Galaxy Tab S10 modellari – Samsung’ning AI’ga tayyor planshetlari

Bu modellar Galaxy AI ekotizimini kengaytiradi, birga keladigan S Pen esa intuitiv mahsuldorlik va ijodkorlikni taqdim etadi

Samsung Electronics Co., Ltd bugun ilk bor AI uchun ishlab chiqilgan planshetlar – Galaxy Tab S10 Ultra va Galaxy Tab S10+ ni taqdim etdi. Bu premium qurilmalar 14,6 dyuymli va 12,4 dyuymli Dynamic AMOLED 2X displeylariga ega — ikkala model bilan birga keladigan intuitiv S Pen uchun ideal juftlik. Galaxy Tab S10 Ultra va Galaxy Tab S9 Ultra solishtirilganda[1], yangi model protsessorni 18% ga, GPU’ni 28% ga va NPU’ni 14% ga oshirganini koʻrsatdi.

Ushbu takomillashgan hisoblash quvvati tezkor va sezgir AI funksiyalarini taʼminlaydi. Ulardan esa AI yordamchisi sozlanadigan Book Cover Keyboards’dagi yangi Galaxy AI Key yordamida yozma koʻrsatmalar orqali osongina foydalanish mumkin. Ilgʻor dasturiy taʼminotlar planshetlar uchun optimallashtirilgan Note Assist (Eslatma Yordami) va Drawing Assist (Chizish bo’yicha yordamchi) kabi funksiyalarni oʻz ichiga oladi. Shuningdek, Galaxy Tab S10 modellari SmartThings ekotizimida qurilmalar boshqaruvini soddalashtirish uchun uy va barcha ulangan qurilmalarning vizual koʻrinishini beruvchi 3D Map View funksiyasiga ega uy sunʼiy intellekt qurilmasi vazifasini ham bajaradi. Mustahkam Samsung Knox xavfsizligi maʼlumotlar maxfiyligi va nazoratini taʼminlaydi, innovatsion materiallar esa Samsung’ning yanada barqaror kelajak sari intilishga sodiqligini taʼkidlaydi.

“Galaxy Tab S10 modellari AI imkoniyatlari bilan yaratilgan birinchi planshet boʻlib, u Galaxy AI oilasining eng soʻnggi mahsulotidir”, dedi Samsung Electronics’da prezident oʻrinbosari, Galaxy Ecosystems Business Team va Mobile eXperience Business rahbari MC Lee. “Biz oʻzaro ulangan qurilmalarimizning uzluksiz ekotizimiga quvvat va portativlik uygʻunligiga ega Galaxy Tab S10 modellari orqali faqat sunʼiy intellekt planshetigina taqdim eta oladigan koʻp qirrali qurilmani qoʻshganimizdan faxrlanamiz”.

Jonli ravishda erishilgan eng yuqori tezkorlik

Samsung’ning betakror qulayliklarni taqdim etish merosi asosida yaratilgan Galaxy Tab S10 Ultra va Galaxy Tab S10+ super quvvatli, kechikishsiz ishlaydigan funksiyalarni taqdim etish uchun sunʼiy intellektni qayta ishlash kuchini sezilarli darajada oshiradi. Galaxy Tab S10 Ultra’ni Galaxy Tab S9 Ultra bilan solishtirganda protsessor tezligi 18% ga, GPU 28% ga va NPU 14% ga oshgan. Uzoq muddatli batareya[2] va super tez quvvatlash[3] bilan birgalikda Galaxy Tab S10 modellaridan uzoqroq foydalanish imkonini beradi va uning quvvatlanishini kutishga kamroq vaqt sarflanadi.

Elegant korpus sifati, hayratlanarli displey

Galaxy Tab S10 Ultra’ning 14,6 dyuymli va Galaxy Tab S10+ ning 12,4 dyuymli displeylari eng soʻnggi Dynamic AMOLED 2X texnologiyasiga ega va hatto ochiq havoda ham jonli va tabiiy tomosha hissini taqdim etadi. Quyosh shuʼlalariga qarshi ilgʻor texnologiya yordamida har qanday tafsilot har qanday burchakdan va har qanday muhitda tiniq boʻlib qoladi. Modelning toʻrtta karnay sozlamalari sunʼiy intellekt asosidagi Dialogue Boost bilan yanada takomillashtirilgan boʻlib, u ultra tiniq ovozni yaratish uchun shovqinni pasaytirib, ovozlarni kuchaytiradi. Yoʻlda ketishda foydalanish uchun Galaxy Tab S10 modellari har qanday vaziyat va joyda yanada mustahkamlangan zirhli alyuminiy bilan himoyalangan IP68 reytingiga[4] ega boʻlib, a’lo darajadagi chidamlilikni taqdim etadi.

