IFA-ның 100-жылдық мерейтойы: Samsung компаниясының ЖИ – болашақтың кілті

Берлинде жыл сайын өтетін Еуропадағы тұрмыстық техниканың ірі көрмесі Internationale Funkausstellung Berline (IFA), биыл өзінің 100-жылдық мерейтойын атап өтеді. Бұрын 1924 жылы ол шағын ғана радио көрмесі болған еді, қазіргі таңда IFA – мұнда алдыңғы қатарлы технологиялар көрсетілетін ауқымды да  әсерлі іс-шара. IFA және Samsung Electronics арасында ерекше байланыс бар.

Тұрмыстық техника және электроника осы эволюцияның бір бөлігі айналды.  Бір кездері үлкен және көлемді машиналар күнделікті өмірде таптырмас серіктер болатын  жоғары технологиялық, интеграцияланған құрылғыларға айналды.

▲ IFA 2022 шарасы кезіндегі Messe Berlin көрме аймағының сыртқы көрінісі.

Трансформация дәуірінде Samsung өзін SmartThings¹ көмегімен мобильді құрылғылардың, теледидарлардың және тұрмыстық техниканың жіксіз біріктірілуін, сондай-ақ құрылғыларды кеңейтілген басқаруды қамтамасыз ететін келесі 100 жылдық инновацияның локомотиві ретінде тұғырландырады. Соңғысы енді табиғи тілге негізделген күрделі пәрмендерді жақсы түсіне алатын Bixby² дауыстық көмекшісінің жаңартуларының арқасында орын алып отыр.

IFA 2024 6 қыркүйекте «Барлығына арналған инновация» («Innovation for All») ұранымен басталады. Салтанатты ашылу қарсаңында Samsung Newsroom IFA-ның инновацияларға жүз жылдық сапарына және Samsung-тың технологиялық жетістіктер мұрасына шолу жасады.

Радиокөрмеден бастап жасанды интеллектпен құрылғыларға арналған инновациялық орталықтарға дейін

Әуелде енді пайда бола бастағанда IFA 1920-жылдары дамып жатқан радиотехнологияларды көрсетуді жүргізетін неміс үкіметі үшін платформа ретінде қызмет етті. Альберт Эйнштейн тіпті көрменің ашылуында 1930 жылы сөз сөйлеген болатын.

▲ Альберт Эйнштейн 1930 жылы IFA ашылуында сөз сөйледі
(фото IFA сайтынан алынды).

Бұл 1932 жылы әлемдегі алғашқы автомобиль радиосының және 1937 жылы алғашқы түрлі-түсті теледидардың пайда болуын қоса алғанда, бірқатар жетістіктердің басын бастады. Екінші дүниежүзілік соғыс 1940 жылдары IFA жұмысын бірнеше жылға тоқтатты, бірақ технологиялық прогресс жалғасып жатқан еді. 1971 жылы көрме Internationale Funkausstellung болып өзгертілді және біз бүгін білетін осы IFA болып кетті.

Тұрмыстық техниканың эволюциясы да артта қалмады. Тоңазытқыштар мен кір жуғыш машиналар үйдегі қиындықтарды жеңілдетуге арналған қарапайым механикалық құрылғылар болудан қалды. Компрессорлар мен қозғалтқыштардағы инновациялар, сондай-ақ электронды компоненттердің дамуы, интеллектуалды функциялар мен қосылыстар бұл құрылғыларды қазіргі өмірге арналған күрделі, жоғары технологиялық құралдарға айналдырды.

Samsung компаниясы алғаш рет 1991 жылы IFA көрмесіне қатысып, 43 шаршы метрлік шағын стендте мониторларды, дербес компьютерлерді және тағы көптеген өнімдерін  ұсынды. Сол уақытта  көрмеде көрсетілген техниканың санаттары көбейе түсті: радио мен теледидардан бөлек,  сандық медиа құрылғылар пайда болды. 2003 жылы, он екі жылдан кейін компания өзінің стендін жаңартты, ол 3600 шаршы метрге дейін кеңейіп, Hall 20 басты кеңістігінде орын алды. 2014 жылдан бастап Samsung айрықша тек Citycube Berlin-ді алып жатыр және биыл келушілерді 6000 шаршы метрлік үлкен стендімен таң қалдыруға дайын.

