2024-yilda dunyoda sunʼiy intellektga ega ilk telefon – Galaxy S24 modellarining sotuvga chiqarilishi smartfonlar evolyutsiyasi AI innovatsiyasiga yoʻl ochgan paytni belgilab berdi. Shu paytdan boshlab Samsung multimodal intellektni rivojlantirish va sunʼiy intellektni taqiladigan qurilmalar, planshetlar, shaxsiy kompyuterlar va boshqalarda integratsiyalash orqali mobil AI ekotizimini kengaytirdi.

Oʻtgan yildan boshlab Galaxy AI erkin va aqlliroq yashash nimani anglatishini qayta taʼrifladi. Quyidagi infografikada ushbu sayohat bilan tanishing.

Samsung Electronics smartfondan oldingi davrdan beri mobil kamera qobiliyatlari va texnologiyasi sohasida koʻplab yutuqlarga birinchilardan erishgan. Smartfon davrining boshida 2010-yilda Galaxy S’ning 5 megapikselli (MP) orqa kamerasidan boshlab, Galaxy S25 Ultra’ning 200 megapikselli ultra yuqori aniqlikdagi kamerasi, 50 megapikselli ultra keng burchakli kamerasi va Galaxy AI tahrirlash funksiyalari toʻplamigacha Samsung doimiy ravishda smartfon kamerasi nimalarga qodir ekanini qayta-qayta ko‘rsatib keldi.

“Har doim bir qadam oldinda” — Soʻnggi 15 yil davomida Samsung suratga olish imkoniyatlarini yuqori choʻqqilarga olib chiqib, Galaxy kamera texnologiyasining yangi davrini boshladi. U doim bir qadam oldinda boʻlgan. Quyidagi infografikada ushbu innovatsion sayohatni koʻrib chiqing.

Foydalanuvchilarning ehtiyojlaridan kelib chiqqan holda, Samsung dastlab 1996-yilda asos solgan oʻzining insonga yoʻnaltirilgan dizayni — “Insonlardan ilhomlangan kelajakni yaratish” falsafasini qayta koʻrib chiqdi va takomillashtirdi.

Ushbu yangi dizayn yoʻnalishi Samsung kompaniyasining maqsadli innovatsiyalar yaratish va hayotni mazmunli qilishga sodiqligini yorqin namoyon etadi. Quyidagi infografika orqali Samsung Design Identity tarixi bilan tanishib chiqing.

Endi Galaxy foydalanuvchilari KakaoTalk maʼlumotlarini xavfsiz va oson koʻchirish uchun Smart Switch’ga ishonishlari mumkin. Samsung Newsroom Samsung Electronics kompaniyasining Mobile eXperience (MX), Business Experience Planning Team aʼzosi Seungho Kang va Kakaodagi mahsulot menejeri va Talk Service rejalashtiruvchisi Jiyoung Hwang bilan ikki kompaniya maʼlumotlar koʻchirishni takomillashtirish uchun qanday hamkorlik qilganini aniqlashga kirishdi.

▲ (Chapdan) Samsung’dan Seungho Kang va Kakaodan Jiyoung Hwang.

Ochiq chatlarni tiklashdan tortib akkauntni tekshirish jarayonini soddalashtirishgacha

Savol: Smart Switch endi KakaoTalk chatlarini to‘liq tiklashi mumkin. Iltimos, bizga yangi funksiya haqida maʼlumot bersangiz.

Kang: Smart Switch orqali Galaxy qurilmalari o‘rtasida ma’lumotlarni koʻchirishda foydalanuvchilar endi KakaoTalk chatlari va tegishli medialar, jumladan, fotosuratlar va videolarni osongina tiklashlari mumkin. Yangilanish matnlarning oʻqilmagan holatini saqlab qolishini ham taʼminlaydi. Bundan tashqari, endi ochiq chatlarni saqlash mumkin. Buni ilgari uddalash qiyin edi.

