Galaxy texnologiyalari orqali qulay aloqani oʻrnatish

Bu safargi “Global foydalanish qulayligini taʼminlashdan xabardor qilish kuni”da Samsung qanday qilib dunyoni yanada qulayroq joyga aylantirishga intilayotganini bilib oling

Mobil texnologiya bu aloqa, ijodkorlik, oʻyin-kulgi va maʼlumotni yetkazib beruvchi kuchli vositadir. U bizning doʻstlarimiz, oilamiz va atrofimizdagi olam bilan qay tarzda muloqot qilishimizda juda muhim ahamiyat kasb etadi va Samsung har birimiz mobil texnologiyaga teng huquqda ega boʻlishimiz kerak deb biladi.

Samsung odamlarga kundalik hayotlarida kengroq boshqaruv va yanada koʻplab qulayliklarni taklif qiluvchi mazmunli, insonlarga bagʻishlangan innovatsiyalarni ishlab chiqadi. Galaxy’ning turli xil funksiyalari (sodda qurilma imo-ishoralaridan tortib, eshitish va koʻrishni yaxshilovchi yordamchi funksiyalarigacha) bilan biz turli jismoniy holatdagi odamlar uchun xizmat qiladigan texnologiyalarni keng qoʻllanishini taʼminlashga intilamiz.

Bu yilgi Global foydalanish qulayligini taʼminlashdan xabardor qilish kuni nishonlash uchun ushbu funksiyalarning ayrimlarini va biz qanday qilib chegaralarni yorib oʻtishda etishda davom etishimizni koʻrib chiqamiz.

Galaxy funksiyalaridan foydalanish qulayligini oshirish

Relumino rejimi bilan tasvirga aniqlik kiritish

Samsung kompaniyasining ichki inkubatoridan vujudga kelgan Relumino rejimi ekrandagi matn va tasvirlarning koʻrinishini kuchaytirish orqali koʻrish qobiliyati sust odamlarning hayotini yaxshilash uchun moʻljallangan. Bu funksiya foydalanuvchilarga qurilmalarida ijro etilayotgan kontentni osongina farqlash imkonini berish uchun ekranning kontrasti va yorqinligini oshiradi hamda tasvirdagi konturlar va shakllarni ajratib koʻrsatadi.

Foydalanuvchilarimizning nuqtayi nazari va ehtiyojlarini chuqurroq tushunish uchun biz koʻrish qobiliyati sust boʻlgan maslahatchilar, tadqiqotchilar, muhandislar, dasturchilar va sinovchilar bilan birgalikda inklyuziv vizual displeylar uchun yechim ishlab chiqdik. Relumino rejimi Samsung kompaniyasining “Hamma uchun ekranlar”ni taqdim etish va koʻrish qobiliyati cheklanganlar uchun tomosha tajribasini yaxshilash maqsadlarini ilgari suruvchi koʻp yillik tadqiqot va ishlanmalar mahsulidir. Ushbu yangi funksiya Samsung Galaxy S24 modellarida va boshqa qurilmalarda mavjud.

Relumino rejimi[1] sport oʻyinlaridagi toʻp harakatidan tortib, yangiliklar efiridagi kichik matnlargacha koʻrish qobiliyati sust foydalanuvchilarga dunyo bilan bogʻlanishga va ular uchun muhim boʻlgan kontentdan bahramand boʻlishga yordam beradi.

Relumino rejimini yoqish:

TalkBack yordamida audio izohlovchini taqdim etish

Ovozli yordamchi sifatida ham tanilgan TalkBack[2] funksiyasi koʻrish qobiliyati sust yoki umuman koʻrmaydigan foydalanuvchilarga displeysiz ham qurilmadan maksimal darajada foydalanishga yordam berish uchun moʻljallangan. Bu funksiya Galaxy smartfon va planshetlarini intuitiv audio interfeysga aylantiradi. Foydalanuvchilar oʻz qurilmalaridan foydalanayotganda Talkback ularga tegingan, belgilagan yoki tanlagan menyular, elektron pochta xabarlari va bildirishnomalar kabi har qanday amal uchun ogʻzaki nutq taqdim etadi. Tezkor navigatsiya uchun TalkBack yorliqlarini ham yaratish mumkin.

Ekranda navigatsiya qilish juda oson. Chapga svayp, ikki marta teginish yoki skroll uchun ikki barmoqdan foydalanish kabi qulay imo-ishoralar yordamida TalkBack foydalanuvchilarga oʻz qurilmalarini qulay boshqarish erkinligini beradi.