IFA –мен бірге даму және іске қосылған экожүйесімен бірге ЖИ  дәуіріндегі көшбасшылық

Samsung компаниясының тұрмыстық техника, теледидарлар және мобильді құрылғылар саласындағы революциялық технологияларды ұсынуы қалай болғанына байланысты, оның  IFA-да қатысуы үнемі кеңейіп келеді. Технологиялық алпауыт 2006 жылы Samsung-тың әлемдік теледидар нарығындағы көшбасшылығын нығайтқан Bordeaux теледидарын ұсынды. 2011 жылы компания саладағы алғашқы смарт теледидарды және смартфондар және планшеттер арасындағы шекараларды жойып жіберіп – «фаблеттер дәуірінің» жаршысы болған Galaxy Note-ты таныстырды.

IFA 2013 көрмесінде Samsung әлемдегі алғашқы имек UHD теледидары мен алғашқы Galaxy Gear смарт-сағатын көрсетті. 2016 жылы, үш жылдан кейін үлкен сенсорлы экраны бар Family Hub тоңазытқышының шығарылуы тұрмыстық техниканың жетілдірілген Интернет заттарына (IoT) айналуын белгіледі.

▲ Samsung Electronics компаниясының IFA 2023 көрмесіндегі SmartThings стенді.

2014 жылы Samsung компаниясы құрылғылардың байланыстылығы тұтынушылардың өмірінде төңкеріс жасай алатынын жете түсінді және SmartThings компаниясын IFA 2014 көрмесіне дейін  небәрі бір айда сатып алды. Өткены 10 жылда SmartThings 340-тан астам серіктес және 350 миллион тұтынушысы³ бар ауқымды жаһандық экожүйеге айналды.

IFA 2018-де Samsung «кіріктірілген өмір» технология индустриясының негізгі трендіне айналатынына меңзей отыра,  ЖИ-ды негізгі бағыт ретінде атап өтті. IFA 2023-те компания тұрмыстық техникадағы ЖИ дәуірінің басын бастап, жасанды интеллектпен 15  құрылғыны ұсынды. Өткен жылы Samsung сонымен қатар,  әрбір отбасы мен әр адамның⁴ ерекшеліктерін ескере отырып, жеке пісіру мүмкіндіктерін қамтамасыз ету үшін құрылғыларды, теледидарларды және мобильді құрылғыларды біріктіретін жасанды интеллект негізіндегі тағамдар мен рецепттер платформасы  –   Samsung Food-ты ұсынды.

IFA-ның биылғы іс-шарасында Samsung неғұрлым жетілдірілген дауыстық пәрмендер арқылы құрылғыларды басқарудағы инновацияларға көшуді көрсетеді. 100 жыл бұрын азық-түлік сақтау және киім жуу үшін жасалған қарапайым машиналар бүгінде тұтынушылармен ауызша сөйлесетін және күрделі тұрмыстық тапсырмаларды оңай орындайтын интеллектуалды серіктерге айналуда.

Аталған инновациялардың барлығын 6-10 қыркүйек аралығында IFA 2024 көрмесі кезінде Messe Berlin-нің CityCube Berlin-індегі Samsung стендінде өз көзіңізбен көре аласыз.

¹ Android және iOS құрылғыларында қол жетімді. Wi-Fi қосылымын және Samsung есептік жазбасын қажет етеді.
² Bixby — Samsung фирмалық Интернет заттарының (IoT) дауыстық көмекшісі. Bixby қолжетімділігі елге байланысты әр түрлі болуы мүмкін. Bixby ағылшын (АҚШ, Ұлыбритания, Үндістан), қытай, корей, француз, неміс, итальян, испан (Испания, Латын Америкасы) және португал (Бразилия) тілдерінің кейбір екпін/диалектілерін таниды. Пайдаланушы интерфейсі құрылғыға байланысты әр түрлі болуы мүмкін. Bixby функциялары мен контент провайдерлерінің қолжетімділігі елге/операторға/тілге/құрылғы үлгісіне/OS нұсқасына байланысты әр түрлі болуы мүмкін. Samsung есептік жазбасына кіруді және деректер желісіне (Wi-Fi немесе деректер желісі) қосылуды талап етеді.
³ 2024 жылғы 31 тамыздағы жағдай бойынша.
⁴ Бұл функция нақты нәтижелерді бермеуі мүмкін және дәлдікті жақсарту үшін мерзімді түрде жаңартылып отырады.