Hwang: Galaxy foydalanuvchilari ochiq chatlarni tiklashni qoʻllab-quvvatlashga ancha qiziqishdi. Ochiq chatlarning dinamik ekanligi tufayli KakaoTalk ilgari ochiq chatlar uchun hech qanday zaxira imkoniyatlarini qoʻllab-quvvatlamagan. Biroq Android foydalanuvchilari orasida ochiq chatlar mashhurligini hisobga olgan holda biz birinchi marta zaxiradan tiklash imkonini taqdim etishga qaror qildik.

▲ Seungho Kang Kakao bilan qanday hamkorlik qilganini tushuntiradi.

Savol: mazkur yangilanish foydalanuvchilar uchun qanday qulayliklar olib keladi?

Kang: ilgari ilova eski telefondan yangisiga ko‘chirilganda foydalanuvchilar KakaoTalk ma’lumotlarini qo‘lda yoki pulli xizmat orqali tiklashlari kerak edi. Bundan tashqari, oʻz-oʻzini tekshirish jarayoni sodiq foydalanuvchilar va platforma bilan tanish boʻlmaganlar uchun roʻyxatdan oʻtishda katta toʻsiqlar keltirib chiqardi. Ikkala kompaniya ham foydalanuvchi qulayligini umumiy maqsad qilib olgan holda Samsung Galaxy foydalanuvchilari uchun yangi qurilmalarni sozlashni osonlashtirish niyatida va KakaoTalkda yanada qulayroq xabar almashishni taʼminlashda ilovani optimallashtirishga harakat qiladi. Bu yoʻlda biz akkauntni tekshirish jarayonini yengillashtirish ustida ishladik.

Hwang: ushbu yangilanishda KakaoTalk foydalanuvchilari akkauntni tekshirish jarayonini faqat bir marta amalga oshirishadi xolos. Maʼlumotlar Smart Switch orqali yangi qurilmaga oʻtkazilganda foydalanuvchilar koʻchirilgan maʼlumotlar ularniki ekanligini tasdiqlash uchun oʻzlarining KakaoTalk akkauntining maxfiy soʻzini kiritsa kifoya. Yagona tekshirish bosqichi bilan hammasini oddiy va xavfsiz tarzda tiklash mumkin boʻladi.

Foydalanuvchi uchun qulaylikni umumiy maqsad qilish

Savol: Samsung va KakaoTalk oʻrtasidagi bu hamkorlik qanday paydo boʻldi?

Kang: foydalanuvchilar anchadan beri KakaoTalk maʼlumotlarini tiklashni qoʻllab-quvvatlashni soʻrab kelishdi, ammo murakkab maʼlumotlar xavfsizligi va texnologiya siyosati baʼzi qiyinchiliklarni keltirib chiqardi. Biroq Samsung va Kakao oʻtgan yilning oxirida tegishli yangilanishlarni ishlab chiqishga kelishib oldilar. Bundan maqsad oʻzaro saʼy-harakatlar bilan foydalanuvchilar uchun yuqori qulaylikni taqdim etish edi.

Hwang: biz bu xizmatni imkon qadar tezroq ishga tushirmoqchi edik. Hamkorlik davomida biz messenjer orqali jonli tarzda muloqot qildik va go‘yo bir jamoadek g‘oyalarimizni tartibga soldik. Har bir kompaniya qaysi funksiyalarni qoʻllab-quvvatlamoqchiligini diqqat bilan muhokama qildi va belgilangan sanada xizmatni ishga tushirish uchun metodik ravishda ishlab chiqishni boshladik. Men uchun bu unutilmas tajriba boʻldi, chunki biz qisqa vaqt ichida kompaniyalararo hamkorlikni amalga oshira oldik.

▲ (Chapdan) Jiyoung Hwang va Seungho Kang hamkorlikdagi yutuqlarni muhokama qilishmoqda.

Savol: xizmatni ishlab chiqish jarayonining eng muhim jihati nima edi?

Hwang: xavfsizlik juda muhim edi. KakaoTalk foydalanuvchilari telefonlarini yoʻqotib qoʻygan taqdirda ularning maʼlumotlari himoya ostida boʻlishi uchun kuchli xavfsizlik tizimi zarur. Ikkala kompaniya ham foydalanuvchilar va ularning maʼlumotlarini himoya qilishning eng yaxshi usuli haqida muhokama qilishdi. Oxir-oqibat biz akkauntni tekshirish jarayonini soddalashtirdik va autentifikatsiya maʼlum muddat ichida amalga oshirilmasa, maʼlumotlar koʻchirilishini bekor qiladigan tizimni joriy etdik.

