Samsung IFA 2025 көрмесінде тұрмыстық техника инновациясының 40 жылдығын атап өтеді

Samsung Electronics тұрмыстық техника сегментіндегі инновациялар тарихы микротолқынды пештер мен теледидарлардан бастап, «сөйлейтін» тоңазытқыштарға және тіпті Интернет заттары (IoT) мүмкіндігі бар үлгілерге дейін барлығын қамтиды. Бұл құрылғылар бірте-бірте заманауи Bespoke AI топтамасына — тұтынушыларды түсінетін және жеке шешімдерді ұсынатын құрылғыларға айналды.

«AI Home: Future Living, Now» ұранымен Samsung 5-9 қыркүйек аралығында Берлинде өтетін Еуропадағы ең ірі тұрмыстық техника көрмесі IFA 2025 көрмесінде өзінің озық AI Home тәжірибесін көрсетеді¹.

Іс-шараның алдында Samsung Newsroom компанияның инновациялық саяхатын және оның технологиясының болашаққа қалай қадам басып бара жатқанын жан-жақты қарастырады.

Сөйлейтін тоңазытқыштан Bixby және дауыспен жұмыс істейтін үйге дейін

Дауыспен жұмыс істейтін Samsung тұрмыстық техникасының дәуірі 1985 жылы «сөйлейтін» тоңазытқыштың дебютімен басталды. 1989 жылға қарай құрылғы сөзді синтездеудің ерте технологияларын енгізді және ол қарапайым дауыстық нұсқаулардан асып түсті: тоңазытқыш жоспарланған жазбаларды ойната алады, отбасы үшін дауыстық жазбалар қалдырады және есік ашық қалған кезде еске сала алады. Мұның бәрі болашақ жасанды интеллекті қолдайтын дауыстық интерфейстердің негізін қалады.

Бұл алғашқы жаңалық, сайып келгенде, 2018 жылы Samsung ұсынған жасанды интеллектпен жұмыс істейтін дауыстық көмекші Bixby²-ге айналды. Бүгінде Bixby компанияның тұрмыстық техниканы басқару орталығы ретінде қызмет етеді, бұл тұтынушыларға тоңазытқыштарды, кондиционерлерді, кір жуғыш машиналарды және басқа құрылғыларды өз дауыстарымен басқаруға мүмкіндік береді. Voice ID³ технологиясының арқасында көмекші тіпті жеке пайдаланушыларды тани алады және оларға жеке ақпаратты ұсына алады.

▲ Сол жақта «сөйлейтін» тоңазытқыш. Оң жақта жеке пайдаланушыларды тани алатын Bixby дауысты тану мүмкіндігі.

Тұрмыстық техниканың экрандары – үйдегі жаңа хаб

Samsung алғашқылардың бірі болып «тұрмыстық техникадағы экрандар» тұжырымдамасын енгізіп, өзарабайланысты үйдің болашағын бастады. 1982 жылдың өзінде компания пайдаланушыларға рецепттер мен нұсқауларды қарап қана қоймай, сонымен қатар теледидарды көруге және қауіпсіздік камерасы арқылы үйге кіруді бақылауға мүмкіндік беретін экраны бар көп функциялы микротолқынды пешті ұсынды. Кейінірек тоңазытқыштарда да экрандар пайда болып, оларды қарапайым азық-түлік сақтайтын құрылғылардан отбасылық өмірдің орталығына айналдырды.

2016 жылы Samsung IoT мүмкіндігі бар Family Hub тоңазытқышын шығарды. 21,5 дюймдік сенсорлық экранмен және ішкі камералармен жабдықталған ол пайдаланушыларға азық-түлік қорын бақылауға және онлайн сатып алуларды басқаруға мүмкіндік берді, бұл мүлдем жаңа асүй тәжірибесін ашады. Содан бері тоңазытқыштар, кір жуғыш машиналар, кондиционерлер және басқа да құрылғылар SmartThings-қа⁴ қосылды және экрандар пайдаланушыларға құрылғыларды бір қарағанда бақылауға және басқаруға мүмкіндік беретін смарт үйді басқару орталықтарына айналды.

▲ Көп функциялы микротолқынды пеш (сол жақта) және 2016 жылы шыққан Family Hub тоңазытқышы (оң жақта).

Автоматты жуудан бастап Bespoke AI-ға дейін: ақылды құрылғылардың эволюциясы

Samsung 1980 жылы микрокомпьютер чипі бар кондиционерді шығара отырып, «ақылды» құрылғыларға алғашқы қадамын жасады. Бұл инновация рухы 1990-шы жылдарға дейін жалғасты: 1991 жылы компания fuzzy logic⁵ интегралды сызбасы мен нейрондық алгоритмдері бар Neuro-Fuzzy кір жуғыш машинасын ұсынды. Оптикалық сенсорлар кірдің ластану деңгейін, жүк көлемін және су температурасын анықтады, ал машина оңтайлы жуу циклын автоматты түрде таңдап, «сезетін, шешім қабылдайтын және жеке шешімдерді ұсынатын» құрылғылар тұжырымдамасына жол ашты.

▲ Кіріктірілген микрокомпьютер чипі бар кондиционер.

