Samsung Health ұйқыны жақсарту бағдарламасын жаңартып, апта сайын жеке ұсыныстар ұсынады

Samsung Electronics ұйқыны жақсарту бағдарламасын¹ қолдануды бастауды жеңілдететін Samsung Health қосымшасының ауқымды жаңартуын жариялады: енді бұл үшін аз деректер қажет. Жаңарту, сондай-ақ ұйқыны жақсарту бойынша неғұрлым дербестендірілген ұсыныстарды және пайдаланушыларға пайдалы әдеттерді қалыптастыруға және салауатты өмір салтын ұстануға көмектесетін кеңейтілген жүгіру жаттығулары бағдарламасын қамтиды.

«Ұйқыға қатысты кеңестер» жеке ұсыныстармен жеңілдетіледі

Ұйқыны бақылау функциясы адамның қаншалықты жақсы ұйықтағанын түсінуге көмектессе, ұйқыны жақсарту бағдарламасы жеке мақсаттар мен ұйқы туралы деректерді пайдалы күнделікті әдеттерге айналдыру арқылы ұйқы сапасын қалай жақсартуға болатынын көрсетеді.

Samsung салауатты ұйқыға алғашқы қадамды одан да оңай жасады. Енді «Ұйқыға қатысты кеңестер» бағдарламасын іске қосу үшін соңғы екі аптада жиналған үш күндік деректер жеткілікті. Бұрын ол үшін бір айдың жеті күнінің деректері талап етілетін.

Бастапқы баптау кезінде пайдаланушылар ұйқының тұрақтылығы, түнгі ояну, алкоголь мен кофеинді тұтыну, сондай-ақ ұйқы сапасына субъективті қанағаттану туралы сауалнамадан өтеді. Үш күндік жауаптар мен ұйқы туралы деректер негізінде қосымша сіздің ұйқы архетипіңізді анықтайды және қойылған мақсаттарды ескере отырып, төрт аптадан сегіз аптаға дейін созылатын жеке бағдарлама жасайды. Бағдарламадан өткен сайын ұсыныстар ұйқы режимінің өзгеруіне, оның сапасын күнделікті бағалауға және пайдаланушының өмір салтына байланысты апта сайын түзетіліп отырады.

Бағдарлама ұйқы туралы мінез-құлық ғылымының қағидаттарына негізделген және күнделікті пайдалы әдеттердің тізімдері мен практикалық кеңестерді ұсынады. Мысалы, ұйықтар алдында бір сағат бұрын гаджеттерді қолданудан бас тарту, кешке кофеин ішпеу немесе оянғаннан кейін таза ауада жаттығу жасау. Мұндай қарапайым әрекеттер режимді біртіндеп ретке келтіруге және демалыс сапасын жақсартуға көмектеседі.

Пайдаланушыларға ұйқы туралы неғұрлым көрнекі және егжей-тегжейлі есептер қолжетімді болды. Жаңа бес бұрышты “Ұйқы балансы” графигі бес негізгі көрсеткішті біріктіреді: ұйқының ұзақтығы, режимнің тұрақтылығы, түнгі ояну уақыты, ұйқы сапасына қанағаттанушылық және “Өмірлік күштер көрсеткіші” энергия көрсеткіші². Бағдарлама аясында жиналған немесе енгізілген деректерге сүйене отырып, график ұйқы сапасындағы өзгерістерді бірден бағалауға және назар аударуға тұрарлық аспектілерді анықтауға көмектеседі.

Күн сайын таңертең пайдаланушылар өткен түннің қысқаша талдауын және пайдалы кеңестерді алады. Бұл күнделікті ұсыныстар апталық және қорытынды есептермен толықтырылып, ұйқы режимі өзгерістерінің тұтас көрінісін қалыптастырады. Күнделікті әрекеттерді қол жеткізілген нәтижелермен салыстыра отырып, Samsung Health күнделікті жақсы көңіл-күйге ықпал ететін пайдалы әдеттерді бекітуге көмектеседі.

Жүгірушілер үшін көбірек мүмкіндіктер: жаттығудың жаңа деңгейлері және Strava-мен интеграция

Жүгірудің танымалдылығы артып келе жатқандықтан, Samsung “Жүгіру жаттықтырушысы”³ функциясын жаңартып, жаттығуларды әртүрлі, дербестендірілген және ыңғайлы етті.

