Shaxsiy hayotga tajovuzkorlik va egalik huquqi himoyalanmasligiga bogʻliq tashvishlar tobora keng tarqalgan. Texnologiya hayotimizga kun sayin singib borar ekan, muloqotlarimiz ham tobora koʻproq onlayn tarzda amalga oshadi. Bu esa koʻpincha internet orqali nozik va shaxsiy maʼlumotlarni almashishimizni anglatadi.

Bunday muloqotlarni toʻgʻri usulda oʻtkazishni bilish qiyin boʻlishi mumkin. Masalan, sizda uchinchi tomon xabar almashish platformalarining xavfsizligi bilan bogʻliq xavotirlar boʻlishi mumkin. Yoki sizning shaxsiy xabarlaringiz va maʼlumotlaringiz server hujumi yoki telefoningiz yoʻqolishi holatlarida ular birovning qoʻliga tushib qolishidan xavotirda boʻlishingiz mumkin. Boshqa qurilmaga ulanayotganda, maʼlumotlaringizni birov koʻrib qolmasligi va ularni xavfsiz saqlash haqida tashvishlanishingiz mumkin.

Biz, Samsung, bularning barchasini oʻylab koʻrdik va maʼlumotlaringizni oʻzingiz ishongan kishilar bilan xavfsiz va qulay tarzda ulashish uchun sizni himoya qilishni oʻz vazifamizga aylantirdik.

Private Sharing va Quick Share

Hech bunday vaziyatga tushib qolganmisiz? Siz endigina tugʻilgan chaqalogʻingizning suratlarini yoki yaqinda oʻtkazgan taʼtilingizdagi videolarni ulashmoqchisiz, lekin ularni shunchaki internetga qoʻyib qoʻymaslikni yoki siz bilgan kishilardan boshqa hech kimga koʻrinmasligini istaysiz.

Samsung Galaxy bu muammoni hal qilish uchun oʻzining yechimiga ega: Quick Share va Private Sharing birlashmasi — maxfiylik bilan fayl almashish funksiyasi maʼlumotlaringizni xotirjamlik bilan ulashish imkonini beradi.

Private Sharing bilan siz va faqat siz maʼlumotlaringiz egasisiz. Siz yuborgan fayllarni faqatgina belgilangan kishilar ochishi mumkinligiga ishonch hosil qilishingiz mumkin. Shuningdek, siz maʼlumotlar uchun ruxsatnomalar va amal qilish muddatini belgilashingiz mumkin, bu orqali ularni faqat cheklangan vaqt davomida koʻrish mumkin boʻladi. Bundan tashqari, siz tarqatish imkoniyatisiz faqat oʻqish uchun ruxsat berishingiz mumkin; istalgan vaqtda maʼlumotlarga kirishni bekor qila olasiz; skrinshot olishni cheklay olasiz hamda qabul qiluvchi faylni qachon olganini va ochganini koʻra olasiz.

Private Sharing kontentingizni xavfsiz va oson ulashish imkonini beradi va siz bir vaqtning oʻzida umumiy hajmi 200 MB dan kam boʻlgan 20 tagacha faylni almashishingiz mumkin.[1] Shuningdek, barcha fayllaringiz blokcheynga asoslangan shifrlash texnologiyasi yordamida toʻliq shifrlanadi.

Private Sharing’dan foydalanish uchun yubormoqchi boʻlgan faylni tanlang va “Ulashish” belgisiga bosing. Qoʻshimcha menyularni koʻrish uchun Quick Share tugmasidan keyin yuqori oʻng burchakdagi uchta nuqta ustiga bosing. Keyin Private Sharing’ni yoqing. Xabar yuborilgandan soʻng siz nima yuborganingizni tekshirishingiz va amal qilish muddatini oʻzgartirishingiz yoki ulashuv ruxsatlarini bekor qilishingiz mumkin.

▲ Faylni tanlang > Quick Share > Uchta nuqta (qoʻshimcha imkoniyatlar) > Private Sharing’ni yoqish

Shaxsiy fotosurat yoki fayllarni adashib tashlab yuborish yoki maʼlumotlaringiz begona qoʻllarga tushib qolishidan endi tashvishlanmang. Quick Share va Private Sharing kombinatsiyasi yordamida siz qaysi maʼlumotlaringizni kimga ulashayotganingizni nazorat qila olasiz va har qadamda ogohlantirilib turasiz.

Raqamli shifrlash va maʼlumotlarni yuqori darajada muhofazalash tizimi

Mana bunday holat har qaysi odamni vahimaga soladi: siz tashrif buyurgan veb-saytda xatolik ketgani va akkauntingiz saqlanadigan serverni xakerlar buzgani haqida bildirishnoma oldingiz.