Kamroq ortiqcha harakat, koʻproq amaliy ijodkorlik

Galaxy Tab S10 modellari samarador funksiyalarni taqdim etadi. Ular unumdorlikni oshiradi va ijodiy qirralaringizni ochish uchun ajoyib vosita boʻlib xizmat qiladi.

• Note Assist (Eslatma Yordami) va intuitiv S Pen yordamida planshetning katta displeyida eslatma yozish juda oson. AI tomonidan taqdim etilgan avtomatlashtirilgan transkripsiyalar va xulosalar yordamida uyga vazifalar, qaydlar va shaxsiy jurnallar samaraliroq boʻladi. PDF Overlay Translation (PDF formatidagi ustki tarjima) bilan Galaxy Tab S10 modellari PDF fayllarni ham ekran ustidagi panel orqali qulay tarjima qilishi mumkin. Handwriting Help (Qo’l yozuvi yordami) tartibsiz qoʻlyozmalarni ham tozalaydi.
• Galaxy AI’ning Sketch to Image (Eskizdan tasvirga) ilovasi Galaxy Tab S10 Ultra’ni tasavvurni haqiqatga aylantirish uchun mukammal vosita qiladi va aqliy toʻsiqlarni yengishda ideal ijodiy yordamchi sifatida xizmat qiladi.
• Galaxy Tab S10 modellarida Google orqali aylana chizib qidirish[5] yordamida u ilovadan bunisiga oʻtmagan holda istalgan narsani qidiruvga berishingiz mumkin. Planshetingizda koʻrgan, tushunmagan narsangizni Google bilan shu zahoti tarjima qiling. Ilovalarni almashtirmasdan har qanday rasm, video yoki matn ustiga ikki marta bosish orqali uni tarjima qilishingiz mumkin. Tezda kerakli maʼlumotni qidirib toping-da, yana qilayotgan ishingizga qayting. Aylana chizib qidirish hatto fizika va matematika masalalarini yechish bosqichlarini aniqlashi va koʻrsatib berishi mumkin.
• Galaxy S Pen’ning Air Command with AI funksiyasi menyular oʻrtasida almashmasdan Galaxy AI Assistant funksiyalariga tezkor kirish imkonini beradi. AI Assistant ilovalari Book Cover Keyboard’dagi Galaxy AI Key[6] orqali ham oson ishga tushirilishi mumkin, bu esa foydalanuvchilarga Samsung Bixby va Google Gemini oʻrtasida moslashtirilgan AI’ni tanlashni qulaylashtiradi.

Aqlli uy qurilmasi

Galaxy Tab S10 Galaxy AI uy qurilmasi vazifasini ham bajaradi va qurilmalar boshqaruvini soddalashtiradi. 3D Map View kabi katta ekran uchun optimallashtirilgan funksiyalar yordamida SmartThings vidjeti orqali SmartThings’ga ulangan qurilmalarning hozirgi holatini kuzatish va ulardan foydalanish oson. Foydalanuvchilar qurilmalarining energiya sarfini oson kuzatish uchun SmartThings Energy va AI Energy Mode funksiyalarini ham yoqishlari mumkin. Galaxy AI nafaqat hayotni yaxshilaydi, balki uydagi stressni ham olishga yordam beradi.

