[Galaxy Unpacked 2025] Galaxy AI-мен әр күн ерекше болады

Әсерлі саяхаттан кейін үйге қайтқаннан кейінгі келесі күн дәл сондай ерекше бола алмайды деген сөз емес. Galaxy AI-дың мүмкіндіктерінің арқасында әр күн ұмытылмастай болады. Samsung Newsroom сіз ас дайындағанда, сурет салғанда немесе отбасы немесе достарыңызбен уақыт өткізгенде, күнделікті өмірге Galaxy S25 флагмандық сериясы жарқын түстерді қалай ендіретіні туралы айтып береді.

Бейнелердегі ерекше сәттерді GIF форматында сақтаңыз

Бейнелерді қарап отырып, сіз бөлек сақтағыңыз келетін немесе әлсін-әлсін қарай бергіңіз келетін ерекше сәтті көресіз. Алайда бейнені тұтастай жүктеу, қажетті көріністі іздеу және оны өңдеу  – ұзақ және шаршататын процесс. Galaxy AI бұл тапсырманы жеңілдетеді. Отбасыныңызбен бірге түскен әсерлі сәтті түсіріп алғыңыз келеді ме? Әлде гольфтағы өзіңіздің соққы техникаңызды сараптағанды қалайсыз ба? AI Select функциясы бұны екі шертіп шешеді. Бейнені қарап отырған уақытта, жылдам рұқсат панелін ашыңыз да AI Select белгішісіне басыңыз және қажетті көріністі GIF форматында сақтаңыз.

Тоңазытқыштың ішіндегісін  сканерлеңіз, рецепттер алыңыз және оларды Samsung Notes-те сақтаңыз

Егер сіз тамақ әзірлеуді ұнататын болсаңыз, онда сіз жаңа тағамдармен тәжірибе жасайтын шығарсыз. Есіңізге ештеңе түспегенде, Galaxy S25 көмекке келеді. Камерамен тоңазытқыштың ішіндегісін суретке түсіріңіз және Galaxy AI тағамды талдап, қолайлы рецепттер ұсынып, пісіру процесінде сізге бағыт-бағдар береді. Осылайша қарапайым ингредиенттер аспаздық шедеврлерге айналады

Мәтінді енгізіңіз – және  Galaxy AI шедевр салып шығарады

Көрнекі контенттің маңыздылығы артып келе жатқан әлемде үлкен көлемде жоғары сапалы кескіндерді жасау күрделі  тапсырмаларға айналуда. Жасанды интеллект тек мәтіндік сұрау арқылы жарқын және таңғаларлық кескіндерді жасай отырып, мұны оңай шеше алатынын елестетіп көріңіз. Galaxy S25 көмегімен бұл енді «Сурет салу бойынша көмекші» мүмкіндігінің арқасында жүзеге асты.

«Сурет салу бойынша көмекші»  көмегімен кез келген адам жай мәтін енгізу арқылы керемет кескіндер жасай алады. Мысалы, саусақпен немесе S қаламымен мысықтың долбарлы сызбасын сызып, «отшашуларды көру» мәтінін енгізіңіз – Galaxy AI отшашуларды көріп отырған мысықтың суреттерін, мысалы, иллюстрациялар, 3D модельдер, немесе инфографика секілді әртүрлі стильдерде жасайды. Бұл суреттер әлеуметтік желідегі жазбалар, көрнекі оқу материалдары, презентациялар және т.б. үшін өте қолайлы.