Hech kim oʻzining maʼlumotlarini tarqalib ketishini xohlamaydi. Ammo Galaxy’ning Maʼlumotlarni yuqori darajada muhofazalash tizimi (Enhanced Data Protection) bilan siz Samsung Cloud’da maʼlumotlaringiz xavfsiz saqlanishiga ishonch hosil qilishingiz mumkin.

Galaxy S24 dan boshlab maʼlumotlarni yuqori darajada muhofazalash tizimi Samsung Cloud bilan maʼlumotlaringizni sinxronlash yoki zaxiralashda Galaxy qurilmalari uchun qoʻshimcha himoyani taqdim etadi.[2] Bu xususiyat maʼlumotlarni raqamli shifrlash (E2EE) orqali maʼlumotlar yoʻqolishini kamaytiradi. Bu esa maʼlumotlaringizni qurilmangizdagina shifrlash va shifrdan chiqaradigan qiladi va bu orqali sizdan boshqa hech kim maʼlumotlaringizni koʻra olmaydi. Boshqacha qilib aytganda, siz xavfsiz holda boshqa qurilmalarga ulana olasiz va hatto server buzilganda yoki akkauntingiz oʻgʻirlangan taqdirda ham maʼlumotlaringiz xavfsiz saqlanadi.

Maʼlumotlarni yuqori darajada muhofazalash tizimini faollashtirgach, qurilmangizni yoʻqotib qoʻyadigan holatlarda maʼlumotlaringiz yoʻqolishining oldini olish uchun sizdan qutqaruv kodini kiritish soʻraladi.

Maʼlumotlarni yuqori darajada muhofazalash tizimidan foydalanish uchun Samsung Cloud ilovasini oching, qoʻshimcha menyularni koʻrish uchun uchta nuqta ustiga bosing, “Sozlamalar”ni tanlang, soʻng “Maʼlumotlarni yuqori darajada muhofazalash tizimi”ni tanlang. Bu yerdan siz zaxira nusxasini yoki sinxronlangan maʼlumotlarni shifrlashni tanlashingiz mumkin. Shu oʻrinda ushbu funksiyani topish uchun qurilmangiz sozlamalarini ochib, “Xavfsizlik va maxfiylik” boʻlimiga oʻtishingiz ham mumkin.

▲ Samsung Cloud > Uchta nuqta (qoʻshimcha imkoniyatlar) > Sozlamalar > Maʼlumotlarni yuqori darajada muhofazalash tizimi ▲ Sozlamalar > Xavfsizlik va maxfiylik > Qoʻshimcha xavfsizlik sozlamalari > Maʼlumotlarni yuqori darajada muhofazalash tizimi

Raqamli shifrlangan maʼlumotlarni faqat Maʼlumotlarni yuqori darajada muhofazalash tizimi funksiyasidan foydalanadigan qurilmalardagina ochish mumkin va unga boshqa hech kim, jumladan Samsung ham ocha olmaydi.

Bilamizki, foydalanuvchilarimiz oʻz qurilmalari va maʼlumotlari himoyalanganligini bilgan holda hayotlaridan xavotirsiz bahramand boʻlishni istashadi. Galaxy sizga buni amalga oshirishga yordam beradi. Sizni biz qoʻllab-quvvatlab turganimizni bilar ekansiz, endi xavotirsiz bemalol ishlashingiz mumkin.

[1] Shaxsiy almashish Android OS 10 (Q OS) yoki undan keyingi versiyalari va One UI 2.1 yoki keyingi versiyalariga ega Galaxy qurilmalari o‘rtasida qo‘llab-quvvatlanadi. Bir vaqtning o’zida eng ko’pi 20 ta fayl va 200 MB o’tkazilishi mumkin. Ulashish mumkin boʻlgan fayl turlariga rasm (.jpg, .jpeg, .png, .gif, .bmp, .webp, .heic, .dng), video (.webm, .mp4, .3gp, .3g2, .mkv), audio (.mp3, .wav, .ogg, .m4a) va hujjatlar (.txt, .pdf) kiradi.

[2] Maʼlumotlarni yuqori darajada muhofazalash tizimi mavjudligi va qoʻllab-quvvatlanishi qurilma modeli va operatsion tizimiga qarab farq qilishi mumkin.

Yuqori qulaylik va foydalanishda soddalikni taklif etarkan, Samsung fayllar almashinuvi flagmanlik funksiyasi oddiy fotosuratlar va qaydnomalardan to katta video va yuqori xavfsizlikni talab qiluvchi ish hujjatlarigacha — barcha turdagi fayllarni tez almashish imkonini beradi.

Galaxy fayllar almashinuvi flagmanlik funksiyasi: Quick Share

1. Sifatni yo‘qotmagan holda tasvirlarning asl fayllarini baham ko‘ring

Foydalanuvchilar Galaxy Quick Share funksiyasidan foydalanib, fayllar bilan oson va tezkor bo`lishishlari mumkin.

