Samsung Gamescom 2026-да #PlayGalaxy Cup әлемдік финалын өткізді

Samsung Electronics 27-28 тамызда Gamescom 2026 көрмесі аясында компания стендінде өткен #PlayGalaxy Cup әлемдік финалын өткізетінін жариялады. Ең ірі ойын оқиғасы 26-30 тамыз аралығында Кельндегі (Германия) Koelnmesse көрме орталығында өтті.

#PlayGalaxy Cup – Galaxy смартфондарының ойын мүмкіндіктерін көрсетуге арналған мобильді ойындар бойынша халықаралық турнир. Биылғы жылы жарыс алғаш рет толыққанды маусым форматында өтті: командалар өңірлік іріктеу кезеңдеріне қатысып, олардың үздіктері әлемдік финалға жолдама алды.

«Биыл #PlayGalaxy Cup алғаш рет толыққанды маусым форматында өтті және біз басынан финалға дейін қызықты тартысты бақыладық, – деп атап өтті Samsung Electronics Mobile eXperience (MX) бөлімшесінің инфлюенсерлік маркетинг бағытының басшысы Дэвид Мун (David Moon). – Біз бүкіл әлемнен ойыншыларды жинап, оларға Galaxy S26 Ultra-ның жоғары өнімділігін бағалауға мүмкіндік бергенімізге қуаныштымыз».

Аймақтық іріктеу кезеңдері бес аймақта – Солтүстік Америка, Оңтүстік-Батыс Азия, Оңтүстік-Шығыс Азия, Латын Америкасы және Еуропада өтті. Финалда 17 елден 32 команда бақ сынады. Әр аймақтан екі үздік команда келесі кезеңге өтті – нәтижесінде Gamescom-да әлемдік финалда тоғыз елден 10 команда кездесті.

Аймақтық іріктеуден сәтті өткен финалистер екі күн бойы чемпиондық атақ үшін күресті.

▲ Ойыншылар Gamescom 2026 көрмесінде #PlayGalaxy Cup әлемдік финалында бақ сынайды.

Әлемдік финалға қатысушылардың барлығы Galaxy S26 Ultra-да ойнады. Смартфонның жоғары өнімділігі мен оңтайландырылған салқындату жүйесі тіпті ең шиеленісті матчтар кезінде де тұрақты ойын процесін қамтамасыз етіп, ойыншыларға жарысқа толық назар аударуға көмектесті.

▲ Стример Людвиг Gamescom 2026 көрмесіндегі Samsung стендінде #PlayGalaxy Cup әлемдік финалын жүргізуде.

Финалда Малайзия командасы жеңіске жетті. Турнирдің трансляциясы бүкіл әлем бойынша стример Людвигтің (Ludwig) YouTube арнасында жүргізіліп, жалпы 12,1 млн қаралым жинады.

▲ Малайзия командасы #PlayGalaxy Cup әлемдік финалында жеңісті тойлап жатыр. (Солдан оңға) San Gaming, VRT1CAA, ADIKBOY және ACAD.

#PlayGalaxy Cup әлемдік финалынан басқа, Samsung алаңда жеке Galaxy аймағын ұйымдастырды, онда келушілер Galaxy S26 Ultra, Galaxy Z Fold8 және Galaxy Z Fold8 Ultra-мен жеке таныса алды.

Samsung компаниясының HoYoverse, TiMi Studio және GELOFT-пен ынтымақтастығының арқасында стенд қонақтары Galaxy құрылғыларында түрлі танымал ойындарды сынап көре алды.