TalkBack funksiyasini yoqish:

1. Sozlamalarni oching va Maxsus imkoniyatlarni tanlang
2. TalkBack’ga bosing
3. TalkBack’ni faollashtiruvchi tugmani bosing

Jonli taglavhalar bilan mediani jonlantirish

Jonli taglavhalar (Live Captions)[3] eshitishda qiynaladigan foydalanuvchilarga sevimli media va audio kontentini osongina tomosha qilishga yordam beradi. Funksiya ijro etilayotgan audioni jonli ravishda qurilmada transkripsiya qiladi. Jonli taglavhalar yordamida foydalanuvchilar videolar, podkastlar, telefon va video qoʻngʻiroqlar, audio va ovozli xabarlarni toʻliqroq tushunishdan yanada bahramand boʻlishadi.

Jonli taglavhalar ingliz, fransuz, nemis, hind, italyan, yapon va ispan tillarida mavjud.[4]

Jonli taglavhalarni faollashtirish:

1. Qurilma sozlamalarini oching
2. Maxsus imkoniyatlarga bosing
3. Eshitish qobiliyatini yaxshilashga bosing
4. Jonli taglavhalarni yoqing

Aksessuarlar va taqiladigan qurilmalar orqali inklyuzivlikni singdirish

Atrof-muhit tovushi bilan dunyo voqealarini tiniqlashtirish Galaxy Buds2 Pro turli xil ehtiyojlar va vaziyatlar uchun moʻljallangan,[5] tovushni besh darajagacha kuchaytirish imkoniyati bilan fon shovqinini quloqqa moslashtiradigan atrof-muhit tovushi sozlamasini (Ambient Sound) taqdim etadi. Bu funksiya foydalanuvchilarga ovozni qay tarzda eshitish va his qilishni sozlash imkoniyatini beradi. Atrof-muhit funksiyasi ogʻzaki suhbatni balandroq qilishdan tortib, piyodalar oʻtish joyidagi tirbandlik shovqinini oshirishgacha foydalanuvchilarga ijtimoiy muloqotda qatnashayotgan paytda ham atrofdagilardan xabardor boʻlish imkonini beradi.

Atrof-muhit tovushini sozlab olish:

1. Buds ikkala quloqchinini taqing
2. Galaxy Wearable ilovasini oching
3. Earbud sozlamalariga bosing
4. Maxsus imkoniyatlarga bosing
5. Atrof-muhit tovushi tugmasini bosing

Universal imo-ishoralar yordamida Galaxy Watch qurilmangiz qulayligini qayta kashf etish[6]

Universal imo-ishoralar Galaxy Watch’dan teginishsiz foydalanishning innovatsion usulini taklif etadi. Toʻrtta intuitiv imo-ishora: musht qilish, ikki marta musht qilish, barmoqlarni birlashtirish va ikki marta barmoqlarni birlashtirish orqali foydalanuvchilar Galaxy interfeysida navigatsiya qilish, ilovalarni ochish, xabarlar boʻylab skroll va boshqa koʻplab amallarni bajarishlari mumkin. Bu imkoniyat bilan tugmani bosish yoki ekranga tegish shart boʻlmay qoladi.

Universal imo-ishoralarni ishga tushirish:

1. Qurilma sozlamalarini oching
2. Maxsus imkoniyatlarga bosing
3. Oʻzaro muloqot va epchillik (Interaction and Dexterity) boʻlimiga oʻting
4. Universal imo-ishoralarni yoqing

Dunyomizni hamma uchun yaxshilash

Samsung oʻz innovatsiyalari va ochiq hamkorligi orqali yanada inklyuziv va barqaror kelajakni rivojlantirish yoʻlida sayohat qilmoqda. Biz yanada koʻproq odamlar Galaxy mahsulotlarimizdan bahramand boʻlishlari uchun qurilmalarimizga qulay foydalanish imkoniyatlarini taqdim etish boʻyicha saʼy-harakatlarimizni oshirishda davom etamiz. Bu hali boshlanishi.

Batafsil maʼlumot olish uchun Galaxy Mobile Accessibility sahifamizga tashrif buyuring.

[1] Relumino rejimi One UI 6.1 yoki undan yuqori versiyada ishlaydigan Galaxy S24 modellarida mavjud.

[2] Talkback barcha Galaxy smartfonlarida mavjud.

[3] Jonli taglavhalar 4 GB yoki undan katta tezkor xotiraga ega Galaxy smartfonlarida mavjud.

[4] Kelgusi yangilanishlarda qoʻshimcha tillar qoʻshib boriladi.

[5] Qoʻshimcha ikkita ovozni balandlatish darajasini Galaxy Wearable ilovasidagi Laboratoriya (Earbuds sozlamalari ostidagi Ambient Sound menyusi) orqali faollashtirish mumkin.

[6] Universal imo-ishoralar One UI 5 Watch’ga ega Galaxy Watch6, Watch5 va Watch4 modellarida mavjud.