▲ Jiyoung Hwang foydalanuvchi maʼlumotlarini himoya qilish muhimligini taʼkidlaydi.

Samsung va KakaoTalk: yangi foydalanuvchilar uchun unutilmas qulaylik taqdim etish yoʻlida

Savol: yangilanishdan keyin jamoat nomidan qiziqarli reaksiyalar boʻldimi?

Hwang: yangilanish chiqqanidan beri biz ilovani kuzatib boramiz va ijobiy izohlar va sharhlarni ko‘rganimdan faxrlanib ketaman. Baʼzi odamlar maʼlumotlarni tiklashning keyingi darajasi qanday boʻlishi bilan qiziqishadi, men buni koʻrib quvonib ketaman, hatto izohlarda javob yozib qoldirgim keladi.

Kang: jamoat tomonidan ochiq chatlardagi maʼlumotlarni tiklashni qoʻllab-quvvatlashga boʻlgan reaksiyalar ajoyib boʻldi, chunki bu funksiya ilgari mumkin emas edi. Yangi Galaxy qurilmalari toʻxtamay rivojlanib borar ekan, biz foydalanuvchilarning yanada ijobiy reaksiyalarini kutib qolamiz.

Savol: ushbu funksiya boʻyicha hamkorlik haqida qanday fikrdasiz? Kelajakdagi maqsadlaringiz qanday?

Hwang: turli manfaatni koʻzlagan va korporativ madaniyatlarga ega boʻlgan kompaniyalar oʻrtasidagi hamkorlik kamdan kam sodir boʻladi va jarayon oson kechmaydi. Ikkimiz ham foydalanuvchilarni birinchi oʻringa qoʻygan holda harakat qilamiz. Shuning uchun ham yuzaga kelgan ushbu hamkorligimizni va bu hamkorlik paytidagi olgan taassurotlarimni hamon eslayman.

Kang: bu mazmunli muddat kelajakda boshqa hamkorliklar uchun qo‘llanma bo‘lib xizmat qiladi, chunki biz mijozlarga yuqori qulaylik taqdim etishga intilamiz. Men foydalanuvchilardan buni eshitmoqchiman: “Yangi Galaxy telefonini xavotirlanmasdan sotib olaman, chunki Smart Switch oʻrnimga barcha maʼlumotlarimni yangi qurilmaga koʻchirib beradi”. KakaoTalk kabi messenjer ilovalari bilan bir qatorda Samsung oʻz foydalanuvchilari uchun ma’lumotlarni koʻchirish usullarini yanada takomillashtirish yoʻlida turli ilova yaratuvchilari bilan hamkorlik qilmoqda. Kelasi kim bilan hamkorlik qilishni bilish uchun Smart Switch’dan yangilanishlarni kuzatib boring!

Hamma uchun qoniqarli natijani taqdim etishga intilgan Samsung doimo Galaxy foydalanuvchilarining ovoz-u iltimoslarini tinglagan holda ochiq hamkorlik va mahsulotlarni yaxshilashga harakat qiladi. Smart Switch orqali KakaoTalk maʼlumotlarni tiklash funksiyasidan qanday foydalanishni o‘rganish uchun quyidagi yo‘riqnomaga yuzlaning.

* KakaoTalk maʼlumotlarini faqat Galaxy qurilmalari oʻrtasida oʻtkazishi mumkin.

* “Boshqa qurilmadan foydalanish” funksiyasi boshqa qurilmalardan KakaoTalk maʼlumotlar koʻchirishni qoʻllab-quvvatlamaydi.

* Agar KakaoTalk yangi qurilmaga oldindan oʻrnatilgan boʻlsa, maʼlumotlar tiklanmaydi (olib tashlang va Smart Switch orqali qayta oʻrnating).

* Yangi qurilmada Kakao akkauntini tekshirish yakunlangach, boshqa qurilmalardan loginlar oʻchirib tashlanadi.

