Samsung’ning AI asosidagi innovatsiyalari Iste’molchilar texnologiyalari uyushmasi tomonidan taqdirlandi

Samsung kompaniyasi “Eng yaxshi innovatsiya” yo’nalishida toʻrtta mukofot bilan e’tirof etilib, AI, dizayn va foydalanuvchi tajribasi sohasidagi o’zgacha mahorati ta’kidlanib o’tildi.

Jahon texnologik yetakchilari qatoridan o’rin olgan Samsung Electronics bugun o‘zining eng yangi mahsulotlari va xizmatlari nufuzli CES® 2025 Innovation Awards, jumladan, Iste’molchilar texnologiyalari uyushmasi (CTA)® tomonidan “Eng yaxshi innovatsiya” yo’nalishida to‘rtta mukofot bilan e’tirof etilganini e’lon qildi. Bu eʼtiroflar CES® 2025 – dunyodagi eng yirik va eng nufuzli texnologik tadbirdan ikki oy oldin boʻlib oʻtadi va ular Samsung’ning isteʼmolchilar uchun mo’ljallangan texnologiyalar chegaralarini kengaytirishga sodiqligini taʼkidlaydi. AI sohasidagi ilg’or yutuqlar, barqaror dizayn va inklyuziv foydalanuvchi tajribasi bilan Samsung butun sanoat uchun standart o’rnatishda davom etmoqda.

CES Innovation Awards dasturi har yili oʻtkaziladigan tanlov boʻlib, u isteʼmol texnologiyalari sohasidagi ajoyib dizayn va muhandislikni taqdirlaydi, bir nechta toifalar boʻyicha eng yaxshi innovatsiyalarni tan oladi va har bir sohada eng yuqori baholarni ajratadi. Samsung uchun ushbu mukofotlar kompaniyaning kuchli aqlli qurilmalar ekotizimida – smartfonlar va planshetlardan tortib, maishiy texnika, televizorlar, taqiladigan qurilmalar, dasturiy ta’minot, xizmatlar hamda kelajak uchun cheksiz imkoniyatlarni ochadigan yarimo’tkazgichli yechimlargacha – AI’ga asoslangan ulanish, moslashtirish va qulaylik bo‘yicha kengroq qarashlarini ta’kidlaydi.

Xususan, Samsung Vizual displeylar yo’nalishi 16 ta innovatsiya sohasidagi mukofotni qo‘lga kiritdi va uchta “Eng yaxshi innovatsiya” mukofoti sovrindori bo‘ldi. Bular qatorida bir nechta Samsung ekranlari, jumladan, eng yangi flagman OLED TV uchun mukofotlar kiradi. Bundan tashqari, Samsung kuningizni har qachongidan ham oson, dinamik va ulanuvchan qilish uchun mo‘ljallangan ajoyib AI xususiyatlari uchun e’tirofga sazovor bo‘ldi. Digital Appliances (DA) biznesi uyga asoslangan innovatsiyalari bilan ham e’tirof etildi va qulaylikni har tomonlama oshirish orqali foydalanuvchi tajribasini oshiradigan mahsulotlar uchun ko’plab mukofotlarni qo’lga kiritdi.

7-10-yanvar kunlari Las-Vegasda boʻlib oʻtadigan CES® 2025 koʻrgazmasi ishtirokchilari Samsung’ning AI yordamida boshqariladigan aqlli mahsulotlarining toʻliq qatorini koʻrishlari mumkin boʻladi, ular yanada barqaror va qulayroq dunyoni shakllantirish, eng yaxshi texnologiyalar va turmush tarzini birlashtirgan holda qayta ishlangan.

Galaxy Buds3 Pro quloqchinlar va shaxsiy audio yo’nalishida “Eng yaxshi innovatsiya” mukofotiga sazovor bo’ldi

Galaxy Buds3 Pro o‘zining yuqori sifatli ovozi, moslashuvchan shovqin nazorati va nafis ko‘rinishi uchun Naushniklar va shaxsiy audio bo‘yicha eng yaxshi innovatsiyalar g‘olibi deb topildi. Umuman olganda, Galaxy Buds3 seriyasi yangi hisoblash yondashuvi bilan yuqori sifatli audio taassurotlarini taqdim etish uchun moʻljallangan boʻlib, kerakli qulaylikni taʼminlaydi va Galaxy AI’ni oʻz ichiga oladi, bu foydalanuvchilarga toʻgʻridan-toʻgʻri Galaxy Buds orqali tarjima qilingan maʼruza yoki nutqlarni aloqa to’siqlarisiz tinglash imkonini beradi – barchasi ekranga ehtiyoj sezmasdan.

