Samsung Electronics Jahon Soundbar Savdosida 12-yil Ketma-ket Birinchi O’rinda

Kompaniya jahon soundbar savdosida yetakchiligini saqlab, premium modellar va kengaytirilgan 2026-yilgi assortiment bilan audio portfelini mustahkamladi

Jahon TV bozorida 20 yillik yetakchilik bilan birgalikda, ushbu yutuq Samsungni uy ko'ngilochar tizimlar sohasining lideri sifatida mustahkamlaydi

Samsung Electronics 15- mart kuni audio-vizual sohasida 12-yil ketma-ket jahonning eng yaxshi soundbar brendi sifatidagi yetakchilik mavqeini saqlab kelayotganini e’lon qildi.

Future Source ning yangi tadqiqotlariga ko’ra, Samsung 2025-yilda jahon soundbar daromadining 21,5% va qurilmalar hajmining 19,7% ini qamrab oldi hamda 2014-yildan boshlangan yetakchilik o’rnini saqlab qoldi. Ushbu yutuq, shuningdek jahon TV bozorida ikki o’n yillik yetakchilik^¹ bilan birgalikda Samsungning uy ko’ngilochar tizimlar sohasidagi o’rnini yanada mustahkamlaydi.

Samsungning soundbar bozorida barqaror muvaffaqiyatiga ilg’or audio texnologiyasi, chuqur ovoz sifati va Samsung televizorlari bilan muammosiz integratsiya omil bo’lmoqda. Ushbu asosga tayanib, Samsung 2026-yilgi audio assortimentini turli turar-joy muhitlariga moslashtirilgan kino sifatidagi ovozni taqdim etuvchi yangi mahsulotlar bilan kengaytiradi.

Yangi assortiment quyidagilarni o’z ichiga oladi:

• HW‑Q990H flagman soundbari — HW‑Q990F ning vorisi
• HW‑QS90H — «hammasi bir» soundbar
• Music Studio 7 va Music Studio 5 Wi‑Fi karnaylar (Bouroullec dizayni)

«Samsung’da biz o’z soundbar brendimizdan alohida faxrlanamiz va uni barcha uylarga premium ovoz tajribasini olib borish vositasi deb bilamiz», — dedi Samsung Electronics Visual Display (VD) biznesining ijroiya vitse-prezidenti Xan Li. — «12-yil ketma-ket dunyodagi eng yaxshi soundbar brendi deb tan olinish nafaqat ulkan sharaf, balki premium uy ko’ngil ochish sohasiga sodiqligimizning isbotidir.»

───────────────────────────────────

¹ Omdia Q4 2025 Public Display Report, qurilmalar savdosi bo’yicha.