Samsung texnologiyalari Qatag‘on qurbonlari xotirasi muzeyi ekspozitsiyasini yanada boyitdi

O‘zbekiston Mustaqillik kuni arafasida Toshkentdagi Qatag‘on qurbonlari xotirasi davlat muzeyining uchta ko‘rgazma zali yangilandi. Zallarni jihozlash uchun Samsung professional displeylari yetkazib berildi va ular muzey ekspozitsiyasining bir qismiga aylandi.

Ekspozitsiyada Samsung Smart Signage yechimlari, jumladan, tasvirga hajm effektini beruvchi 85 dyuymli Spatial Signage displeyi, QMC seriyasiga mansub 65 dyuymli displeylar hamda QBC seriyasidagi displeylar qo‘llanildi. Ushbu yechimlar ma’lumotlarni raqamli formatda taqdim etish va an’anaviy muzey ekspozitsiyasini zamonaviy texnologiyalar bilan boyitish imkonini beradi.

Ushbu loyihani hayotga tadbiq etishda Samsung korxonasining rasmiy distribyutori “ABRIS DISTRIBUTION” MCHJ  va ASPELL tizim integratori ishtirokida amalga oshirildi.

Muzey siyosiy qatag‘on qurbonlari xotirasini abadiylashtirish va mamlakatning tarixiy merosini asrab-avaylashga bag‘ishlangan. Uning ekspozitsiyasi tashrif buyuruvchilarni O‘zbekiston tarixining muhim sahifalari, arxiv materiallari hamda qatag‘on yillarida jabr ko‘rgan yurtdoshlarimiz taqdiri bilan tanishtiradi.

Raqamli displeylar ma’lumotlarni yanada ko‘rgazmali tarzda taqdim etishga yordam beradi va muzey ekspozitsiyalarini tashkil etish imkoniyatlarini kengaytiradi. Shu bilan birga, asosiy e’tibor tarixning o‘ziga — voqealar, hujjatlar va insonlar taqdiriga qaratiladi. Muzey ana shu xotirani kelajak avlodlar uchun asrab kelmoqda.

Samsung ta’lim muassasalaridan tortib jamoat va madaniyat obyektlarigacha bo‘lgan turli makonlarda qo‘llaniladigan professional displey yechimlarini rivojlantirib kelmoqda. Ushbu loyiha zamonaviy texnologiyalar tarixiy merosni namoyish etishning an’anaviy usullarini qanday boyitishi hamda o‘tmish va kelajak avlodlar o‘rtasidagi bog‘liqlikni saqlashga qanday hissa qo‘shishi mumkinligini ko‘rsatadi.