Бизнес үшін жаңа серпін: Samsung Тәжікстанда корпоративтік шешімдерді таныстырды

14 қазанда Hyatt Regency Dushanbe қонақүйінде корпоративтік сектор үшін заманауи технологияларға арналған Samsung Partner’s Day серіктестік кездесуі өтті. Шара жұмыс процестерін цифрландыруға және ынтымақтастықтың жаңа бағыттарын дамытуға мүдделі бизнес өкілдерін, дистрибьюторлар мен жүйелік интеграторларды біріктірді.

Технология бизнестің барлық саласына терең еніп келеді. Қонақүйлерге климат пен жабдықтарды басқарудың заманауи жүйелері, сауда орталықтарына келушілермен тиімді коммуникация құралдары, ал мобильді қызметкерлері бар компанияларға сенімді құрылғылар мен жұмыс ақпаратына қауіпсіз қол жеткізу қажет. Samsung компаниясының тұсаукесері дәл осындай практикалық міндеттерге арналды.

Кездесу тақырыптарының бірі корпоративтік ұтқырлық болды. MX B2B бөлімшесінің өкілдері Samsung компаниясының бизнеске арналған мобильді шешімдері – қызметкерлерге корпоративтік қосымшалармен жұмыс істеуге және кеңседе және одан тыс жерлерде жедел ақпарат алмасуға көмектесетін Galaxy смартфондары мен планшеттері туралы айтып берді. Күрделі жағдайларда – қоймаларда, өндірістік нысандарда, құрылыс алаңдарында және логистикада жұмыс істеуге арналған Galaxy Xcover7 қорғалған смартфондары мен Galaxy Tab Active5 планшеттеріне ерекше назар аударылды.

Құрылғылар корпоративтік деректерді қорғауды, мобильді құрылғылар паркін орталықтандырылған баптауды және басқаруды қамтамасыз ететін Samsung Knox шешімдерін толықтырады. Бұл құралдар компанияларға бірыңғай қауіпсіздік саясатын қолдануға, жұмыс қосымшаларын басқаруға және құрылғыларды қызметкерлердің міндеттеріне бейімдеуге мүмкіндік береді, оларды енгізуді және одан әрі қызмет көрсетуді жеңілдетеді..

Биылғы жылы бизнес-дисплейлер мен B2B-мониторлардың желісіне басты назар аударылды. Басты хиттер өте үлкен панельдер болды: 115 дюймдік QHFX және 105 дюймдік QPDX. Кәсіпкерлер олардың жоғары өнімділігін, шынайы түс беруін және ультра жұқа корпусын атап өтті. Тік (портретті) орнату мүмкіндігі ритейл үшін жаңа көкжиектерді ашады ауқымды жарнамалық бейнеконтент жасауға мүмкіндік береді.

ШОБ үшін кесте мен контентті басқаруға ыңғайлы BEF бизнес-ТД үлгісі, сондай-ақ IEA сериялы сенімді жарықдиодты LED-экрандар ұсынылды. Мониторлар сегментінде 32 дюймдік Odyssey OLED G8 (4K QD-OLED, 240 Гц) OLED Safeguard+ экранды қорғау технологиясымен ойын дисплейі таныстырылды. Сондай-ақ, бір пернетақта мен тінтуірден екі бейне көзін басқаруға арналған KVM ауыстырып-қосқышымен жабдықталған 49 дюймдік иілген B2B ViewFinity S9 (32:9, Dual QHD) мониторлары қызығушылық тудырды.

DA Samsung тұрмыстық техникасының B2B бағыты бойынша корпоративтік клиенттерге арналған кешенді шешімдерге баса назар аудара отырып презентация өткізді. Ол Samsung тұрмыстық техникасының тұрғын үй кешендерінде, қонақүйлерде және басқа да коммерциялық нысандардағы ықтимал қолданылуын талқылап, Қазақстанда аяқталған жобалар бойынша тәжірибесімен бөлісіп, жылжымайтын мүлік әзірлеушілермен, жиһаз компанияларымен және басқа да B2B серіктестермен ынтымақтастық перспективаларын баяндады.

Samsung System Air Conditioning бөлімшесі бизнес үшін кешенді климаттық экожүйелерді ұсынды. Жоғары сапалы тұрғын үйлер үшін FJM мульти-сплит жүйесіне негізделген «One is enough» тұжырымдамасы ұсынылды, онда бір сыртқы блок бес ішкі құрылғының жұмысын қамтамасыз етеді. Ірі коммерциялық нысандар үшін 64 ішкі блокқа дейінгі модульдік құрастырылымы бар орталық VRF жүйелері (DVM сериясы) таныстырылды. 360° кассеталық блоктары мен желсіз салқындықты самал жел етіп есетін WindFree™ Cooling технологиясы технологиялық хиттерге айналды. Жүйелердің энергия тиімділігі мен қауіпсіздігін кіріктірілген ЖИ қамтамасыз етеді.

Samsung қазірдің өзінде Тәжікстан нарығындағы жобаларды іске асыруға белсенді қатысып, дисплей технологиялары саласындағы өзінің соңғы шешімдерін енгізді. Соның бір дәлелі – 2025 жылғы 20 маусымда ашылған және цифрлық қалалық инфрақұрылымды дамытуға арналған Душанбедегі «Зерделі қала» МУК жаңа әкімшілік ғимараты.

Душанбедегі Partner’s Day идея алмасу, жаңа мүмкіндіктерді талқылау және серіктестік байланыстарды нығайту алаңына айналды. Samsung компанияларға күнделікті мәселелерді шешуге, тиімдірек жұмыс істеуге және алға жылжуға көмектесетін заманауи технологияларды ұсына отырып, Тәжікстан бизнесімен ынтымақтастықты дамытуды жалғастырады.