Samsung One UI8 бета-нұсқасын шығарады: бірінші буынды жаңарту жаңа Galaxy Foldable құрылғыларынан басталады

Нағыз мультимодалдық AI-көмекшіден тұратын және Samsung Galaxy-дың әртүрлі форм-факторларына арналып әзірленген бағдарламалық қамтамасыз етудің жаңа зерделі заманасына жол аша отыра, One UI 8 бета-нұсқасы алғашқы қолжетімділікке шығып қойды.

One UI – бұл Galaxy құрылғыларына күнделікті жұмысты жеңіл ету және өнімділігін және ыңғайылығын арттыруға көмектесу үшін жасалынған Samsung-тың кіріктірілген бағдарламалық платформасы. Samsung және Google өзара серіктестігі арқасында, One UI 8 Samsung-тың жаңа жиналмалы құрылғыларында осы жазда алғаш рет пайда болады және тұтынушылар Android-тың өте жаңа нұсқасымен бірге барынша байытылған және дербестендірілген мобильдік интерфейстен рақаттана алу үшін біртіндеп Galaxy-дың көптеген құрылғыларына сан жағынан ауқымынды тараталатын болады.

Samsung және Google өзара ашық серіктестігі арқасында бір-бірімен өздерінің жобалау жүйелерімен және бағдарламалық қамтамасыз еті жасақталымын жылдамдата отыра, нақты уақыт тәртібіндегі кері байланыспен бөлісті, бұл One UI 8-ді Android 16 қолданатын ең алғашқы тұтынушылық платформалардың бірі етті.

Бұдан бөлек, One UI 8 жаңа жиналмалы құрылғылармен бірге шығарылған жаңартулардың бірінші буыны болып табылады, ол сонымен бірге UX және жасанды интеллектінің ірі жаңартуларының арқасында Samsung-тың бағдарламалық қамтамасыз етуінің дамуына жаңа қарқын береді. АҚШ, Германия, Корея және Ұлыбританияда Galaxy S25, S25+ и S25 Ultra арналып бастау алатын бета-нұсқа бағдарламасына жазылып, сіз бұл жаңа енгізілім туралы алғашқы таныстырылымды ала аласыз.

Кедергісіз және еркін өзара әрекет етуге арналған дербестендірілген жасанды интеллект

One UI 8 ресми шығарылымы жасанды зердені қолдануға мүмкіндік береді. One UI 8 ресми іске қосылуы AI-ға Galaxy S25 сериясында алғаш рет енгізілген AI мүмкіндіктерін кеңейту арқылы күнделікті өміріңізді ақылды және ыңғайлы етуге мүмкіндік береді. Бұған: мультимодальды мүмкіндіктер, әртүрлі құрылғы пішін факторларына бейімделген UX және жекелендірілген, белсенді ұсыныстар cекілді үш негізгі фактор әсер етеді.

Интеллектуалды мультимодальдылық сіздің дәл сол сәтте не тамашалап отырғаныңызды түсінетін ЖИ-мен табиғи, үздіксіз байланыстарды қамтамасыз етеді. Жаңартылған UX Galaxy портфолиосындағы бірегей пішін факторлары үшін оңтайландырылған, бұл сіздің күнделікті өнімділігіңіз бен тиімділігіңізді арттырады. One UI 8 сонымен қатар айналаңызды таниды, бірегей жұмыс тәртібіне сәйкес келетін жекелендірілген, белсенді ұсыныстарды береді. Now bar¹ және Now brief² сияқты мүмкіндіктер жасанды зерде басқаратын ақпаратты пайдалана отырып, істерді орындауға және күнделікті қайталанатын істерді жасауды жалғастыруға көмек беретін қосымша түсініктер мен лайфхактарды ұсынады.

Бұл интеллектуалды, жекелендірілген AI тәжірибесі жай ғана пайда болған жоқ. Бұл деректеріңізді қауіпсіз сақтау арқылы мүмкін болды. Samsung Knox Vault құпия деректерді қалған деректерден оқшаулау үшін арнайы әзірленген қауіпсіз процессор мен қауіпсіз жадты біріктіріп, жеке ақпаратыңызға басқа ешкімнің физикалық немесе қашықтан қол жеткізе алмайтынын қамтамасыз етеді. One UI 8 сонымен қатар деректерді тек құрылғыда өңдеуге мүмкіндік беретін өлшемдерді қамтиды, өйткені біздің көптеген Galaxy AI қолданбалары құрылғыда да, бұлттық AI -өңдеуді де пайдаланады. Айқындылық пен тұтынушы таңдауы арқасында, One UI 8 құпиялылығыңызға нұқсан келтірмей, AI -мен жекелендірілген жұмыс істеу тәжірибесімен қамтамасыз етеді.