Galaxy ekotizimi xavfsiz va ilovalarga boy

Galaxy Tab S10 modellari Galaxy’ning noyob ulanuvchanlik funksiyalari va uchinchi tomon ilovalari ekotizimini kengaytirib, yangi va takomillashtirilgan ilovalarni taqdim etadi. Tab S10 modellari Goodnotes, LumaFusion, Noteshelf3, Clip Studio Paint, Picsart va Sketchbook kabi yetakchi uchinchi tomon ilovalaridan foydalanish imkonini beradi. Foydalanuvchilar LumaFusion’da videolarni tahrirlashda video tezligini oson boshqarishi va dramatik vizual effektlar qoʻshishi orqali ijodiy tahrirlarni yoki Picsart orqali ijtimoiy tarmoqlar uchun kontentni muammosiz yaratishlari mumkin. Galaxy Tab S10 modellarining keng qamrovli uchinchi tomon ilovalari ekotizimida hamma uchun kerakli ilova topiladi.

Samsung foydalanuvchilarga oʻz qurilmalari va maʼlumotlarini erkin kuzatish va boshqarish imkoniyatini taqdim etishga intiladi. Kengaytirilgan nazorat sozlamalari yordamida foydalanuvchilar maʼlumotlari qurilmada maxfiyligicha qolishi uchun maʼlumotlarni onlayn qayta ishlashni oʻchirib qoʻyishlari mumkin. Samsung Knox‘ning jonli ravishda tahdidlarni aniqlash va kollaborativ himoya qilish orqali doimiy ravishda foydalanuvchilarning xavfsizligini taʼminlar ekan, foydalanuvchilar koʻngli toʻq boʻlib qurilmalaridan bahramand boʻla olishadi.

Galaxy Tab S10 Ultra va Galaxy Tab S10+ dunyo bo’ylab turna mamlakatlarda turli sanalarda sotuvga chiqariladi va ikkita rangda taqdim etiladi: Moonstone Gray va Platinum Silver. Galaxy Tab S10 modellari haqida batafsil maʼlumot olish uchun ushbu manzilga tashrif buyuring.

Texnik xususiyatlar

* Texnik xususiyatlar bozorga qarab farq qilishi mumkin.

* Ushbu hujjatda keltirilgan barcha funksionallik, xususiyatlar, texnik xususiyatlar va mahsulotning boshqa maʼlumotlari, shu jumladan, mahsulotning afzalliklari, dizayni, narxi, komponentlari, unumdorligi, mavjudligi va imkoniyatlari ogohlantirilmasdan oʻzgartirilishi mumkin.

[1] Galaxy Tab S10+ va Galaxy Tab S9+ bilan solishtirilganda, CPU 16%, GPU 27% va NPU 13% ga oshgan.

[2] Batareyaning amaldagi ishlash muddati model, tarmoq muhiti, foydalanish usullari va boshqa omillarga qarab oʻzgarishi mumkin.

[3] Super tez quvvatlash tezligi batareya darajasiga va boshqa omillarga bogʻliq; faqat Samsung tomonidan tasdiqlangan quvvatlovchi adapter va kabellardan foydalaning; eskirgan yoki shikastlangan quvvatlovchi adapter yoki kabellardan foydalanmang; mos kelmaydigan quvvatlovchi adapter yoki kabel qurilmangizga jiddiy shikast yetkazishi mumkin.

[4] Galaxy Tab S10 + va S10 Ultra qurilmalari IP68 sifatida baholanadi. Qopqoq ichidagi S Pen, shuningdek, IP68 reytingi bilan suv va changga chidamli. IP68 darajasiga mos keladi, 1,5 metrgacha chuchuk suvda 30 daqiqagacha suvga chidamli. Namlangandan keyin qoldiqlarni yuving / quriting. Plyaj yoki hovuzda foydalanish tavsiya etilmaydi.

[5] Natijalar vizual oʻxshashliklarga qarab farq qilishi mumkin. Internetga tarmogʻini talab qiladi. Foydalanuvchilar Android’ni soʻnggi versiyasiga yangilashlari kerak boʻlishi mumkin. Mahsulot funksionalligi ilovangiz va qurilmangiz sozlamalariga bogʻliq boʻlishi mumkin. Ayrim funksiyalar baʼzi ilovalar bilan mos kelmasligi mumkin. Xizmat mavjudligi mamlakat va tilga qarab farq qiladi. Natijalarning aniqligi kafolatlanmaydi.

[6] Book Cover Keyboard alohida sotiladi. Mahsulot dizayni modelga qarab farq qilishi mumkin. Klaviatura funksiyalari va tugmalar joylashuvi model yoki tilga qarab farq qilishi mumkin.