2008-yilda toʻliq B2B displeylar bilan tijoriy displey bozoriga kirgan Samsung izchil texnologik innovatsiyalar, turli yechimlar va bozor yetakchiligi bilan raqamli displeylar tarixini yaratishda davom etmoqda.

Samsung kompaniyasi 2009-yilda raqamli displeylarning jahon bozoridagi ulushi boʻyicha birinchi oʻrinni egallashdan boshladi. Keyin 2012-yilda Samsung ikkita shaffof LCD modelini taqdim etish orqali LCD renessansiga start berdi. 2017-yilda dunyodagi ilk LED kinoteatri — Onyx taqdim etildi, u aqlga sigʻmas tasvir sifati va cheksiz kontrast nisbati bilan teatr ekranlari uchun yangi standartni oʻrnatdi.

Oʻn yarim yildan ortiq “birinchilardan” boʻlish Samsung’ga raqamli displeylar sohasida koʻplab yutuqlar olib keldi. 2018-yilda taqdim etilgan dunyodagi ilk modulli displey — “The Wall”ning ekran oʻlchami va shakli erkin sozlanuvchan boʻlib, u san’at muzeylari va univermaglar kabi turli joylarga raqamli displeylar oʻrnatish imkonini berdi.

Immersiv kontentga talab ortgan sari Samsung 2023-yilda virtual ishlab chiqarish studiyalari uchun “The Wall”ning yangi ekslyuziv versiyasini yaratdi. U eng yuqori sifatli tasvir bilan jismoniy cheklovlarni yengib oʻtadi hamda ishlab chiqarish vaqti va narxini kamaytiradi. Virtual ishlab chiqarish uchun The Wall yuqori darajadagi moslashtirilgan yechim bilan kontent ishlab chiqarish dunyosini oʻzgartirishda davom etmoqda.

Quyida innovatsion displey texnologiyasi bilan ketma-ket 15 yil [2] dunyo miqyosida oʻzining 1-oʻrnini mustahkamlab kelayotgan Samsung Signage qadamlarini koʻrishingiz mumkin.

[1], [2] Omdia 2023-yil 4-chorak ommaviy namoyish hisoboti; Sotuv hajmiga asoslangan. Eslatma: isteʼmolchi televizorlari bundan mustasno.

Samsung sayyoramiz va uning odamlari uchun koʻproq imkoniyatlar yaratish uchun texnologiya kuchidan foydalanish yoʻlida. Xalqaro Yer kunini nishonlashda Samsung o‘z vazifasini qanchalar uddalayotganini va yanada barqaror kelajak yaratish haqida oʻylamoqchi. Galaxy mobil qurilmalarida qayta ishlangan materiallardan foydalanishni ko‘paytirish yoki Birlashgan Millatlar Tashkilotining Taraqqiyot Dasturi (UNDP) bilan hamkorlik qilish haqida fikr yuritish shular jumlasidan.

Innovatsiyalar va atrof-muhit oʻrtasidagi muvozanatni topish

Samsung Galaxy texnologiyasi qanday ishlab chiqilishi va qadoqlanishi kerakligini qayta koʻrib chiqmoqda. Sayyoramizning tabiiy resurslari haqida gap ketganda, biz kamroq olib, koʻproq berishni oʻylaymiz. Soʻnggi oʻn yil davomida biz qayta ishlangan materiallardan tayyorlangan yuqori samarali komponentlarni yaratish yoʻllarini oʻylab topdik.

2022-yilda biz katta yutuqqa erishdik va Galaxy S22 modellarini ishlab chiqishda tashlandiq baliq ovlash to‘rlaridan (arvoh toʻrlar ham deb ataladi) foydalandik. Qayta ishlangan materiallarni endi barcha Galaxy mobil mahsulotlarida, jumladan, smartfonlar, planshetlar, shaxsiy kompyuterlar va taqiladigan qurilmalarda kuzatish mumkin.[1] Shu bilan birga, biz turli xil plastmassalardan tortib, metall va shishalargacha bo‘lgan qayta ishlangan materiallardan foydalanishni kengaytirdik.

