Samsung Қырғызстанда өзінің озық технологияларын таныстырды

Samsung Electronics өзінің инновациялық өнімдерін Қырғызстандағы B2B («бизнестен бизнеске») және B2C («бизнестен тұтынушыға») серіктестеріне ұсынды. Іс-шара 19 сәуірде Бішкекте өтті. Мұндай ауқымдағы кездесуді Samsung жергілікті кәсіпкерлермен көптен бері өткізбеген, сондықтан компанияның жаңа өнімдерімен танысқысы келетіндер жоспарланғаннан көп болды.

Samsung Electronics жыл сайын бизнеске арналған тұсаукесерлерді өткізеді. Тұрмыстық техника сауда желілері, кәсіпорындар, қонақ үйлер, ұялы байланыс операторлары және т.б. ұйымдар қатысып, жаңа өнімдермен танысады. Бішкектегі шарада мониторлар, смартфондар, планшеттер және интерактивті панельдер сияқты пайдаланушыларға арналған озық шешімдерге баса назар аударылды.

Жиналғандарды ең алдымен Flip интерактивті панельдерінің жаңа буыны қызықтырды. Құрылғылардың екі түрінің мүмкіндіктері көрсетілді: Tizen (55″, 75″) және Android (75′) операциялық жүйелеріне негізделген. Жаңа нұсқалар жоғары жылдамдықпен және максималды дәлдікпен жазуға, сурет салуға және эскиз жасауға мүмкіндік беретін одан да жетілдірілген интерактивті сенсорлық экран технологияларымен жабдықталған. Flip интерактивті дисплейі өзін қазақстандық және ресейлік мектептерінде, жоғары оқу орындарында және оқу орталықтарында заманауи білім беру шешімі ретінде танытты.

Айтпақшы, Samsung өнімдерінің барлық келесі тұсаукесері Flip 55″ көмегімен жүзеге асырылды. Осының арқасында қонақтар интерактивті панельдің керемет мүмкіндіктерін өз көздерімен көрді.

Келесі кезекте B2B және B2C семинарының қатысушыларына Odyssey сериясынан жаңа буын мониторлары көрсетілді – бірегей егжей-тегжейлі деңгейі және ультра кең көру бұрышы бар инновациялық өнім. Бұл Samsung компаниясының пайдаланушылардың кең ауқымы үшін дисплей өндірісінде жетекші орынға ие болуы бекер емес екенін тағы бір рет көрсетеді. Тұсаукесердің осы бөлігінде USB Type C мүмкіндіктерін көрсету маңызды болды – енді деректерді тасымалдау және ноутбукты қуаттау үшін монитордан созылған бір кабель жеткілікті. Компьютерлік үстел басында жұмыс істеу әлдеқайда ыңғайлы және жағымды болады.

Корпоративтік жаңа өнімдер – Galaxy XCover7 смартфоны және Galaxy Tab Active5 планшеті – кейбір серіктестер үшін өте қызықты болды. Ең қатал орталарға төтеп беруге арналған Galaxy XCover7 және Galaxy Tab Active5 қызметкерлерге олардың қауіпсіздігіне алаңдамай смартфондары мен планшеттерін біркелкі пайдалануға мүмкіндік береді. Екі құрылғы да су мен шаңнан IP68 классты қорғанысы бар, бұл оларды төтенше орталарға жарамды етеді, мысалы, құрылыс алаңында немесе сауда қоймасында. Galaxy XCover7 және Galaxy Tab Active5 MIL-STD-810H әскери стандартына сәйкес келеді және 1,5 м-ге дейнгі биіктіктен құлаған кезде соққыға төзімді, ал Galaxy Tab Active5 1,8 м биіктіктен құлауға төтеп бере алады. Бірақ жинаққа кіретін қорғаныс қапшығын пайдаланған кезде ғана. Қорғаныс қапшығынан басқа, Galaxy Tab Active5 құрамында S Pen электронды қалам бар.

Негізгі оқиға Samsung Galaxy S24 сериясымен таныстыру болды. Биылғы жылы әлемдегі ең көп сатылған смартфондардың біріне айналған Samsung флагмандық смартфоны дәстүрлі түрде шара қонақтарында үлкен әсер қалдырды. Кірістірілген жасанды интеллект мүмкіндіктерімен Galaxy S24 қауіпсіздік, шығармашылық және сөйлесудің жаңа өлшемдерін ашып, барған сайын жаңа пайдаланушыларды жаулап алуды жалғастыруда.

Бішкектегі Samsung Electronics компаниясының озық әзірлемелерінің тұсаукесері өте сәтті өтті. Әріптестер жаңа өнімдердің мүмкіндіктерін жоғары бағалап, тығыз ынтымақтастыққа дайын екендіктерін білдірді. Samsung бүкіл әлем бойынша серіктестері үшін сәйкес бизнес шешімдерін жасау және дамыту үшін үнемі жұмыс істейді. Компания жыл сайын әртүрлі елдердегі бизнес үшін B2B және B2C сегменттеріндегі соңғы әзірлемелерге қол жеткізуді қамтамасыз ететін іс-шаралар өткізеді. Бұл кәсіпкерлерге бизнес-процестерін оңтайландыруға және олардың қызметінің тиімділігін арттыруға мүмкіндік береді.