Фактілер мен сандар: Galaxy Z Fold7-дегі Ultra камера

Galaxy Z Fold7 Z Fold сериясының тарихындағы ең озық камерамен жабдықталған, ол контент түсіру, өңдеу және жариялау тәсілін түбегейлі өзгертетін Ultra деңгейін қамтамасыз етеді.

Серияда алғаш рет құрылғы 200 мегапиксельді ультра жоғары ажыратымдылықтағы камераға және қуатты Snapdragon 8 Elite for Galaxy процессорына ие болды.

Сондай – ақ, смартфонға ProVisual Engine – 160-тан астам AI-алгоритмдері бар интеллектуалды кескінді өңдеу жүйесі кіріктірілген. Galaxy Z Fold7 сәнді және әмбебап жиналмалы дизайндағы мобильді фотосурет пен AI- өңдеудің флагмандық мүмкіндіктерін біріктіреді.

Түнгі жарқын бейнелерді түсіруден бастап, ультра кең бұрыштық панорамаларға дейін, Z Fold сіздің шығармашылық ойыңызды міне осылай жүзеге асырады.

200 МП: әр кадрдағы сапаның жаңа деңгейі

▲ Жетілдірілген камера жүйесі фотосуретті келесі деңгейге шығарады.

Galaxy Z Fold7 камера жүйесінің негізінде – Galaxy S25 Ultra–да орнатылғанға ұқсас 200 мегапиксельді кең бұрышты сенсор. Бұл Z Fold сериясының рекордтық ажыратымдылығы. Бұл сізге сахнаның ең кішкентай нюанстарын – демалыс фотосуреттеріндегі киім құрылымынан бастап, артқы жағындағы пейзаждың ең жақсы сызықтарына дейін түсіруге мүмкіндік береді. Камераның негізгі артықшылықтары:

• Фотосуреттер Galaxy Z Fold6 – ға қарағанда 44% жарқын және 4 есе нақтылаулау болды – әр бейне қанық және жанды, жариялауға дайын болып көрінеді.
• Бөлшектерді жоғалтпай оптикалық сапамен екі рет масштабтауды қолдау сапаға нұқсан келтірместен кадрлеуге және кесуге мүмкіндік береді.
• Ысырманың жылдамдығы 7 есеге дейін артады, бұл тіпті өткінші сәттерді анық түсіруге көмектеседі.

▲ 200 МП сенсор әрбір бөлікті түсіруге мүмкіндік береді.

Безендірмедегі немесе көркем шығармадағы ең кішкентай бөлшектерді айшықтап өткіңіз келе ме? Жақсартылған 12 мегапиксельді ультра кең линза енді автофокусты қолдайды, бұл макросты керемет айқындық пен тереңдікте түсіруге мүмкіндік береді.

Қысқа қашықтыққа дәл фокустау үшін Dual Camera Depth Calibration жүйесі қолданылады, ол нысанға дейінгі қашықтықты интеллектуалды түрде анықтайды және кең бұрышты және ультра кең камералар арасында автоматты түрде ауысады. Ультра кең модульге автофокус қосу дәлдікті одан әрі жақсартады, бұл күрделі жоспарларды қиындықсыз түсіруге мүмкіндік береді.

Бүкіл компанияға арналған кең бұрышты селфи

▲ Негізгі дисплейде 100 градус көру бұрышы бар алдыңғы камера үлкен компаниямен селфи жасауды жеңілдетеді.

Енді қолдарыңызды созудың немесе достарыңыздан артқа жылжуды сұраудың қажеті жоқ – 100° көру бұрышы бар алдыңғы камераның арқасында сіз бәрін кадрға оңай саласыз. Тағы да басқа жақсартулар:

• Фотосуреттер 25% кеңірек және Galaxy Z Fold6-ға қарағанда 2,5 есе айқынырақ;
• Wide Distortion Correction алгоритмі кадрдың шеттеріндегі беттердің пропорцияларын түзетіп, фотосуреттерді табиғи етіп көрсетеді;
• Селфи үшін оңтайландырылған AI-баптауларының арқасында тері құрылымы табиғирақ көрінеді;
• Жаңартылған HDR жүйесі нысанға назарға аударта отырып, портреттерді шынайырақ етеді;
• 5000-нан астам ұқсас фотоүлдірін талдауға негізделген AI-сүзгілер көркем әсер үшін контрастты, қанықтылықты және түс температурасын реттеуге мүмкіндік береді.