▲ Galaxy S24 modellari odamlar va sayyoramiz uchun kamroq olib, koʻproq berish uchun qanday ishlab chiqilishi va qadoqlanishini namoyish qilish uchun dizaynlashtirilgan.

Galaxy S24 modellari[2] bu saʼy-harakatlarni bir daraja yuqoriga olib chiqadi. Har qaysi Galaxy qurilmasida ilk marta biz qayta ishlangan kobalt, noyob tuproq elementlari va poʻlatdan iborat asosiy qurilma komponentlarini ishlab chiqdik. Galaxy S24 Ultra akkumulyatorida[3] kamida 50% qayta ishlangan kobalt, karnaylarda esa 100% qayta ishlangan nodir yer elementlari[4] va kamida 40% qayta ishlangan po‘latdan[5] foydalanilgan.

Samsung qayta ishlangan materiallarga asoslangan innovatsiyalarimiz orqali plastik chiqindilari kabi dolzarb muammoni hal qilishda uzoq tarixga ega va qayta ishlangan plastmassalar Galaxy S24 modellarida muhim rol oʻynashda davom etmoqda. Galaxy S24 modellari tashlandiq baliq ovlash toʻrlari, suv bochkalari va PET butilkalaridan olingan qayta ishlangan plastmassalardan unumli foydalanishimizni taʼminlaydi.

Okeanga oid qayta ishlangan plastik[6] materiallarimiz okeanlar yaqinida tashlab ketilgan baliq ovlash toʻrlarini yigʻadigan global tashkilotlar bilan hamkorlikda yaratilgan. Toʻrlar yuqori samarali qayta ishlangan poliamid sharchalariga optimallashtirilishidan oldin uning xossalari ajratib tozalanadi va ekstrudirovka qilinadi. Xuddi shu tarzda qayta ishlangan polikarbonat va PET materiallari boshqa qoʻshimcha moddalar bilan maydalangan, filtrlangan va eritilgan suv bochkalari va PET butilkalaridan olinadi. Bu jarayon bizga ushbu nozik resurslarni Samsung’ning zamonaviy dizayni va yuqori sifat standartlariga javob beradigan yuqori samarali va optimallashtirilgan materiallarga aylantirishga yordam beradi. Shuningdek, biz poyabzal ishlab chiqarishda qoʻllaniladigan tashlandiq termoplastik poliuretanni (TPU) qayta ishlash uchun boshqa tashkilotlar bilan hamkorlik qildik.

Bu moʻrt plastik chiqindilarni Galaxy qurilmalarida qoʻllaniladigan yuqori samarali materialga aylantirish boʻyicha hamkorlarimiz bilan olib borilayotgan davomiy saʼy-harakatlarimizning yakuniy natijasidir. Galaxy S24 modellari bilan 2024-yil oxirigacha bizning maqsadimiz 100 metrik tonnaga yaqin qayta ishlangan plastmassadan[7] unumli foydalanishga yordam berishdir, bu 10 millionta bo‘sh plastik butilkaga teng.[8]

Qayta ishlangan metall haqida gap ketganda, Galaxy S24 modellari ishlab chiqarish jarayonida hosil boʻlgan metallolomdan olingan qayta ishlangan alyuminiyni[9] nazarda tutadi. Alyuminiy qoldiqlari qayta eritiladi, notoza moddalardan filtrlanadi va Samsung mahsulotini ishlab chiqish jarayonida komponentlar tayyorlash uchun qoʻllaniladi. Galaxy S24 modellari bilan 2024-yil oxirigacha bizning maqsadimiz 110 metrik tonna qayta ishlangan alyuminiydan unumli foydalanishdir, bu 9 millionta metall qadoqli ichimlik qutisiga teng.[10]

Bundan tashqari, Galaxy S24 modellari 100% qayta ishlangan qogʻoz materialidan tayyorlangan qadoqlash qutisiga ega. 2024-yil oxirigacha biz Galaxy S24 modellari 2760 metrik tonna qayta ishlangan qogʻozdan unumli foydalanishiga umid qilamiz, bu 552 million dona A4 qogʻoziga teng.[11] Agar ustma-ust qoʻyib chiqilsa, bu taxminan dunyodagi eng baland bino — 71 Burj Xalifalar[12] bilan bir balandlikka tenglashadi.

