Samsung Xalqaro dizayn tanlovi mukofotlari 2025 (IDEA 2025) da 47 ta mukofot, jumladan, 2 ta oltin mukofotni qoʻlga kiritdi

Kompaniya insonlarning turmush tarzi va imkoniyatlarini yuksaltiruvchi innovatsion dizayn yechimlari uchun 39 ta finalchi bilan ikkita oltin, uchta kumush va uchta bronza mukofotiga sazovor boʻldi

2025-yil, 19-sentyabr — Samsung Electronics Co., Ltd.  Xalqaro dizayn tanlovi mukofotlari (IDEA) 2025 da ajoyib dizayn mukofoti bilan taqdirlanganini eʼlon qildi. Kompaniya ikkita oltin, uchta kumush va uchta bronza hamda 39 ta finalchi mukofotlariga sazovor boʻldi.

Dunyodagi eng nufuzli dizayn mukofotlari dasturlaridan biri boʻlgan IDEA 1980-yilda Amerika sanoat dizaynerlari jamiyati (IDSA) tomonidan asos solingan. Bu yil IDEA 20 ta nominatsiya, jumladan, uy, isteʼmolchi texnologiyasi va raqamli aloqa kabi kategoriyalarda gʻoliblarni tanladi. Asosiy baholash mezonlariga dizayn innovatsiyasi, foydalanuvchi uchun foyda, jamiyat uchun foyda va boshqalar kiradi.

Rivojlanayotgan qadriyatlar va innovatsion texnologiyalar asosida Samsung’ning dizayn tamoyillari odamlarning turmush tarzi va imkoniyatlarini birinchi oʻringa qoʻyadigan mahsulotlarni yaratishda eʼtirof etilgan.

“Ilgʻor texnologiyalar va insoniy empatiyadan kelib chiqqan innovatsiyalar xalqimiz hayotini boyitadi, — dedi Samsung Electronics Device eXperience (DX) boʻlimi prezidenti va bosh dizayn direktori Mauro Porchini. — Biz nafaqat texnologiya imkoniyatlarini kengaytirishga, balki bizni yanada yorqinroq, yanada oʻzaro bogʻlangan kelajakka yaqinlashtiradigan mazmunli aloqalarni rivojlantirishga ham bel bogʻlaganmiz”.

Samsung ikkita oltin mukofotni qoʻlga kiritdi

Quyidagi qiziqarli innovatsiyalar IDEA 2025 koʻrgazmasining eng yuqori darajadagi mukofot boʻlgan oltin mukofotlarga sazovor boʻldi:

• Samsung mobil dizayni vizual ID tizimi — yagona vizual ID ostida Galaxy modellarining turli form faktorlarini oʻzaro bogʻlaydigan dizayn tizimi. Tizim har bir form faktorni intuitiv shaklga keltirdi va bu tizimni qadoqlashdan tashqari kitoblar, filmlar va chakana savdo doʻkonlarini qamrab olgan holda kengaytirdi. Tizim “Asosli” brend dizaynini bir nechta platformalarda samarali ifoda etishga yordam bergan.

• “Samsung Inclusive Essentials” deb nomlangan maishiy texnikalarda koʻrish qobiliyati sust foydalanuvchilar uchun ilgʻor konsepsiyalar — koʻrish qobiliyati sust va keksa odamlar uchun ham foydalanish qulayligini oshirishga qaratilgan istiqbolli dizayn. Shakllar va ranglarni standartlashtirish va qalinlashtirilgan matnlar, ovozli yordam va kerakli joylarni yoritib koʻrsatish kabi funksiyalarni asosiy komponentlarga birlashtirish orqali u vizual, audio va taktil yordam beradi. Bu koʻrish qobiliyati sust foydalanuvchilarga qurilmalar bilan intuitiv va qulay muloqot qilish imkonini beradi.

Samsung uchta kumush mukofotni qoʻlga kiritdi

Shuningdek, Samsung ushbu ilgʻor texnologiyalar uchun uchta kumush mukofotni qoʻlga kiritdi:

• Galaxy Tab S10 modellari — Samsung’ning AI funksiyalari bilan ishlab chiqarilgan birinchi planshet modellari boʻlib, planshetlar SmartThings ekotizimidagi qurilmalar boshqaruvini soddalashtirish uchun uy va barcha ulangan qurilmalarning umumiy vizual koʻrinishini beruvchi 3D Map View funksiyasiga ega.

• Samsung aqlli modulyar uylari uchun ilgʻor konsepsiya — kelajak innovatsiyalari sifatida rivojlanayotgan turmush tarziga moslashuvchan,kengaytirilishi mumkin boʻlgan arxitekturasiga AI va ilgʻor IT’ni muhim element qilib kiritgan uylar.

• Digital Twin — intuitiv operatsiyalar va 3D ga asoslangan texnologiya orqali energiyani optimallashtirish imkonini beruvchi, samarali va barqaror yechimlarni taklif qiluvchi, aqlli uylarni boshqaruvchi yangi avlod AI’ga asoslangan IoT yechimi.

Samsung uchta bronza mukofotini qoʻlga kiritdi

Ushbu uchta mahsulot oʻzining uygʻun dizayni uchun bronza mukofotini oldi:

• Galaxy S24 FE — Galaxy AI bilan qoʻllab-quvvatlangan fotosuratlar va ilgʻor kamera sozlamalari bilan foydalanuvchi imkoniyatlarini yaxshilaydi va ularga yanada ijodkor boʻlishga imkon beradi. Telefon katta ekran, yupqa ramkalar, nozik ranglar palitrasi va yuqori sifatli materiallarga ega boʻlib, u koʻplab foydalanuvchilarga yuqori darajali mobil imkoniyatlarni taqdim etadi.

• Samsung Vision AI ekrandagi hikoya — “Endless Wonder” konsepsiyasi ostida Samsung televizor brendining vizual tasviri.

• EHS MONO ichki va tashqi tizim — energiyani yanada qulay nazorat qilish uchun SmartThings va AI Home sensorli ekranga ega uy issiqlik nasosi qurilmasi.

Finalchilar deb nomlandi: mahsulot va UX dizayni, jami 39 ta televizor, maishiy texnika va smartfonlar.

Koʻplab Samsung dizaynlari sara finalchilar nomini oldi:

• Galaxy Z Fold6 va Z Flip6 — innovatsion buklanuvchan form faktorli, Galaxy AI’ga ega, mobil texnologiyalarning kelajagini qayta belgilagan, foydalanuvchilar uchun uzluksiz mobil qulayliklar va mislsiz serqirra imkoniyatlarni taqdim etuvchi telefon.

• Smart Monitor M9 (M90SF modeli) — ajoyib 4K OLED displeyi va 4K AI Upscaling Pro, AI Picture Optimizer va Active Voice Amplifier (AVA) Pro kabi AI funksiyalarini oʻzida birlashtirib, uzluksiz ravishda ishonchli va yuqori sifatli oʻyin-kulgini taʼminlaydi.

• Bespoke AI Laundry Hub — AI Home sensor ekranli zamonaviy, joyni tejaydigan ustma-ust qoʻyiladigan kir yuvish mashinasi va quritkich qulay integratsiya va kir yuvish uchun aqlli yechimlarni taqdim etadi. (Hozirda faqat Koreyada sotiladi)

• Newfound Equilibrium koʻrgazmasi — odamlar va texnologiya oʻrtasida muvozanatni oʻrnatishga undovchi porloq kelajak haqida tasavvur uygʻotishni maqsad qilgan Samsung’ning foydalanuvchilarga yoʻnaltirilgan dizayn falsafasini namoyish etadi.