Samsung Art Store Samsung теледидарларына арналған тарихтағы алғашқы кинематографиялық топтаманы ұсынады

Samsung Art Store¹ платформасы A24 студиясының сыншылар мойындаған фильмдерінен 38 кадрды қамтитын тарихтағы алғашқы кинематографиялық топтамасын жариялады. Коллекция қазірдің өзінде бүкіл әлем бойынша Samsung Art TV-нің қолдау көрсетілетін модельдерінде қолжетімді – жазылушылар сүйікті кинокартиналарының ең жарқын сәттерін еске түсіре алады немесе өз үйлерінде жаңаларын аша алады.

▲ “Күн тоқырауы” (Midsommar) фильмінен кадр, A24 ұсынған

A24 – көркем фильмдер, телесериалдар, деректі жобалар, музыка және тұтыну тауарларын өндірумен және таратумен айналысатын халықаралық ойын-сауық компаниясы. Студияның ең танымал фильмдерінің қатарында “Барлығы барлық жерде және бірден” (Everything Everywhere All at Once), “Ай жарығы” (Moonlight), “Өткен өмірлер” (Past Lives) және “Күн тоқырауы” (Midsommar) бар.

▲ “Мен теледидардың жарқырауын көрдім” (I Saw the TV Glow) фильмінен кадр, A24 ұсынған

«A24-пен ынтымақтастығымыз Samsung Art Store көкжиегін кеңейтіп, қызықты кино оқиғаларын тікелей теледидар экрандарына әкеледі, – деді Samsung Electronics компаниясының Visual Display (VD) бөлімшесінің вице-президенті Хиён Ан (Heeyeong Ahn). — “Біз бұл культтік кадрлар бүкіл әлемдегі көрермендерді шабыттандырып, оларға сүйікті киномен өзара әрекеттесудің жаңа жолын ұсынатын сәтті асыға күтеміз».

Заманауи цифрлық кенеп ретінде жасалған Samsung Art TV теледидарлары өнер туындыларын жарқын түстермен және жоғары детальдармен көрсетеді. The Frame желісінің модельдері, сондай-ақ The Frame Pro (оның дебюттік моделі өткен жылы TIME журналының нұсқасы бойынша “Үздік өнертабыстар” тізіміне енген) классикалық картиналар сияқты үй интерьеріне үйлесімді үйлеседі. The Frame теледидарлары әртүрлі диагональдарда қолжетімді және кез келген бөлмені галереяға айналдыруға мүмкіндік беретін ауыстырылатын жиектемелерді ұсынады.

2026 жылы Samsung Art TV² теледидар желісін одан әрі кеңейтіп, Micro RGB және Neo QLED серияларында Samsung Art Store қолдауын қосты. Сонымен қатар, Samsung Art Store қызметі алғаш рет кейбір Samsung³ OLED теледидарларында, соның ішінде S95H флагмандық моделінде қолжетімді болды.

Samsung Art Store – 117 елде жұмыс істейтін әлемдегі No1 теледидарларға арналған өнер контентіне жазылу қызметі. Жазылушылар 800-ден астам суретшінің 5000-нан астам өнер туындыларына, соның ішінде Метрополитен мұражайы, MoMA (Нью-Йорк заманауи өнер мұражайы) және Д’Орсе мұражайы сияқты мекемелермен серіктестік коллекциялардан экспонаттарға қол жеткізе алады.

¹ Samsung Art Store-ға қол жеткізу үшін ақылы жазылыс қажет. Баға, қолдайтын теледидар үлгілері, қолжетімді өнер туындылары мен коллекциялар елге және аймаққа байланысты өзгеруі мүмкін.

² Samsung Art Store Samsung теледидарларының кейбір модельдерінде қолжетімді. 2026 жылғы сәйкес келетін модельдер: R95H, S95H, QN80H, QN70H, M80H, The Frame және The Frame Pro. 2025 жылдың сәйкес келетін модельдері: Neo QLED 8K, Neo QLED 4K, The Frame, The Frame Pro, Q8F және Q7F.

³ Samsung Art Store S95H (жаһандық) және S99H (Еуропа) сияқты жекелеген OLED модельдерінде қолжетімді.