Дамыған күнделікті ыңғайлылық

One UI 8 жасанды зердемен өзара әрекетті қамтамасыз ететін тәжірибелерді жеткізуге ғана емес, сонымен қатар мобильді құрылғылармен күнделікті жұмыстарды барынша қолайлы етуге арналған ыңғайлы, интуитивті құралдарды қамтиды. Bluetooth LE Audio³ негізделген кең хабар тарату аудиотрансляция технологиясы Auracast⁴, сканерлеу және QR–кодын берілісі көмегімен қарапайым аудио қосылымдарын қолдайды, бұл Galaxy Buds3 және есту аппараттары сияқты бірнеше Auracast⁵ құрылғыларына күрделі қолмен орнатуды қажет етпестен ортақ аудио ағынына қосылуға мүмкіндік береді. Оған қоса, қызмет көрсету орталықтарында тұтынушыларға қызмет көрсету QR және NFC⁶ арқылы тікелей Samsung тіркелгіңіздегі қолдау арқылы жылдам әрі ыңғайлырақ болады. Енді тіркеу пішінін толтырмаймай-ақ, күту уақытын қысқартып, қызмет сұрауларын жеңілдетіп, QR және NFC арқылы тіркеле аласыз.

Reminder қолданбасы сізге ыңғайлы және интуитивті мүмкіндіктері бар саяхат серіктесіне айналады. Егер сіз отбасыңызбен Нью-Йоркке сапар шегуді жоспарласаңыз, тіпті жаңадан бастағандар да түсінетін ыңғайлы интерфейстің арқасында қолданбаны ашқан бойда барлық еске салғыштарыңызды бір жерден басқара аласыз. Сондай-ақ, бір түймені басу арқылы отбасыңызбен және достарыңызбен сапарыңыз кезінде жасалатын әртүрлі нәрселермен толтырылған еске салғыштар тізімін бөлісе аласыз. Қолдарыңыз сатып алынған заттарға толы пакеттерден босамай жатқанда, дауыспен басқару мүмкіндігі де іске қосылғандықтан, жолда дауыспен еске салғыштарды қосуға болады.

Жақсартылған Quick Share⁷ көмегімен естеліктерді отбасымен және достарымен бөлісу бұрынғыдан оңайырақ. Жылдам параметрлер тақтасындағы Жылдам бөлісу батырмасын бір рет басу файлдарды лезде жіберуге және алуға мүмкіндік береді.

Galaxy AI болашағы қазір басталады. One UI 8 жаңа мүмкіндіктерін алғашқылардың бірі болып қолдану үшін Samsung Members қолданбасы арқылы тіркеліңіз.

¹ Қолдау көрсетілетін мүмкіндіктердің қолжетімділігі елге және үлгіге байланысты әр түрлі болуы мүмкін. Кейбір мүмкіндіктер желіге қосылуды және/немесе Samsung есептік жазбасына кіруді қажет етуі мүмкін.
² Енді Now Brief мүмкіндігі Samsung тіркелгісіне кіруді талап етеді. Қызметтің қолжетімділігі елге, тілге, құрылғы үлгісіне немесе қолданбаларға байланысты әр түрлі болуы мүмкін. Кейбір мүмкіндіктер желі қосылымын қажет етуі мүмкін.
³ Auracast қолдайтын Bluetooth 5.2 немесе одан жоғары нұсқасы бар құрылғыларда қолжетімді.
⁴ Auracast аудио ағынының сапасы қолданбаға, желі қосылымына және басқа факторларға байланысты әр түрлі болуы мүмкін.
⁵ Auracast қабылдауды және жіберуді қолдайтын құрылғылар: Samsung One UI 6.1 немесе одан жоғары нұсқасы бар 2023 немесе одан кейінгі жылы шығарылған Samsung Galaxy флагмандық смартфондары мен планшеттері. Auracast қабылдауына арналған қолдау көрсетілетін құрылғылар: Galaxy Buds 3, Buds 3 Pro, Buds 2 Pro. Бағдарламалық құралды жаңарту қажет болуы мүмкін. Қолжетімділік нарыққа және үлгіге байланысты өзгеруі мүмкін.
⁶ 36 елде қол жетімді: Америка Құрама Штаттары, Аргентина, Австрия, Бразилия, Чили, Колумбия, Чехия, Эквадор, Франция, Греция, Гватемала, Венгрия, Үндістан, Индонезия, Кения, Корея, Малайзия, Мексика, Нидерланды, Жаңа Зеландия, Нигерия, Пәкістан, Панама, Перу, Нигерия, Пәкістан, Панама, Перу, Португалия, Португалия, Оңтүстік Африка, Португалия Испания, Тайвань, Таиланд, Түркия, Украина, Өзбекстан, Вьетнам. Қолжетімділігі елге байланысты әр түрлі болуы мүмкін. Болашақ жаңартуларда көбірек елдер қолжетімді болады. Бұл мүмкіндік қызмет көрсету орталықтарының шектеулі санында қолжетімді және болашақта кеңейтілетін болады. Android 10 немесе одан жоғары нұсқасы бар құрылғыларда қол жетімді, NFC қолжетімділігі құрылғыға байланысты әр түрлі болуы мүмкін, Android 10 немесе одан жоғары нұсқасы бар құрылғыларда қолжетімді Samsung тіркелгісі қолданбасы. Қолжетімділік NFC жад қолдауына байланысты өзгеруі мүмкін.
⁷ Quick Share үшін төмен энергия тұтынатын Bluetooth және Wi-Fi қосылымы қажет. Quick Share бір уақытта қосыла алатын құрылғылардың саны ортақ құрылғының Wi-Fi чипінің аппараттық құралына байланысты әр түрлі болуы мүмкін. Нақты жылдамдық құрылғыға, желі жағдайларына және пайдаланушы ортасына байланысты өзгеруі мүмкін.