Samsung тұрмыстық техникасы алғаш рет TÜV Nord заттар интернеті қауіпсіздік сертификатын алды
Сертификаттау еуропалық IoT қауіпсіздік стандартына сәйкес деректерді қорғаудың жоғары деңгейін растайды
Samsung Electronics компаниясы TÜV Nord тарапынан берілетін заттар интернеті қауіпсіздігі сертификатын робот-шаңсорғыштардың екі сериясына – Bespoke AI Jet Bot Steam1 және Bespoke Jet Bot Combo2, сондай-ақ Bespoke AI3 тоңазытқыштарына беруді ұйғарды.
Samsung тұрмыстық техникасы алғаш рет TÜV Nord қауіпсіздік сертификатын алды, бұл компанияның үй шешімдері мен технологиялары мен деректерді қорғау саласындағы көшбасшылығын тағы бір рет көрсетті.
«Жаһандық деңгейде ақылды үйлердің ақпараттық қауіпсіздігіне назар аудару артып жатқандықтан, Samsung Knox платформасы арқылы сенімді деректерді қорғауды қамтамасыз етуді жалғастыруда», – деді Samsung Electronics атқарушы вице-президенті және (Digital Appliances Business) тұрмыстық техника бөлімінің ғылыми-зерттеу тобының жетекшісі Чон Сын Мун (Jeong Seung Moon). «Бұл сертификат біздің технологияларымыздың сенімділігін растайды».
TÜV Nord – IECEE ұлттық сертификаттау органы ретінде аккредиттелген жаһандық мойындалған институт. Сәйкестікті бағалау Еуропалық телекоммуникациялық стандарттар институты (ETSI) әзірлеген ETSI EN 303 645 стандартына негізделген. Ол тұтынушы IoT құрылғыларының өмірлік циклінің барлық кезеңдері үшін – жобалау мен әзірлеуден бастап тарату мен пайдалануға дейін қауіпсіздік пен құпиялылық талаптарын анықтайды. Негізгі критерийлерге шифрлау арқылы деректерді қорғау, сенімді аутентификация және қол жеткізуді басқару, бағдарламалық қамтамасыз етудің қауіпсіз жаңартулары, жеке ақпаратты кешенді қорғау және осалдықтарды басқару кіреді.
Қазіргі уақытта еуропалық нарық Радиожабдық туралы директиваға (RED) түзетулер енгізумен және алдағы уақытта Цифрлық төзімділік туралы Актінің (CRA) жүзеге асырылуымен қауіпсіздік талаптарын арттыруда. Осы тұрғыда TÜV Nord сертификаты Samsung компаниясының үнемі өзгеріп отыратын халықаралық ережелерге сай ғана емес, сонымен қатар тұтынушылардың құпия деректерінің қорғалуын қамтамасыз ете отырып, олардан ілгері жүруге дайын екенін көрсетеді.
Робот-шаңсорғыштың бағдарламалық қамтамасыз етуі мен тұтынушы деректері Knox технологиясы арқылы зиянды өзгертулерден және рұқсатсыз кіруден қорғалған. Ол рұқсат етілмеген пайдалануды болдырмайды және рұқсат етілмеген тұтынушылар суреттер мен бейнелер сияқты деректеріңізді көре немесе ұрлай алмайды4.
2025 жылғы сертификатталған үлгілер – Bespoke AI тоңазытқыштары және Bespoke AI Jet Bot Steam робот –шаңсорғыштары – Knox Matrix және Knox Vault енгізу арқылы қауіпсіздіктің жақсартылған мүмкіндіктеріне ие болды. Knox Matrix шешімі құрылғылар арасындағы қауіпсіздікті өзара тексеруді қамтамасыз етеді және деректерді ұрлау қаупі туралы тұтынушыларды дереу хабарлайды. Knox Vault, өз кезегінде, құпия сөздер сияқты құпия ақпаратты өңдеу және оны бөлек аппараттық модульде сақтау арқылы сенімді түрде қорғайды.
Қыркүйек айында IFA 2025 көрмесінде Bespoke AI Jet Bot Steam робот- шаңсорғышының тұсаукесері өтеді. Bespoke Jet Bot Combo және Bespoke AI тоңазытқыштары қазірдің өзінде дүние жүзіндегі жекелеген нарықтарда сатылымға түсуде.
1 VR90F*******, VR80F*******, VR70F*******
2 VR7MD97****/**, VR7MD96****/**
3 RM90F**B***, RF90F**A***, RF90F**E***, RM90F**C**, RM90F**D**, RM90F**E**, RM90F**X*, RF90F**B***, RF**DB99***, RF**DB95***, RF**DG9H***
4 Android 11 немесе одан кейінгі нұсқасы бар Samsung құрылғыларында қол жетімді; мүмкіндік кейбір үлгілерде болмауы мүмкін
БАҚ-қа арналған ақпарат көзі > Баспа-релиздері
Өнімдер > Тұрмыстық техника
Сервистік қызмет көрсетуге байланысты туындаған кез келген сұрақтар бойынша samsung.com/kz_kz/support сайтына хабарласуыңызды сұраймыз.
БАҚ өкілдерімен ынтымақтастық сұрақтары бойынша info.kz@samsung.com сайтына жазуыңызды сұраймыз.