ProVisual Engine: тіпті қараңғыда да жарқын кадрлар

▲ Түйіршікті және бұлыңғыр түнгі бейнелер Galaxy Z Fold7-мен өткен нәрсе.

Galaxy Z Fold7 әлсіз жарықтандырылған жағдайларда да барлық әлеуетін ашады. AI-қолдайтын ProVisual Engine арқасында кескінді өңдеу айтарлықтай жылдамырақ¹, және көрініс автоматты түрде оңтайландырылады.

Концерт немесе кешкі серуен болсын – смартфон тіпті аз жарықта да керемет айқындықты қамтамасыз етеді:

• Spatio – Temporal Filter технологиясымен түнгі түсірілім бір кадрдың ішіндегі және кадрлар арасындағы пикселдерді талдайды, нысанды артқы аядан бөліп алып, шуды азайтады. Нәтижесінде – табиғи түстер, айқындық және түнде де керемет бөлшектер.

Galaxy Z Fold7 10 биттік HDR-де бейне түсіруді қолдайды:

• Түсберілу 8 биттік түсірілімге қарағанда 4 есе контрастқа, ал динамикалық диапазон кеңірек болады;
• Hybrid Log Gamma (HLG)² стандартын қолдау қалыпты экрандармен де, HDR теледидарларымен де үйлесімділікті қамтамасыз етеді.

Өңдеуден кейінгі кезеңде икемділікті ұсынатын LOG-түсірілімі де кәсіпқойларға пайдалы болады. Артықшылықтардың арасында:

• Бейне High Efficiency Video Coding (HEVC),³ форматында кодталған, файл өлшемі кішірек болса, жоғары сапаны қамтамасыз етеді;
• Түсті түзетуді Samsung Look-Up Table (LUT)⁴ – алдын ала орнатылған түс гаммасы опцияларының жиынтығын пайдаланып тікелей құрылғыда жасауға болады.

Портативті редакциялауға арналған студия

▲ Generative Edit көмегімен қажет емес нысандарды дереу жойыңыз.

Galaxy Z Fold7 кез-келген жерде қол жетімді толыққанды шығармашылық студияға айналады:

• AI-моделімен және жетілдірілген кеңестер жүйесімен жақсартылған AI-редакторы (Generative Edit) Galaxy Z Fold6-мен салыстырғанда қателіктердің ықтималдығын 18 есе, ал текстураның бұрмалануын – 4 есеге азайтады. Нысандарды, көлеңкелерді және шағылыстарды алып тастаңыз, түсіру бұрышын өзгертіңіз, фонды қалпына келтіріңіз – осының барлығы кәсіби сапада.
• Жою бойынша ұсыныстар (Suggest Erases) көріністі түсінуді қолданады және артық нысандарды автоматты түрде жоюды ұсынады.
• Side-by-Side Editing мүмкіндігі көмегімен біруақытта фотоның түпнұсқасын және редакцияланған нұсқасын көруге болады.
• Жаңа AI-еске түсірулермен күшейтілген Портреттік студия (Portrait Studio), үй жануарларының суретін қоса алғанда, айқын портреттерді жасауға мүмкіндік береді.

Өзіңіздің шығармашылық әлеуетіңізді ашыңыз

Galaxy Z Fold7 мобильді фотосурет пен редакциялаудың жаңа көкжиектерін ашады. Бұл жай ғана жиналмалы смартфон емес, кез келген уақытта жұмыс істеуге дайын болатын – сіздің жеке шығармашылық көмекшіңіз.

¹ Galaxy Z Fold7 суреттерді Galaxy Z Fold6-ға қарағанда 27% жылдам өңдейді.

² Hybrid Log — Gamma (HLG)-HDR қолдауы жоқ экрандармен (мысалы, SDR дисплейлері) кері үйлесімділікті, сондай-ақ HDR құрылғылары үшін кеңейтілген түс диапазонын қамтамасыз ететін HDR стандарты.

³ High Efficiency Video Coding (HEVC) — алдыңғы стандартпен (AVC) салыстырғанда жоғары бейне сапасы мен қысу жылдамдығын қамтамасыз ететін бейне кодтау стандарты.

⁴ Samsung LUT (look — Up Table) – қажетті визуалды сән мен түстерді шығару үшін өңдеуден кейінгі кезеңде бейнематериалға қолдануға болатын алдын ала орнатылған түсті түзету опцияларының жиынтығы.