Samsung Electronics және Cisco Қазақстан бизнесі үшін озық технологияларды таныстырды

30 қыркүйекте Астанада Samsung Electronics Central Eurasia компаниясы Cisco компаниясымен бірлесіп, өз серіктестеріне арналған конференция өткізіп, бизнеске арналған бірегей шешімдерді таныстырды. Шара аясында Samsung бизнес-дисплейлері мен мониторлары, сондай-ақ кәсіпкерлер мен олардың қызметкерлері үшін жұмысты айтарлықтай жеңілдететін және гибридті жұмысты, кездесу бөлмелері мен заманауи кеңсе кеңістіктерін оңтайландыратын Cisco компаниясының SPLUNK қызметтері мен бағдарламалары таныстырылды.

​Кештің басты оқиғасы UHD QHFX флагмандық коммерциялық дисплейінің – келіссөз бөлмелері, конференц-залдар және ситуациялық орталықтар үшін әзірленген суперформатты 115- дюймдік B2B шешімінің тұсаукесері болды. Cisco Webex жүйелерімен терең интеграцияланудың арқасында бұл дисплей толық қатысу әсерімен бейне мен мазмұнды үздіксіз беруді қамтамасыз етіп, корпоративтік коммуникацияларды түбегейлі жаңа деңгейге көтереді. Іс-шара қонақтары бұл дисплейдің технологиялылығын, сондай-ақ кез келген бизнес кеңістігіне орнатуға болатын эргономикалығын жоғары бағалады.

Конференция аясында кеңсе қызметкерлері мен басшылардың максималды өнімділігіне арналған Samsung негізгі бизнес-мониторлары көрсетілді:

• Монитор ViewFinity S9 DQHD: Жұмыс үстеліндегі екі мониторлы конфигурацияны толығымен алмастыратын және жоғары деңгейдегі көп тапсырмалылықты қамтамасыз ететін 49- дюймдік иілген ультра кең монитор (Dual QHD).
• ​Монитор ViewFinity S8 4K: Аналитикамен, графикамен және үлкен көлемдегі деректермен жұмыс істеуге арналған жоғары егжей-тегжейлілігі, түстердің дәл берілуі және эргономикалық дизайны бар 32 -дюймдік UHD мониторы.
• ​Монитор ViewFinity S6 QHD: Кең ауқымды қосылу мүмкіндіктері бар (зарядтау мен деректерді беруді қолдайтын USB-C қоса алғанда) 27-дюймдік эргономикалық QHD мониторы кеңсе қызметкерлерінің күнделікті міндеттеріне тамаша бейімделген.

Ұсынылған бизнес-мониторлар заманауи көзді қорғау технологияларын (Eye Care), жоғары энергия тиімділігін және жарықтықты реттеудің интеллектуалды функцияларын біріктіріп, бизнес-пайдаланушылар үшін жайлы және қауіпсіз жұмыс ортасын жасайды.

​

«Samsung және Cisco серіктестігі – бұл B2B шешімдері мен желілік технологиялар саласындағы әлемдік көшбасшылардың синергиясы. Қазақстан үшін бұл стратегиялық одақтың дамуы ерекше маңызға ие: бүгінде қазақстандық бизнес пен мемлекеттік сектор жұмыстың цифрлық стандарттарын белсенді түрде енгізуде. Cisco-мен бірлесіп, біз нарыққа физикалық және цифрлық кеңістік арасындағы шекараларды жоятын, командалардың өнімділігін арттыратын және гибридті жұмыс форматын барынша тиімді әрі қауіпсіз ететін дайын экожүйелік шешімдерді ұсынамыз», – деп Samsung Electronics Central Eurasia негізгі клиенттері бойынша корпоративтік сату бөлімінің басшысы Дидар Қасенов өз көзқарасымен бөлісті.

Samsung және Cisco бірлескен шешімдері қазірдің өзінде Қазақстанның кез келген бизнес-ұйымдары мен мемлекеттік кәсіпорындары үшін қолжетімді.

Cisco компаниясы туралы

Cisco компаниясы – ұйымдарға адамдарды, процестерді және деректерді байланыстыруға көмектесетін ақпараттық технологиялар мен желілік шешімдер саласындағы әлемдік көшбасшы. Қазақстанда Cisco 20 жылдан астам уақыт жұмыс істейді, экономиканы цифрлық трансформациялауға, желілік инфрақұрылымды, киберқауіпсіздік жүйелерін және коммерциялық және мемлекеттік секторларда бірлесіп жұмыс істеуге арналған шешімдерді дамытуға белсенді қатысады. Сондай-ақ, компания өңірде әлеуметтік және білім беру бастамаларын, соның ішінде бүкіл ел бойынша IT және киберқауіпсіздік мамандарын оқытатын Cisco (Cisco Networking Academy) бағдарламасын белсенді түрде жүзеге асырады.