Samsung Electronics “iF Design Awards 2023”da 80 ta nominatsiyada g‘alaba qozondi

Turli xil turmush tarziga moslashtirilgan yechimlarni taklif qiluvchi dizaynlari uchun Oltin mukofotni qo‘lga kiritdi.

 Televizorlar, maishiy texnika, smartfonlar va boshqa qurilmalar uchun foydalanuvchi tajribasi va fikri (UX) dizaynidan tortib mahsulotgacha bo‘lgan 9 toifa bo‘yicha 80 ta sovrin bilan taqdirlandi.

Samsung Electronics Co., Ltd. 14-aprel kuni Germaniyaning nufuzli Xalqaro dizayn tanlovi “International Forum (iF) Design Awards 2023”da jami bo‘lib 80 ta mukofotga munosib topilganini e’lon qildi. Mukofotlar orasida buyurtma asosida ishlab chiqariladigan Samsung‘s Bespoke Infinite Line muzlatkichi va oshxona jihozlari uchun oltin mukofot borligini ham ta’kidlab o‘tish joiz[1].

1953-yilda “Die Gute Industrieform e.V.” sifatida ta’sis etilgan “iF Design Award” o‘ziga xoslik va ta’sir kabi omillarni o‘z ichiga oluvchi quyidagi jami 9 ta toifa bo‘yicha keng qamrovli baholashni amalga oshiradi, bular: mahsulot, qadoqlash, aloqa, professional konsepsiya, ichki arxitektura, arxitektura, xizmat ko‘rsatish dizayni, foydalanuvchi tajribasi va fikri (UX), foydalanuvchi interfeysi (UI).

“O‘zgaruvchan mijozlar qadriyatlarini innovatsion texnologiyalar bilan birlashtiradigan mazmunli yechimlarni ishlab chiqish muhim, — deydi Samsung Electronics korporativ dizayn markazi rahbari TM Roh, — Biz barcha ehtiyojlarni qondiradigan dizaynlar bilan mijozlarimiz hayoti va jamiyatimizga hissa qo‘shishda davom etamiz.”

Oltin mukofot turli xil turmush tarzi uchun moslashtirilgan yechimlarni taklif qiluvchi dizaynni e’tirof etadi.

“Bespoke Infinite Line” — bu sovitkich, muzxona kamerasi yoki vino yerto‘lasi modellarida mavjud bo‘lgan va har qanday interyer bilan uyg‘unlasha oladigan zamonaviy modulli dizaynga ega yuqori sifatli “built-in” (devor ichiga o‘rnatiladigan) muzlatkichdir. Sodda chiziqlar, yuqori sifatli tabiiy xomashyo hamda qulaylikni maksimal darajada oshiruvchi va oziq-ovqat mahsulotlarini saqlashni optimallashtiruvchi xususiyatlar bilan “Bespoke Infinite Line” iste’molchilar oshxonasi uchun ayni muddao bo‘ladi.

Muzlatkichning tashqi ko‘rinishi tirnalish, chizilish va bukilishga chidamli yuqori sifatli alyuminiydan ishlangan va bu dog‘larni osonlik bilan artib tozalanishiga zamin yaratadi. Black Metal Cooling sovitish tizimi va tunnel yoritkichi bilan jihozlangani tufayli muzlatkich interyeri yorqin va nafis ko‘rinishda. Bu ikkisi muzlatgich shakli va funksionalligining ajoyib muvozanatini ifodalovchi 2 ta xususiyatdir.

Jami 80 ta mukofot:  mahsulotdan tortib UX-dizayngacha, shu jumladan televizorlar, maishiy texnika va smartfonlar ham

Samsung Electronics barcha dizayn toifalarida, jumladan, mahsulot va UX yo‘nalishi bo‘yicha 80 ta mukofot bilan bu yilgi nomzodlar orasida eng ko‘p mukofot olgan kompaniya bo‘ldi.

“Bespoke Infinite Line”ning oltin mukofotiga qo‘shimcha ravishda Samsung “Odyssey Ark” — dunyodagi   birinchi 55 dyumli 1000R bukilgan o‘yin ekrani; universal Clean Station™ funksiyasiga ega Bespoke Jet™ simsiz tayoqchali changyutkichi hamda va foydalanuvchilarga qurilmani o‘ziga xos loyihalash imkonini berib, eksklyuziv moslashtirish imkoniyatlarini taqdim etuvchi Galaxy Z Flip4 Bespoke edition smartfoni uchun “mahsulot” nominatsiyasida mukofotlanri qo‘lga kiritdi.

Imo-ishora tilida televizor menyulari haqida tushuntirishlar beradigan avatarga asoslangan Sign Language Guide (imo-ishora tili qo‘llanmasi) hamda Roblox metaolam platformasida foydalanuvchilar Samsung mahsulotlaridan foydalangan holda o‘yinlar yaratishi, o‘ynashi va tajriba almashishi mumkin bo‘lgan Samsung Space Tycoon virtual makoni va boshqaruv o‘yini-simulyatori ham mukammal dizayn uchun e’tirof etildi.

[1] Mahsulotning bor-yo‘qligi mintaqaga bog‘liq.