Galaxy S24 modellari eng kichik komponentlardan tortib, eng yangi, eng premium funksiyalargacha ishlab chiqishda Samsung’ning barqarorlikka erishish yoʻlidagi muhim yutugʻimizni ifodalaydi va biz kelgusi yillarda ham bu innovatsiyalarni kengaytirishga sodiq qolamiz. Bu ish bizga koʻproq qayta ishlanadigan dizaynlarga oʻtishga va yanada barqaror kelajakni qoʻllab-quvvatlaydigan texnologiyani yaratishga yordam beradi.

Samsung’ning barqarorlik borasidagi saʼy-harakatlari haqida koʻproq maʼlumot olish uchun bizning “Barqarorlik” veb-saytimizga tashrif buyuring.

[1]     Qayta ishlangan materiallarni 2022-yilda va undan keyin chiqarilgan barcha Galaxy qurilmalarida kuzatish mumkin.

[2]     Galaxy S24 modellarida turli xil qayta ishlangan materiallar, jumladan, isteʼmoldan oldin yoki keyin qayta ishlangan plastmassalar, jumladan, poliamid (PA), polikarbonat (PC), polietilen tereftalat (PET) va termoplastik poliuretan (TPU) ham ichki, ham tashqi komponentlar uchun qoʻllanilgan. Shuningdek, u isteʼmoldan oldin qayta ishlangan alyuminiy va shishadan hamda isteʼmoldan oldin va keyin qayta ishlangan kobalt, noyob tuproq elementlari (neodim) va poʻlatdan tayyorlangan komponentlarni oʻz ichiga oladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[3]     Galaxy S24 Ultra va Galaxy S24+ akkumulyatorlari kamida 50% isteʼmoldan oldin va keyin qayta ishlangan kobaltni oʻz ichiga oladi. Galaxy S24 akkumulyatori kamida 10% isteʼmoldan oldin va keyin qayta ishlangan kobaltni oʻz ichiga oladi. Mazkur oʻlchovlar komponent ogʻirligiga asoslangan.

[4]     Galaxy S24 modellarining karnaylari 100% isteʼmoldan oldin va keyin qayta ishlangan neodimni oʻz ichiga oladi. Mazkur oʻlchovlar komponent ogʻirligiga asoslangan.

[5]     Galaxy S24 modellarining karnaylari kamida 40% isteʼmoldan oldin va keyin qayta ishlangan poʻlatni oʻz ichiga oladi. Mazkur oʻlchovlar komponent ogʻirligiga asoslangan.

[6]     Okeanga oid plastmassa — bu jamoat joylarida qirgʻoqlardan 50 km masofada joylashgan barcha oʻlchamdagi (mikroplastmassalar, mezoplastmassalar va makroplastmassalar) tashlab ketilgan plastik chiqindilar.

[7]     Ushbu maqolada qayta ishlangan materiallarning hisoblangan tonnalari ichki hisob-kitoblarga asoslanadi.

[8]     500 ml PET butilkalarning ogʻirligi 10 grammni tashkil qiladi, bu bozor boʻylab ishlab chiqariladigan PET butilkalarining oʻrtacha ogʻirligidir.

[9]     Galaxy S24 modellarining ichki va tashqi alyuminiy komponentlarida kamida 28% qayta ishlangan alyuminiy qoʻllaniladi. Galaxy S24 modellaridagi qayta ishlangan materiallar haqida koʻproq maʼlumot olish uchun “Barqarorlik” veb-saytidagi Samsung mahsulotining atrof-muhitga oid hisobotlarini koʻrib chiqing.

[10]   330 ml metall qadoqli ichimlik idishining oʻrtacha ogʻirligi Metal Packaging Europe maqolasidan kelib chiqib hisoblanadi.

[11]   A4 qogʻozning oʻrtacha ogʻirligi ISO 536:2019 asosida hisoblanadi.

[12]   828 metrga baland boʻlgan Burj Xalifa dunyodagi eng baland bino sifatida rekord oʻrnatgan.

