CES 2026: Samsung сенімнің, қауіпсіздіктің және құпиялылықтың AI болашағына әсерін зерттейді

CES 2026-дағы Samsung Tech Forum ісшаралар сериясы AI Platform Center сенімділік және AI болашағы туралы пікірталасымен жалғасады

Samsung Electronics компаниясы CES 2026 -да Tech Forum сериясы аясында жетекші әлемдік сарапшылармен «Технологияға сенуге бола ма? AI дәуіріндегі қауіпсіздік пен құпиялылықты қайта қарастыру» тақырыбында панельдік пікірталас өткізді. Лас-Вегастағы The Wynn қонақ үйінде өткен сессияда технология, зерттеу және этика саласындағы сарапшылар жасанды интеллекттің күнделікті өмірге интеграциялануына байланысты сенімнің оны пайдалануды қалыптастырудағы маңызды факторға айналғанын талқылау үшін жиналды.

Көрінбейтін зердені қалай сенімді етуге болады

Жасанды интеллект қажеттіліктерді алдын ала болжап, күнделікті тәртіп орнатып, құрылғылар арасында дербес жұмыс істейтіндіктен, сарапшылар Элли К. Миллер (Allie K. Miller, CEO Open Machine), Эми Уэбб (Amy Webb, CEO Future Today Strategy Group), Зак Касс (Zack Kass, ZKAI Advisory компаниясының жаһандық AI бойынша кеңесшісі және OpenAI компаниясының нарыққа шығу бөлімінің бұрынғы басшысы) және Шин Бэк (Shin Baik Samsung Electronics AI Platform Center тобының басшысы) сенімге уәделермен емес, жүйелік жұмыстың тұрақты және түсінікті болуымен қол жеткізу керектігін атап өтті.

​Сессия барысында Samsung компаниясы сенімділікке негізделген тәсілді ұсынды, болжамды, ашық және басқаруға оңай жасанды интеллект жүйелерін құрудың маңыздылығын атап өтті. «Жасанды интеллектке келгенде, пайдаланушылар ашықтық пен бақылауды іздейді», – деп атап өтті Элли Миллер. – Олар өздерінің жекелендірілген тәжірибелерін басқарғысы келеді: AI моделінің жергілікті жерде немесе бұлтта жұмыс істеп тұрғанын түсіну, деректерінің қауіпсіз екенін білу және қай процестердің AI-мен басқарылатынын және қайсысының басқарылмайтынын анық көру. Бұл көріну сенімділікті арттырады. Провайдерлер сенімділіктің негізгі компоненттеріне: айқындыққа, қауіпсіздікке және есеп беруге негізделген тәжірибелер жасауға міндетті».

​Samsung сонымен қатар құрылғыдағы AI жеке деректерді жергілікті жерде сақтауға мүмкіндік беретінін, ал бұлттық интеллектті үлкен жылдамдық немесе масштаб қажет болған кезде таңдамалы түрде пайдалануға болатынын, бұл пайдаланушыларға құпиялылыққа нұқсан келтірмей икемділік беретінін атап өтті.

AI басқаруындағы әлем үшін жасалынған қауіпсіздік

Қатысушылар сондай-ақ смартфондар, теледидарлар және тұрмыстық техника арасында ақпарат таратылатын ортада қауіпсіздіктің қалай дамуы керектігін талқылады. Samsung қазіргі уақытта чипсет деңгейінде миллиардтаған құрылғыларды қорғайтын Knox қауіпсіздік платформасын, сондай-ақ өнімдерге бір-бірін аутентификациялауға және қорғауға мүмкіндік беретін көп құрылғылы қауіпсіздік жүйесі Knox Matrix-ті атап өтті.

​«AI-ға деген сенім тек уәде етілген емес, дәлелденген қауіпсіздіктен басталады», – деді Шин Бэк. «Он жылдан астам уақыт бойы Samsung Knox барлық деңгейдегі құпия деректерді қорғау үшін терең интеграцияланған платформа ұсынып келеді. Бірақ сенім бір құрылғыдан тысқары – ол өзін қорғай алатын экожүйені қажет етеді. Knox көмегімен құрылғылар үнемі бір-бірін аутентификациялайды және бақылайды, сондықтан әрқайсысы бір-бірі үшін қалқан ретінде әрекет етеді, тұтынушылар сенім арта алатын сенімді және қауіпсіз орта жасайды».

Сенімнің болашағы бойынша салааралық диалог

Шин Бэк, жасанды интеллект құрылғыларда болжамды және қауіпсіз жұмыс істеген кезде сенім артатынын атап өтті,тұтынушыларға қара жәшік жүйелеріне қарағанда көрінетін басқару элементтері қажет екенін алға тартты. Samsung бірлескен қауіпсіздік зерттеулерін күшейту және экожүйенің өзара әрекеттесуін қамтамасыз ету тәсілі ретінде Google және Microsoft сияқты сала көшбасшыларымен серіктестікті атап өтті. Элли Миллер тұтынушылар AI-модельдерінің қайда жұмыс істейтінін және деректердің қалай пайдаланылатынын анық түсінуді қоса алғанда, ашықтықты бағалайтынын қосты. Зак Касс жалған ақпарат пен теріс пайдалану нақты қиындықтар тудырғанымен, технологияның өзі жасанды зерденің кемшіліктерін азайтуда маңызды рөл атқаратынын қосты.

Эми Уэбб сенім мен тұтынушылық әдеттер арасындағы байланысты бағалады. «Менің ойымша, адамдар тек сенімге негізделіп шешім қабылдамайды», – деді ол. «Адамдар сенім үшін ақы төлемейді. Олар заттарды ыңғайлылық үшін сатып алады. Егер жасанды зерде олардың өмірін жеңілдетіп, жайлы етсе, бұл оларға ұнайды».

​

Талқылау соңында сарапшылар қауіпсіздікке, ашықтыққа және тұтынушының маңызды таңдауына басынан бастап басымдық беретін технологиялар ұзақ мерзімді сенімге ие болады деген қорытындыға келді.