Samsung IFA 2025 көрмесінде AI Home: Future Living, Now концепциясын көрсетеді

2025 жылғы қыркүйектің 5-9 аралығында Samsung Electronics Берлиндегі Халықаралық тұтынушылық электроника көрмесінде (IFA) AI Home: Future Living, Now концепциясын көрсетеді.

Samsung -тың AI Home концепциясы алыс болашақта ғана емес, бүгінгі шындықтың бір бөлігі болу үшін жасалған және ол тек таңдаулылар үшін ғана емес, барлығы үшін жасалуда.

IFA 2025 көрмесінде Samsung осы көзқарасты көрсететін жасанды интеллект негізіндегі бірқатар инновацияларды көрсетеді: соңғы дисплей технологиясы бар Micro RGB теледидары, еуропалық тұтынушыларға арналған жаңа Bespoke AI тұрмыстық техникасы және Galaxy AI экожүйесін кеңейтетін мобильді құрылғылар.

Бұл өнімдердің барлығы SmartThings платформасымен біріктіріліп, Samsung-тың күнделікті өмірді ыңғайлы, тиімді, сау және қауіпсіз ететін бірегей AI Home тәжірибесін ұсынады.

4 қыркүйекте, көрменің ашылуына бір күн қалғанда, Samsung баспасөз конференциясында AI Home бөлігі ретінде шілде айында Galaxy Unpacked-те алғаш рет жарияланған Ambient AI концепциясын ашады.

«Samsung -тан AI Home тұтынушыларды жақсырақ түсіну және олардың күнделікті қажеттіліктеріне кедергісіз бейімделу үшін қосылған құрылғылардан алынған мультимодальды ақпаратты талдай отырып, өміріміздің ажырамас бөлігіне айналады, деді Samsung Electronics компаниясының атқарушы вице-президенті және тұрмыстық техника (DA) бизнесінің басшысы Чеольги Ким (Cheolgi Kim) баспасөз мәслихатында сөйлеген кіріспе сөзінде. Біз биылғы IFA осы сапардың бастапқы нүктесі болады деп күтеміз».