Samsung 1999-yilda dunyodagi eng birinchi soat telefonini tijoratlashtirish orqali taqiladigan qurilmalar davrini kashf etdi. Oʻshandan buyon kompaniya aqlli soatlar, fitnes trekerlar va simsiz quloqchinlar kabi mahsulotlarni taqdim etish orqali bozorda yetakchilikni davom ettirdi.

Quyidagi infografikada dunyodagi eng birinchi soatli telefondan Galaxy Ring’gacha Samsung innovatsion taqiladigan qurilmalari tarixi bilan tanishishingiz mumkin.

Samsung VXT — bulutli kontentni boshqarish yechimi (CMS) yagona, xavfsiz platforma orqali raqamli menyular, kiosklar va boshqa tijoriy belgilarini masofadan boshqarishni taklif qiladi. Shuningdek, Samsung o‘zining serverga asoslangan amallar va boshqaruv dasturi — MagicINFO ning foydalanuvchilar uchun qulayligini sezilarli darajada takomillashtirganini alohida eslatib o‘tish ham joiz.

VXT — bu qo‘lda dasturiy ta’minotni yangilab o‘tirmasdan kontent yaratish va B2B displeylarini boshqarishni osonlashtiradigan yagona yechimdir. Biznes egalari va menejerlari reklama aksiyalari, menyular, video reklamalar, salomlashuv xabarlari va boshqalarni ko‘rsatish uchun o‘z do‘konlarining raqamli displeylari ishini osongina nazorat qilishlari mumkin.

Shunisi e’tiborga loyiqki, VXT hamkorlar tomonidan ishlab chiqilgan va foydalanish qulayligi uchun turli sohalarga moslashtirilgan Pre-Integrated Repeatable Solutions’ni (PIRS) taqdim etadi. VXT jahon darajasidagi san’at asarlarini namoyish qilishdan tortib, real vaqt rejimidagi tranzaksiya ma’lumotlarini Link My POS bilan bog‘lashgacha biznesning kontentni boshqarish va taqdim etish imkoniyatlarini kengaytirmoqda.

Quyidagi infografikada VXT va PIRS haqida batafsilroq ma’lumotga ega bo‘lasiz.

Hamma 2010 yildan bo`shlab to hozirgi kungacha bo`lib o`tkan “Galaxy Unpack” tadbirlari lokatsiyalari bilan infografika orqali tanishishingiz mumkun.

Galaxy S23 Ultra o’zining xususiyatlari bilan bosgqalardan ajiralin turadi. Note seriyalarining yuqori unumdorligini va samaradorligini, S seriyalarining ilg’or fotografik imkoniyatlarini o`zida birlashtirgan holda noyob Galaxy S23 Ultra yaratildi.

Galaxy S23 Ultra smartfonining yangilangan xususiyatlari tufayli go’zal va yorqin tasvirlar olish endi har doimgidan-da osonroq. Qorong’ulikda ham, Nightography yordamida yorqin tasvirlar, ajoyib selfilar hamda kino sifatidagi videolarni ortiqcha shovqinlarsiz suratga olishingiz mumkin. Bundan tashqari, moslashuvchan pikselli 200 MP sensor yordamida aniq va tabiiy tasvirlar bo’lishi uchun afsonaviy darajadagi aniq suratga olish jarayonini ta’minlaydi.

Shuningdek, Galaxy S23 Ultra tezkor va silliq mobil grafika bilan bir qatorda, eng oxirgi o’yin tajribasini taqdim etadi. Qualcomm bilan hamkorlikda Galaxy uchun eksklyuziv Snapdragon® 8 Gen 2 mobil platformasi tufayli og‘ir o‘yinlar oson va yengil ishlaydi.

Galaxy S23 Ultra sevimli kontentingizni sho’ngib ko’rishdan ko‘proq bahramand bo‘ling. Yorqin va katta 6,8 dyuymli QHD+ displey 5000 mA/soatlik akkumulyator bilan quvvatlanadi, bu esa samarali va uzoq muddat ishlash imkonini beradi.

Galaxy S23 Ultra foydalanuvchilarga qanday imkoniyatlar yaratishi haqida batafsil tanishib chqish uchun quyidagi infografikaga qarang.