2018 жылы Samsung матаның түріне, түсіне және кір деңгейіне байланысты жуу циклдарын ұсыну үшін жасанды интеллект қолданылған QuickDrive кір жуғыш машинасын ұсынды. Бұл технология оңтайлы жуу циклы мен кептіру температурасын таңдау үшін мата түрі мен кір деңгейін автоматты түрде анықтайтын OptiWash және AI Optimal Dry мүмкіндіктері бар Bespoke AI кір жуу комбосының негізі болды⁶.

2006 жылы Samsung компаниясы Hauzen роботын шығару арқылы шаңсорғыштарға да интеллект енгізді. Гиродатчикпен жабдықталған ол қашықтық пен бұрыштарды есептеп, оңтайлы тазалау жолдарының картасын жасады. Бұл қарапайым шаң жинаудан олардың айналасына жауап бере алатын құрылғыларға көшуді белгіледі. Бүгінгі таңда Bespoke Jet Bot Combo осы дәстүрді жалғастырып, қауіпсіздіктің жетілдірілген мүмкіндіктерін және кедергілерді танитын⁷ және болдырмайтын, еден түрін анықтайтын⁸ және одан да тиімдірек кеңістікті анықтатйын жасанды интеллектпен камераларды ұсынады.

▲ Neuro-Fuzzy кір жуғыш машина (сол жақта) және Hauzen робот шаңсорғышы (оң жақта).

IFA-дағы техниканың инновациялық топтамасы: сізге арнап жасалынған AI Home

IFA 2025 көрмесінде Samsung 2025 Bespoke AI тұрмыстық техникасы топтамасына негізінде бұдан да жетілдірілген AI Home тәжірибесін ұсынады.

«Samsung компаниясының инновациялар мұрасына сүйене отырып, біз пайдаланушыларға олардың күнделікті өмірінде көбірек қолайлылық пен құндылықты ұсынуды жалғастырамыз», – деді Чон Сын Мун (Jeong Seung Moon), Samsung Electronics-тің атқарушы вице-президенті және тұрмыстық техника бизнесі бойынша R&D жетекшісі. «Жекелендірілген AI шешімдерінің жаңа стандартын белгілей отырып, біз Samsung = AI -мен техника формуласын түпкілікті бекітуді мақсат етеміз.

Заманауи Samsung тұрмыстық техникасы туралы толығырақ ақпаратты samsung.kz-тен табуға болады.

¹ AI-мен жұмыс істейтін мүмкіндіктер таңдаулы тұрмыстық техника үлгілерінде қол жетімді. Олар алдын ала анықталған деректер жиынында оқытылатын терең оқыту моделіне негізделген және толық емес немесе қате нәтижелер беруі мүмкін. Дәлдікті жақсарту үшін үлгіні жаңа деректер жиындарымен мерзімді түрде жаңартуға болады.

² Bixby – IoT үшін Samsung компаниясының меншікті дауыстық көмекшісі. Қызметтің қолжетімділігі елге байланысты өзгереді. Bixby тек таңдалған тілдерді және белгілі екпіндерді/диалектілерді таниды. Интерфейс пен мүмкіндіктер құрылғыға, аймаққа, операторға және ОЖ нұсқасына байланысты әр түрлі болуы мүмкін. Samsung тіркелгісін және желі қосылымын (Wi-Fi немесе ұялы деректер) қажет етеді.

³ Voice ID алты тіркелген пайдаланушыға дейін қолдайды және тек таңдаулы Samsung Family Hub және тоңазытқыш үлгілерінде қолжетімді (үлгі мен аймаққа қарай өзгереді). Әрбір пайдаланушы құрылғының экранында Samsung есептік жазбасымен алдын ала тіркелуі керек. Күнтізбе қолданбасы Google және Microsoft интеграциясын қолдайды (үлгіге және аймаққа қарай өзгереді).

⁴ Доступно на устройствах Android и iOS. Требуется Wi-Fi и учетная запись Samsung Android және iOS құрылғыларында қол жетімді. Wi-Fi және Samsung тіркелгісі қажет.

⁵ Fuzzy logic – қатаң «иә/жоқ» мәлімдемелерінің орнына ақиқат дәрежесін қолдану арқылы адам пікірін имитациялайтын есептеу әдісі. Интегралды сызба (IC) – бұл белгілі бір функцияларды орындауға арналған электрондық сызбалардан тұратын микросызба.

⁶ Матаны анықтау 3,6 кг-ға дейін жүктеу үшін AI-алгоритмімен жүзеге асырылады. Аралас маталар анықтау дәлдігін төмендетуі мүмкін. Нақты нәтижелер пайдалану шарттарына байланысты өзгеруі мүмкін. Тозуды болдырмау үшін бірдей типтегі маталарды бірге жуып, кептіру ұсынылады.

⁷ Нысандарды тану заттың пішініне және қоршаған орта жағдайларына байланысты. Объектілердің белгілі бір түрлері ғана анықталады. Дақтарды тану функциясы SmartThings қолданбасында алдын ала іске қосылуы керек. Wi-Fi және Samsung есептік жазбасы қажет.

⁸ AI-алгоритмі алдын-ала анықталған мәліметтер жиынтығында оқытылады және толық емес немесе дұрыс емес нәтижелер шығаруы мүмкін. Деректер жиынтығы жаңартылған сайын тану дәлдігі артады.