Дайындық деңгейлерінің саны 10-нан 12-ге дейін артты. Бұрынғыдай, пайдаланушылар 12 минуттық жүгіру тестінің нәтижелері немесе бұрын жиналған жүгіру деректері негізінде жеке жаттығу жоспарын алады. Бұл ретте жаңа деңгейлер дайындығы орташа және жоғары деңгейдегі жүгірушілерге арналған. Олар үлкен мақсаттар қоюға, жүктемені арттыруға және спорттық нәтижелерді біртіндеп жақсартуға көмектеседі.

Пайдаланушылар өз жетістіктерімен бөлісіп, мотивацияны сақтау үшін “Жүгіру жаттықтырушысында” нәтижелерді әлеуметтік желілерде жариялаудың кеңейтілген мүмкіндіктері пайда болды. Енді жаттығу деректерін әртүрлі платформаларға бейімделген дайын үлгілерге оңай көшіруге болады. Бұл достарыңыз бен пікірлестеріңізге жаңа жеке рекордтар, жүріп өткен қашықтықтар мен қызықты маршруттар туралы айтудың ыңғайлы жолы.

Samsung сонымен қатар Strava⁴ жаһандық фитнес платформасымен серіктестік арқылы өз экожүйесінің мүмкіндіктерін кеңейтуді жалғастыруда. Енді пайдаланушылар әдеттегі және трейл жүгіру, сондай-ақ велосипедпен жүру үшін сүйікті Strava Routes маршруттарын Samsung Health-ке тікелей импорттай алады. Интеграция екі платформаны да пайдалануды ыңғайлы етеді және олардың үйлесімділігін қамтамасыз етеді.

«Samsung Health-тің дербестендірілген бағдарламалары пайдаланушыларға өздерінің денсаулық көрсеткіштерін жақсырақ түсінуге және күнделікті жақсы көңіл-күйге қамқорлық жасауға көмектеседі, – деп атап өтті Samsung Electronics компаниясының Mobile eXperience (MX) Business құрамындағы аға вице-президент және Digital Health бөлімшесінің басшысы Хон Пак (Hon Pak). – Біз пайдаланушылар сене алатын денсаулық сақтау платформасын дамыту үшін Galaxy экожүйесінің мүмкіндіктері мен технологияларымызды пайдалануды жалғастырамыз.”

Жаңа функциялар 2026 жылдың қазан айынан бастап Samsung Health қосымшасының жаңартулары арқылы қолжетімді болады⁵.

¹ Функция Android 11 немесе одан кейінгі ОЖ нұсқасы бар Samsung Galaxy смартфондарына қосылған кезде 6.24 және одан жоғары нұсқадағы Samsung Health қосымшасында қолжетімді. Оның жұмыс істеуі үшін 7-14 күн аралығында жиналған кем дегенде үш күндік ұйқы деректері қажет. Galaxy Watch4 сериясы және одан кейінгі модельдер, Samsung Galaxy Fit3 және одан кейінгі модельдер, сондай-ақ Samsung Galaxy Ring құрылғыларына қолдау көрсетіледі.

² “Өмірлік күш көрсеткіші” көрсеткішін анықтау үшін Samsung Galaxy Watch немесе Samsung Galaxy Ring көмегімен жиналған денсаулық деректерін Samsung Health қосымшасымен синхрондау қажет. Алынған нәтижелер тек жеке танысуға арналған және медициналық мақсаттарда пайдаланылмайды.

³ “Жүгіру жаттықтырушысы” функциясы Android 10 немесе одан кейінгі ОЖ нұсқасы бар смартфондарда қолжетімді және 6.30.2 немесе одан жоғары нұсқадағы Samsung Health қолданбасын орнатуды талап етеді. Samsung тіркелгісіне кіру қажет. Бұл функция тек Galaxy Watch8 сериялы немесе одан кейінгі Galaxy Watch құрылғыларын пайдаланғанда ғана қолдау табады.

⁴ Strava қызметі Беларусь, Қытай, Куба, Иран, Солтүстік Корея, Сирия, Ресей, Украина мен Оңтүстік Кореяның жекелеген аймақтарын қоспағанда, бүкіл әлем бойынша қолжетімді.

⁵ Кейбір функциялар бағдарламаның кейінгі жаңартуларында қолжетімді болуы мүмкін. Функциялардың қолжетімділігі мен олардың пайда болу мерзімі нарыққа, құрылғы моделіне және басқа да жағдайларға байланысты өзгеруі мүмкін.