Samsung Galaxy S24 Ultra смартфоны Corning® Gorilla® Armor қорғаныс әйнегінің арқасында беріктікке және кескін нақтылығына жаңа стандарттар қояды

Samsung Electronics және Corning Incorporated компаниялары Galaxy S24 Ultra құрылғылары Corning® Gorilla® Armor жаңа қорғаныс әйнегімен жасақталғандығы туралы жариялады. Gorilla Armor әйнегі беріктік пен кескін нақтылығының мүлтіксіз үйлесімін ұсынады, ол күн сәулесінің жарығы кезінде дисплейдің одан да қанық түсін, сондай-ақ күнделікті пайдалануға байланысты туындаған бұзылыстардан бұрыңғыдан да сенімді қорғанысын қамтамасыз етеді.

«Corning компаниясы өндіріп шығарған Gorilla® Glass әйнегі Galaxy S сериясымен бірлестікте инновациялардың алға қозғаушы күшіне айналды және үлкен беріктікке жетудегі барынша үлкен қадам болды» – дейді Samsung Electronics компаниясының Mobile eXperience Business механикалық зерттеулер мен әзірлемелер тобының жетекішісі және атқарушы вице-президенті Кванджин Бэ (Kwangjin Bae). Ол сондай-ақ: «Бұл серіктестік адамдарға біздің құрылғыларымызды сенімділікпен және жан тыныштығымен пайдалануға мүмкіндік берді» – деді.

Corning® Gorilla® Armor – бұл смартфондарды жабыны болуға арналған материалдың арнайы типі. Corning Gorilla Armor жай шыны бетімен салыстырып қарағанда шағылыс деңгейін 75%-ға дейін төмендетеді, ол дисплейдің оқылуын жақсартады және кез келген жағдайларда дерлік экран бетінде шағылыстардың санын азайтады. ¹

Corning компаниясының жаңа жабыны Galaxy S24 Ultra смартфонының қолданыс мерзімділігін ұзартады. Зертханалық сынақтар барысында Gorilla Armor әйнегі бәсекелестер пайдаланатын алюмосиликатты қорғаныс әйнектеріне қарағанда жоғары беріктілікті көрсетті. ² Оның сызуларға қарсы ерекше беріктілігін дәлелдеу үшін Corning компаниясы жаңа зертханалық тестті – Scratch Bot әзірледі, ол күнделікті тағуға байланысты пайда болған микросызуларды жасауға мүмкіндік береді. Күрделі тестілеудің барысында Gorilla Armor  әйнегінде бірде-бір көзге көрінетін сызу пайда болмады, ал оның сызуларға қарсы қасиеті алюмосиликатты әйнекке қарағанда төрт есе жоғары.

Gorilla Armor әйнегі қайта өңделген материалдардың орта есеппен 25% құрайды, бұл қайта өңделген материалдарға қатысты UL2809-2 (ECVP) экологиялық талаптарын тексеру шарасына сәйкес UL Solutions-мен расталған. ³

«Gorilla Armor әйнегі өзінде Corning компаниясының зерттеушілік және инженерлік жетістіктерін үйлестіреді және Samsung дизайнын пайдаланушысына бағдарланған» – дейді Дэвид Веласкес Corning® Gorilla® Glass бас менеджері және вице-президенті. Ол сондай-ақ: «Бұл соңғы инновация бір жағынан ұзақ мерзімді әйнекке қажеттілікті және жақсартылған оптикаға өсіп келе жатқан қажеттілікті қанағаттандырады. Осылайша, болашақтың ұялы құрылғылары дәл бүгін қол жетімді» – деді.

Gorilla Armor қорғанысы бар Galaxy S24 смартфондарының презентациясы Samsung және Corning компаниялары үшін мерейтойлық жылда орын алды. Өткен жылы компаниялардың серіктестігіне 50 жыл толды. Samsung және Corning компаниялары Кореяның тұтынушылары үшін теледидарларды одан да қол жетімді ету үшін тұңғыш рет 1973 жылы бірлескен жұмысын бастады.

Бұл ынтымақтастықтың рухы жарты ғасыр бізбен бірге. Corning® Gorilla® Glass әйнегі Samsung компаниясының көптеген құрылғыларында, Galaxy сериясының ең алғашқы смартфондарынан бастап ең соңғы үлгілеріне, атап айтқанда, Corning® Gorilla® Glass Victus® 2 қолданылған Galaxy S23, Galaxy Z Fold5 және Galaxy Z Flip5 дейінгі құрылғыларда пайдаланылды. Gorilla Armor әйнегі бар Galaxy S24 Ultra сериясын шығару ұялы тұтынушылық электроника саласына қажетті әлемдік класс инновацияларын құруға бағытталған ұзақ мерзімді ынтымақтастықты жалғастырады.

¹ Corning® Gorilla® Armor әйнегінің жоғарыда аталған сипаттамалары Corning компаниясының ішкі зертханалық сынақтарының нәтижелеріне негізделген. Нақты сипаттамалары әр түрлі болуы мүмкін.
² Corning® Gorilla® Armor әйнегінің жоғарыда аталған сипаттамалары Corning компаниясының ішкі зертханалық сынақтарының нәтижелеріне негізделген. Нақты сипаттамалары әр түрлі болуы мүмкін.
³ Қорытынды пайдаланушылар бұл қайта өңделген материалдары ешқашан қолданбады, олар өндіріс барысындағы шығындардан алынды.