Gts dan ortiq), Ko’rsatkichga asoslangan.

[3] Kulrangdan kul ranggacha, pikselning bir kulrang sathdan ikkinchisiga oʻtishi uchun qancha vaqt kerakligini koʻrsatuvchi oʻlchov birligi.

[4] CES Innovation Awards mukofotlari hakamlarga taqdim etilgan tavsifiy materiallarga asoslanadi. Iste’molchilar texnologiyalari assotsiatsiyasi (CTA, Consumer Technology Association) har qanday taqdimot yoki da’volarning to’g’riligini tekshirmaganligi va mukofot berilgan elementni sinab ko’rmaganligi inobatga olinsin.