Samsung Neo QLED және QLED теледидарлары TÜV Rheinland Low Vision Care сертификатын алды

2023 жылы шығарылған Neo QLED және QLED модельдері амблиопиясы бар пайдаланушылар үшін теледидарды тамашалаудың одан да кең мүмкіндіктерін қамтамасыз етеді.

Samsung Electronics компаниясы 2023 жылы шығарылған Neo QLED және QLED желілерінің жарқын өкілдері¹ TÜV Rheinland халықаралық сертификациялау мүшесінен Low Vision Care сертификатын алғандығы туралы хабарлады. Бұл сертификат амблиопиядан (көз көру бұзылысының бір түрі) зардап шегетін көрермендерге көмектесу үшін әзірленген стандартқа сәйкес келетін өнімдерге беріледі, теледидарлар осыған кескінді айқындауды және көзбен көріп тануды жақсарту жолымен келді.

«Технологиялық инновациялар тек әркімге қол жетімді болғанда ғана шын мәнге ие болады, сол себепті біз осы сертификатты алғанымызға өте қуаныштымыз, ол теледидарды тамашалау қол жетімді болуына бағытталған функцияларды құрудағы біздің салған күшіміздің танылғандығын білдіреді» – дейді Samsung Electronics компаниясының визуалды дисплейлер бөлімшесінің бастығының орынбасары және атқарушы вице-президент Сок Ву Йонг (Seok Woo Yong). Ол сондай-ақ: «Samsung компаниясының Screens Everywhere Screens for All (Экрандар барлық жерде, экрандар баршаға) атты миссиясына сәйкес біз әрбір көрерменнің қажеттіліктеріне жауап беретін премиум-класс дисплейлерін шығаруды жалғастырамыз» – деді.

Samsung компаниясы көзі нашар көретін пайдаланушылардың әр типі үшін экранды көру сапасын жақсарту үшін Relumino Mode режімін әзірледі, ол бейненің әр түрлі бөліктерін жақсартады, мысалы, экрандағы контентті оңай ажырату және іс-әрекеттерді қадағалау үшін контурларды айқын білдіреді, контрасттылықты күшейтеді. Амблиопия, сондай-ақ «жалқау көз» деген атпен белгілі ауру шамамен балалардың 3%-ында кездеседі, бұл оны балалық шақта ең кең таралған көз сырқатының біріне айналдырады. Амблиопия кездесетін көптеген жағдайларда баланың миы бір көзден түсетін сигналдарды дұрыс қабылдамайды, яғни оның тек бір көзіне қатысты жолдар дамиды.

TÜV Rheinland халықаралық сертификациялау мүшесі Low Vision Care сертификатын технологиялардың амблиопиясы бар адамдардың ыңғайына қалай әсер ететіндігін бағалай отырып береді. Осы ретте әр түрлі тесттер жүргізіледі, оларда кескінді қарапайым көрсету режімін және Relumino Mode режімін нақтылық, дәлдік пен жалпы көз ыңғайына сәйкес салыстырады.

Samsung теледидарлары сондай-ақ Verband Deutscher Elektrotechniker (VDE) ұйымынан Circadian Rhythm Display және Eye Care сертификаттарын алды, сондай-ақ бұрыңғыдан да қауіпсіз және ыңғайлы көруді қамтамасыз ететін технологиялары үшін Underwriters Laboratories (UL) ұйымынан Glare-Free сертификатын алды. Сонымен қатар, компания Pantone компаниясынан Pantone Validated және Skin Tone Validated сертификаттарын алды, бұл сертификаттар Samsung компаниясының сертификацияланған дисплейлері осы ұйымның түсті берудегі дәлдік стандарттарына сәйкес келетіндігін растайды. Марапаттардың тізімі толықтырылуын жалғастыруда, ал инновациялар Samsung компаниясының соңғы 17 жылда теледидарлар саласындағы әлемдік көшбасшылығын нығайтып, пайдаланушылардың осындай технологияларды қолданудан жағымды тәжірибесін арттырып жатыр.

¹  Neo QLED 8K сериялары (QN900, QN800), Neo QLED 4K (QN80 және одан жоғары) және QLED (Q80 және одан жоғары). Модельдер аймаққа тәуелді.