Uzoq vaqt ko‘rishmagan do‘stlaringiz bilan uchrashganda birga o‘tkazilgan vaqt haqidagi xotiralarni saqlab qolish juda muhim. Biroq smartfoningizdagi “Galereya” do‘stlaringiz bilan vaqtichog‘liq qilayotganingizda suratlarga to‘lib qolgan bo‘lsa, xavotirlanmang. Barcha fotosuratlarni xabarlar almashish ilovasiga yoki elektron pochtaga yuklash va ularni yana yuklab olish tashvishlaridan xoli qilish uchun Quick Share sanoqli soniyalar ichida fayllarni soddagina yuborishni ta’minlaydi.

Quick Share’ning eng katta afzalligi — foydalanuvchilar yaqindagi Galaxy qurilmalari bilan fotosuratlarni, fayllar soni va o‘lchamidan qat’i nazar, bir necha bosishlar orqali tezda almasha oladilar. Wi-Fi yoki Bluetooth ulanishi yordamida foydalanuvchilar sakkiz nafargacha foydalanuvchiga bir vaqtda yubora oladi.[1]

Quick Share orqali fayllar qabul qilish, sozlashdan to jo‘natish va qabul qilishgacha — barchasi juda oson. Quick Share ishlatish uchun Galaxy qurilmasi ekranining yuqori qismiga barmog‘ingizni tekkizib, pastga suring va tezkor sozlamalarda Quick Share tugmasini bosing.

Fayllarni qulay jo‘natish uchun Galaxy menyusida Quick Share’ni faollashtiring.

Quick Share’ni ishlatib ko‘rmoqchi bo‘lganlarga buni qanday qilishni ko‘rsatuvchi qadam-baqadam yo‘riqnoma:

       ①  Foydalanuvchilar o‘zlari ulashmoqchi bo‘lgan faylni tanlab, Quick Share tugmasini bossalar kifoya.

“Galereya” ilovasidagi tasvir yoki videoni yoxud papkadagi faylni tanglang, keyin “Ulashish” tugmasini bosing. Quick Share tugmasi bosilgach, qalqib chiquvchi darchada umumiy fayllarni qabul qilishi mumkin bo‘lgan Galaxy qurilmalari namoyon bo‘ladi.

Foydalanuvchilar o‘zlari ulashmoqchi bo‘lgan faylni tanlab, Quick Share tugmasini bossalar kifoya.

       ②  Fayllarni uzatish uchun Galaxy foydalanuvchisini tanlang → Qabul qilayotgan tomon faylni yuklab oladi

Fayllarni qabul qila oladigan Galaxy qurilmalari foydalanuvchi avvalda o‘rnatgan umumiy ulanish sozlamalariga muvofiq keltiriladi. Boshqa Galaxy qurilmasi faylni qabul qilsa, fayl darhol jo‘natiladi. Bu fayllarni o‘sha zahoti “Galereya” ilovasida tuzilgan Quick Share papkasida qo‘shimcha yuklash jarayonisiz topish mumkin.

Galaxy’dan boshqa qurilmalar bilan tez va muammosiz baham ko‘ring

Qolaversa, Quick Share nafaqat GALAXY qurilmalar o‘rtasida, balki boshqa smartfonlar bilan ham fayllar almashishni soddalashtiradi.

GALAXY foydalanuvchisi bo‘lmagan foydalanuvchilarga fayllarni jo‘natishda “Tezkor jo‘natish va nusxa olish” yoki “QR-kod yordamida ulashish” havolasini bosing.

GALAXY’dan boshqa qurilma foydalanuvchilari bilan QUICK SHARE orqali fayl almashishda GALAXY foydalanuvchisi QUICK SHARE yordamida o‘zi baham ko‘rmoqchi bo‘lgan faylni belgilashi va quyidagi variantlardan birini tanlashi mumkin: Havoladan nusxa olish, Ilovada ulashish va QR-kod yordamida ulashish. Agar foydalanuvchi QR-kod yordamida fayl ulashishga qaror qilsa, qabul qiluvchi nusxa olishi yoki kodni skanerlashi yetarli — bir zumda o‘z smartfoni yoki qurilmasiga faylni yuklay oladi.

Bundan tashqari, Samsung Cloud’ga yuklangan fayllarni ham boshqalar bilan ulashish mumkin.

Quick Share funksiyasi QR-kodi yoramida fotosuratlarni yuborish

Agar “Ilovada ulashish” parametri tanlangan bo‘lsa, havolani o‘sha zahoti messenjer orqali yuborish mumkin, bu uni guruhli chatda bir vaqtda bir necha odamlar bilan fayl almashishning samarali usuliga aylantiradi. Bundan tashqari, foydalanuvchilar fayllar siqilishi tufayli tasvir sifati yomonlashishidan xavotir olmay, boshlang‘ich fotosurat va videoni yuqori sifatda yuborish imkoniga ham egalar.

