Samsung Micro RGB TV VDE Tomonidan Ko’z Xavfsizligi va Sirkadiy Ritm Displеyi Sertifikatlarini Oldi

Kompaniya yanada takomillashgan baholash tizimi asosida premium modellarga yangi sertifikatlar olishni davom ettiradi

Samsung Electronics bugun o’zining Micro RGB TV (R95H modeli) Germaniyada joylashgan yetakchi xalqaro sinovlar instituti — Verband Deutscher Elektrotechniker (VDE) tomonidan «Ko’z Xavfsizligi» (Safety for Eyes) va «Sirkadiy Ritm Displеyi» (Circadian Rhythm Display, CRD) sertifikatlarini olganini e’lon qildi.

VDE ning keng qamrovli EyeCare Circadian sertifikati asosida ishlab chiqilgan mazkur sertifikatlar ko’z xavfsizligi va sirkadiy ritmni qo’llab-quvvatlashni mustaqil ravishda tekshiradigan yanada takomillashgan baholash tizimini qabul qiladi va displеy ishlashini har tomonlama chuqur baholashni ta’minlaydi. Ushbu o’zgarish iste’molchilarga qulay ko’rish tajribasiga oid to’liqroq kafolatni taqdim etadi.

Xususan, «Ko’z Xavfsizligi» sertifikati raqamli qurilmalardan chiqadigan yorug’lik emissiyasini tahlil qilish, ayniqsa ko’k nur va uning ko’z salomatligiga ta’sirini o’rganish orqali uzoq vaqt davomida ko’rish uchun displеy xavfsizligini baholaydi. Shu bilan birga, CRD sertifikati displеyning foydalanuvchining biologik soatini qanchalik qo’llab-quvvatlashini tekshiradi. U displеyning kun vaqtiga qarab rang harorati va yorqinligini tartibga solish orqali tabiiy yorug’likni taqlid etish qobiliyatini o’lchaydi, shuningdek kechqurun melatonin ishlab chiqarilishini kamaytirish uchun ko’k nurni pasaytiradi — bu tabiiy sirkadiy ritmni va ko’rish qulayligini ta’minlaydi.

Samsung Micro RGB ikkala sertifikat qo’ygan qat’iy talablarga javob berib, ko’z xavfsizligi va qulayligiga sodiqligini namoyish etdi. Displеyning ilg’or Micro RGB LED arxitekturasi, ayniqsa, kunning istalgan vaqtida optimal ko’rish sharoitlarini yaratish uchun yorqinlik va rangni nozik tarzda tartibga solishi bilan ajralib turadi.

2026-yilgi TV qatori uchun «Ko’z Xavfsizligi» sertifikatini va premium modellari uchun CRD sertifikatini qo’lga kiritgan Samsung, endi CRD sertifikatini keng mahsulotlar turiga kengaytirmoqda.

«Micro RGB TV ko’z xavfsizligi va sirkadiy ritm qo’llab-quvvatlashi bo’yicha sertifikatlangan birinchi namuna bo’lib, premium TV bozorida yangi standartni o’rnatmoqda», — dedi Samsung Electronics Visual Display biznesining ijroiya vitse-prezidenti Teyong Son. — «Biz foydalanuvchilarimizning ko’rish muhitini hisobga oladigan va ularning turmush tarzini yaxshilaydigan displеy texnologiyalarini taqdim etishni davom ettiramiz.»