Samsung AHR Expo көрмесінде HVAC топтамасында Hylex™-ті ұсынады

Ұсынылған жаңа өнімдердің ішінде – әмбебап Hylex™ инверторлық жылу сорғылары, EHS Mono су жылыту жүйесі және DVM S2 VRF-жүйесі

Samsung Electronics 10-12 ақпан аралығында Орландо, Флорида штатында өткен кондиционерлеу, жылыту және салқындату AHR Expo 2025 халықаралық көрмесінде жылыту, желдету және ауаны баптау (HVAC) жүйелеріндегі өзінің толық топтамасын көрсетті. Компания, соның ішінде әмбебап Hylex™ инверторлық жылу сорғылары (премиум және стандартты нұсқаларда), EHS Mono ауадан суға жылу сорғылары және R32 тоңазытқыш агент негізіндегі DVM S2 VRF-жүйелерін қоса алғанда, басты өнімдерді ұсынды.

AHR Expo көрмесі Кондиционерлеу, жылыту және тоңазыту институтының (AHRI) және Америка жылыту, тоңазытқыш және ауаны кондиционерлеу инженерлері қоғамының (ASHRAE) қолдауымен ұйымдастырылды. 1930 жылы құрылғаннан бері бұл шара жабдық өндірушілері, инженерлері, мердігерлері және басқа кәсіпқойлары үшін саладағы ең үлкен және маңызды платформаға айналды, бұл оны Samsung-тың соңғы HVAC технологиялары мен шешімдерін көрсету үшін тамаша алаңқайға айналдырды.

«AHR Expo көрмесі жыл сайын сала үшін векторды белгілейді, сондықтан біз мұнда Hylex™ жылу сорғысы сериясы сияқты озық өнімдерді көрсетуді шештік», – деді Корпоративтік вице-президент және Samsung Electronics тұрмыстық техника департаментінде  (DA) Air Solution Business Team бөлім  басшысы Хэнк Чой (Hank Choi). – «Біз HVAC аумағындағы Samsung-тың соңғы әзірленімдері бүкіл әлемдегі тұрғын үй және коммерциялық нарықтардағы пайдаланушы тәжірибесін жақсартатынына сенімдіміз».

Hylex™ жылу сорғылары – үйдегі климат-бақылауындағы нағыз жаңашылдық

Hylex™ әмбебап инверторлық жылу сорғысы оңай орнатуға және жоғары энергия тиімділігіне арналған. Ол қолданыстағы тоңазытқыш агент желілерін пайдалануды қолдайды және жабдықты ауыстыру кезінде үлкен икемділік үшін әртүрлі қосылу опцияларын ұсынады. Бұдан бөлек, жүйе бұрыннан келе жатқан басқару сымдарымен жұмыс істей алады және ауыспалы тоқтың 24 В термостаттарының көпшілігімен үйлесімді.

Hylex™ топтамасы SmartThings¹ қолданбасы арқылы қуатты тұтынуды және құрылғы күйін бақылауға арналған әрқайсысында кірістірілген Wi-Fi бар Premium, Deluxe+ және Deluxe модельдерін қамтиды.

EHS Mono: шу деңгейі төмен инновациялық су жылытқышы

EHS Mono жүйесі ClimateHub немесе Hydro ішкі блогынан және EHS Mono HT сыртқы блогынан тұрады. Бұл тіпті өте төмен температурада да жұмыс істей алатын суды жылытуға арналған жетілдірілген шешім. Заманауи технологияның арқасында жүйе жұмыс температурасының диапазоны -25°C пен 35°C (-13°F пен 95°F) аралығындағы суды 70°C (158°F) дейін қыздыруға қабілетті.

EHS Mono HT Quiet моделі  салқындатқыш ағынын арттыратын және суық жағдайда тиімділікті жоғарылататын бу бүрку технологиясы бар компрессормен ерекшеленеді. Шуды азайтудың қосымша технологиялары жүйеге үш метр қашықтықта (төмен шу режимінде) бар болғаны 35 дБ(А) жұмыс істеуге мүмкіндік береді.

DVM S2: хладагенттің ауыспалы шығынымен бірге VRF-жүйелерінің жаңа буыны

Samsung компаниясының соңғы DVM S2 VRF-жүйесі жоғары энергия тиімділігін жоғары қыздыру және салқындату өнімділігімен біріктіреді. Желдеткіш тоқтары мен температура деректерін талдау арқылы жүйе жібіту режимдерін оңтайландырады, олардың ұзақтығын қысқартады және жайлылықты арттырады.

Сонымен қатар, жоғары және төмен қысымды басқару құбырлардың ұзындығын автоматты түрде анықтау және компрессордың энергиясын тұтынуды 15%-ға дейін азайту үшін қысым деңгейлерін оңтайландыру арқылы жүйенің дәл бапталуын қамтамасыз етеді².

Бұған қоса, DVM S2 тоңазытқыш агенттің дәл мөлшерін анықтау және өнімділікті³ жақсартатын және техникалық қызмет көрсету қажеттілігі туралы ертерек ескертуді қамтамасыз ететін салқындатқыш көлемін анықтау үшін әртүрлі сенсорлардың деректерін пайдаланады. Ол сондай-ақ сұйық құбырлардың диаметрін азайтуға және жүйенің жалпы заряд көлемін орташа есеппен 28%-ға⁴ азайтуға мүмкіндік береді, бұл жүйені тиімдірек және үнемді етеді.

Samsung HVAC жүйелері туралы қосымша ақпаратты www.samsunghvac.com сайтынан оқып алуға болады.

¹ Google™ Play және App Store® дүкендерінде жүктеуге қолжетімді. Желіге қосылу қажет етіледі. Samsung қосымшасына есептік жазба қажет. 

² Белгілі бір талаптар қолданылады. Қосымша мәліметті техникалық құжаттамада қр-з.

³ Пайдалануға енгізген кезде тоңазытқыш агентті тексерудің алғашқы арнайы функциясы талап етіледі.

⁴ Шектеулер бар.