Shuningdek, qayd etish kerakki, Samsung Cloud’ga yuklangan fayllar muayyan davrdan keyin avtomatik o‘chiriladi, bu xavfsizlik va foydalanuvchilar uchun qulaylikni oshiradi.

Planshet va noutbuk kabi turli qurilmalar bilan tezkor ma’lumotlar almashinuvi.

Quick Share’ni ushbu funksiyani qo‘llab-quvvatlaydigan istalgan GALAXY qurilmasida ishlatish mumkin. Bir zumda fayllar almashinuvi funksiyasi GALAXY va Galaxy Books smartfonlari, planshetlari o‘rtasida fayllarni erkin almashish imkonini beradi.

Quick Share funksiyasi yordamida GALAXY mobil qurilmasidan Galaxy Books’ga fayllar almashish

GALAXY qurilmasining har xil turlari o‘rtasida fayllar almashinuvi ham sodda va qulay. GALAXY smartfonidan Galaxy Books’ga fayl yuborish uchun sizdan talab qilinadigani — fayl va qabul qiluvchini QUICK SHARE yordamida tanlashdan oldin ikkala qurilmada QUICK SHARE funksiyasini faollashtirish xolos.

Private Share yordamida xafsizlikni ikki barobar kuchaytirib, bexavotir ulashing

Muhim shaxsiy yoki moliyaviy axborotga ega fayllar almashinuvida Samsung Private Share fayllarni xavfsiz almashishga yordam beradi.

Wi-Fi va Bluetooth ulanishidan foydalanadigan QUICK SHARE’dan farqli ravishda, Private Share fayllarni blokcheyn yordamida shifrlashni qo‘llab-quvvatlaydi. Foydalanuvchilar Private Share orqali turli fayllarni, jumladan tasvir, video, audio va hujjatlarni yubora oladilar. Bir vaqtning o‘zida belgilangan qabul qiluvchiga telefon raqami va identifikatsiya raqamidan foydalanib, umumiy hajmi 200 MB gacha bo‘lgan yigirmata fayl yuborilishi mumkin.

Private Share yordamida foydalanuvchilar qabul qiluvchilar uchun qancha muddat ochiq turishini nazorat qilishlari va amal qilish muddati yakunlanishi sanasini belgilashlari mumkin.

Private Share foydalanuvchilarga hatto fayllar jo‘natilganidan keyin ham umumiy fayllardan foydalanishga ruxsatni bekor qilish imkonini beradi.

Private Share’ning eng ajoyib xususiyati — foydalanuvchilar qabul qiluvchining fayldan foydalanish huquqini va fayl amal qilish muddati tugashi sanasini nazorat qila oladilar. Foydalanuvchilar faylni yuborishdan oldin faylni ko‘rish vaqtini, shuningdek, foydalanuvchi fayldan qanday foydalanish mumkinligini belgilashlari mumkin. Shu bilan birga, foydalanuvchilar parametrlarni sozlash hamda hatto fayllar yuborilgandan keyin ham umumiy foydalanishga ruxsatni bekor qilish imkoniga egalar.

Private Share qabul qiluvchilarga umumiy fayllarni skrinshot qilish ikonini bermaydi va bu bilan fayllarning xafsizligini ta’minlaydi.

Bundan tashqari, yuboruvchi faylni qabul qiluvchi olganligini, ochganligini va bular qachon ro‘y berganligini tekshira oladi. Maxfiylikni ta’minlash maqsadida himoyalangan fayllarni yuklash va ekrandan skrinshot olish mumkin emas, bu fayllarni foydalanish huquqi bo‘lmagan tomonlarga yo‘llashning oldini oladi.

QUICK SHARE va Private Share’ga qo‘shimcha o‘laroq, GALAXY foydlanuvchilari Dropship va Nearby Share kabi fayl almashinuvining boshqa uslublaridan ham foydalanishlari mumkin, bu foydalanuvchilarga o‘zlari xohlagan usulda va vaqtda kontent yuborish imkonini beradi.

Quick Share yordamida Galaxy foydalnuvchilari o‘rtasida fotosuratlar almashinuvi

Biznes-muhitda muhim fayllar almashishdan to yaqinlar bilan fotosuratlar almashishgacha — Samsung Galaxy Quick Share va Private Share funksiyalari o‘zlarining qulayligi, xavfsizligi va keng qo‘llanishi tufayli raqamli davrda yanada shinam muloqotni ta’minlaydi.

[1] Qurilmaga bog‘liq.