CES 2025 Innovatsiya mukofoti sovrindorlari

Tasvirlash uchun Galaxy AI – Samsung foydalanuvchilar uchun kuchli mobil tahrirlash va ijodkorlik vositalari kabi haqiqiy va innovatsion imtiyozlarni taqdim etish uchun mobil qurilmalardagi Galaxy AI’dan boshlab, barcha ulanadigan texnologiyalarida AI’ni birlashtirmoqda. Masalan, ProVisual Engine, AI’ga asoslangan vositalarning keng qamrovli to’plami foydalanuvchilarning kontentni suratga olish va tahrirlash usullarini o’zgartiradi, bu ularga taklifni tahrirlash yoki generativ tahrirlash kabi avtomatik tavsiyalar bilan suratni bir zumda va osonlikcha yaxshilash imkonini beradi. Bu imkoniyatlar Samsung kompaniyasining odamlar uchun inklyuziv va mazmunli tajriba yaratishga e’tiborini namoyish etadi.

Oʻyinlar va eSport uchun Galaxy Z Fold6 – Galaxy Z Fold6, eng ingichka, eng yengil va eng bardoshli Galaxy Z seriyasining buklanuvchan vakili, u eng ilgʻor Snapdragon mobil protsessori va takomillashtirilgan sovutish tizimi tufayli kuchli ishlashni taʼminlab, portativlik uchun optimallashtirilgan. Bundan tashqari, u katta ekranning afzalliklarini maksimal darajaga ko’taradigan va mahsuldorlikni sezilarli darajada oshiradigan aloqa va ijodkorlik uchun Galaxy AI tomonidan boshqariladigan qator xususiyatlar va vositalarni taklif etadi.

Kompyuter uskunalari va komponentlari uchun Galaxy Tab S10 seriyasi – Bu Samsung’ning AI uchun mo’ljallangan birinchi planshet seriyasidir. Premium uskuna 14,6 dyuymli va 12,4 dyuymli Dynamic AMOLED 2X displey bilan turlanadi – har bir model bilan ichida bo’lgan intuitiv S Pen uchun ushbu displey ideal ravishda mos keladi. Galaxy Tab S10 Ultra uchun unumdorlikni oshirish Galaxy Tab S9 Ultra bilan solishtirganda CPU uchun 18%, GPU uchun 28% va NPU uchun 14% o’sishni o’z ichiga oladi. Ushbu takomillashtirilgan ishlov berish quvvati AI xususiyatlarini tezroq va sezgirroq qilish imkonini beradi. Bu funksiyalarga endi mos keluvchi Book Cover klaviaturalarida[1] yangi Galaxy AI Key[2] yordamida yozma ko‘rsatmalar bilan osongina kirish mumkin, uni foydalanuvchi tanlagan AI yordamchisini ochish uchun sozlash mumkin.

Galaxy Watch7 for Fashion Tech – Galaxy Watch7 shaxsiylashtirilgan mashg‘ulotlar va salomatlikni profilaktik monitoringi funksiyalarini taklif qilish orqali kundalik salomatlikni oshirish uchun mo‘ljallangan. Bundan tashqari, Galaxy Watch7 foydalanuvchilarga zamonaviy soat lentalari va turli xil soat yuzi variantlari bilan o’z uslublarini ifodalash imkonini beradi.

Mobil qurilmalar, aksessuarlar va ilovalar uchun sekundiga 10,7 gigabitgacha LPDDR5X DRAM – Samsung sanoatning sekundiga 10,7 gigabitgacha bo‘lgan eng tez tezligini qo‘llab-quvvatlovchi sanoatdagi birinchi 12nm-sinf LPDDR5X DRAM’ni ishlab chiqdi. LPDDR5X o‘zining yuqori unumdorligi va sanoatdagi eng kichik chip o‘lchami bilan keyingi avlod qurilmadagi AI ilovalari uchun optimallashtirilgan.

Exynos W1000 for Fashion Tech – Aqlli soatlar va taqiladigan qurilmalar uchun moʻljallangan Exynos W1000 protsessori talabchan ilovalarni muammosiz ishlaydi va oʻzining maxsus GPU bilan yorqin 3D grafiklarni taqdim etadi. Ilovalarni tezroq yuklash va minimal batareya quvvatini ishlatadigan har doim ochiq displey bilan foydalanuvchi tajribasini yaxshilaydi.

Tasvirlash uchun “Barcha linzalar prizmada” (All Lenses on Prism, ALoP) — Samsung’ning “Barcha linzalar prizmada” yangi avlod telefoto kamera yechimi bo‘lib, linzalarni to‘g‘ridan-to‘g‘ri prizmaga joylashtiradi, yorqinlikni oshiradi va shovqinni kamaytiradi. Ushbu innovatsion dizayn, shuningdek, kameraning zarbasini kamaytiradi, bu yanada silliq va estetik dizaynga imkon beradi.

* CES Innovatsion mukofotlari hakamlarga taqdim etilgan tavsifiy materiallarga asoslanadi. CTA har qanday taqdimot yoki da’volarning to’g’riligini tekshirmadi va mukofot berilgan buyumni sinab ko’rmadi.

[1] Klaviatura faqat One UI 6.1.1 yoki keyingi versiyalar bilan Galaxy Tab S10 Series, Tab S9 Series, Tab S9 FE Series modellariga mos keladi.

[2] AI kalit funksiyasi One UI 7.0 yoki undan keyingi versiyali Galaxy Tab S10 Series va Tab S9 Series modellarida mavjud (alohida sotiladi).