Samsung Electronics алты жыл қатарынан үздік әлемдік брендтер қатарына еніп отыр

Компания жасанды интеллект саласындағы көшбасшылығы және оны енгізуді жеделдету үшін жоғары бағаланды

Samsung Electronics Interbrand халықаралық консалтингтік компаниясының мәліметі бойынша, үздік әлемдік брендтер тізімінде бесінші орынды иеленді. Компания бұл позицияны алтыншы жыл қатарынан ұстап келеді. Interbrand жыл сайын best Global brands рейтингін шығарады және 2025 жылы Samsung брендінің құны 90,5 миллиард долларды құрады. 2020 жылдан бастап компания әлемдегі ең үздік бес брендтің жалғыз азиялық өкілі болып қала береді.

Interbrand мәліметтері бойынша, Samsung Electronics-тің жоғары бағаға ие болуына келесі факторлар әсер етті:

• барлық бизнес-бағыттарда жасанды интеллект саласындағы бәсекеге қабілеттілікті күшейту;
• өнімнің бірыңғай интеграциясы арқылы тұтынушы тәжірибесін жақсарту;
• жасанды интеллектпен байланысты жартылай өткізгіштерге инвестиция салуға басты назар аудару;
• тұтынушыға бағытталған бренд стратегиясын жүзеге асыру.

«AI саласындағы инновациялар мен ашық ынтымақтастықтың арқасында Samsung мүмкіндігінше көп адамдардың күнделікті өмірде жасанды интеллекттің артықшылықтарын сезінуіне күш салады, – деп атап өтті Samsung Electronics жаһандық маркетинг кеңсесінің президенті және басшысы Вон Джин Ли (Won-Jin Lee). – Біз Samsung-ты одан да жақсы көретін брендке айналдыру үшін тұтынушылар үшін пайдалы мүмкіндіктерге, соның ішінде денсаулық пен қауіпсіздік аспектілеріне назар аударуды жалғастырамыз».

«Барлығына арналған инновация» (Innovation for All) көзқарасын басшылыққа ала отырып, Samsung AI -технологияларын бүкіл әлем бойынша тұтынушыларға қолжетімді етуге тырысады.

Биылғы жылы компания Galaxy AI дамуын жалғастыра отырып, мобильді AI-технологияларында көшбасшылықты нығайтты. Samsung-тың мақсаты – AI демократияландыруды қамтамасыз ете отыра, Galaxy AI-ді бір жыл ішінде 400 миллионнан астам құрылғыға тарату. Тұрмыстық электроника бөлімінде (CE) компания Vision AI және Bespoke AI сияқты әр өнім санатына бейімделген шешімдерді енгізу арқылы жасанды интеллект мүмкіндіктерін кеңейтті.

Samsung әр түрлі серіктестермен ашық ынтымақтастық арқасында, тұтынушыларға арналған жекелендірілген AI-мүмкіндіктерін жақсартады да, сонымен қатар Samsung Knox арқасында қауіпсіздіктің жоғары деңгейін қамтамасыз етеді.

Жартылай өткізгіштер саласында Samsung бұлтқа негізделген, кіріктірілген және физикалық AI жүйелеріне арналған шешімдердің кешенді портфолиосы арқылы жасанды интеллектке деген сұраныстың артуына жауап береді. Оған HBM, жоғары сыйымды DDR5, LPDDR5X және GDDR7 сияқты озық өнімдер кіреді.

AI-ден бөлек, Samsung өз өнімдері мен қызметтерінің қолжетімділігін арттыруды, сондай-ақ энергия үнемдеуден бастап SmartThings арқылы энергияны үнемдейтін құрылғыларды біріктіруге дейінгі – барлық бизнес бағыттарында тұрақты инновацияларды ілгерілетуді жалғастыруда.

Samsung-тың негізгі бизнес бағыттарындағы жетістіктері

Мобильді құрылғылар

• Мобильді AI дәуіріндегі көшбасшылық және Galaxy AI-ді жаппай енгізуді ілгерілету
• Galaxy Z Fold7 және Z Flip7 шығарумен бірге жиналмалы смартфондар санатындағы көшбасшылықты нығайту
• Жақсартылған құпиялылық және қауіпсіздік технологиялары арқылы тұтынушы сенімінің артуы
• Тағылатын құрылғылардың жаңа мүмкіндіктерімен, Samsung Health жаңартуларымен және ашық серіктестіктермен денсаулыққа арналған қызметтерді кеңейту

Желілер

• AI-басқарылатын виртуалдандырылған қол жеткізу желілері (vRAN) және Open RAN бойынша көшбасшылықты нығайту
• Әр түрлі 5G сценарийлерін, соның ішінде стриминг пен ойындарды қолдау үшін үнемі инновациялар
• 6G технологияларын стандарттаудағы жетекші рөл
• Корпоративтік клиенттермен серіктестікті кеңейту және тұрақты желілік шешімдерді ілгерілету

Көрнекі дисплейлер

• Теледидар, саундбар және ойын мониторлары сегменттерінде жаһандық көшбасшылықты сақтау
• Vision AI негізіндегі мүмкіндіктердің арқасында визуалды тәжірибе саласындағы инновациялар
• Интерьерлік теледидарлармен өзара әрекеттесудің жеке тәжірибесі үшін The Frame және Art Store қызметтерін дамыту
• ТД, ойын-сауық, ойындар және музыка саласындағы контенттік серіктестіктерді кеңейту

Тұрмыстық техника

• Үздіксіз инновациялар мен AI енгізу арқылы тоңазытқыштар мен кір жуғыш машиналар санаттарында жаһандық көшбасшылықты нығайту
• SmartThings интеграциясы арқылы бірегей ыңғайлылық пен жетілдірілген AI-мүмкіндіктерін жасау
• Энергия тиімділігі, ыңғайлылық, өнімділік және дизайн аспектілері бойынша Bespoke AI көшбасшылығын кеңейту

Жартылай өткізгіштер

• Бұлтты, ендірілген және физикалық AI-қолданбаларына арналған шешімдердің кең портфолиосы
• DDR, SSD, LPDDR, UFS және Auto SSD қоса алғанда, мобильді және автокөліктің жартылай өткізгіш сегменттеріндегі көшбасшылық
• CMM – D және HBM сияқты инновациялық шешімдерге үздіксіз инвестициялар
• Салалық технологиялық іс-шараларда көзқарас пен көшбасшылықты көрсету

Interbrand-тан Best Global Brands рейтингі компанияның қаржылық көрсеткіштері мен келешегін талдауды, брендтің сатып алушының таңдауына әсерін, сондай – ақ брендтің бәсекеге қабілеттілігін-стратегияны, эмоционалды тартымдылықты, дифференциацияны, тұтынушылардың қатысуын, жүйелілігін, сенімін және басқа факторларды қамтитын бренд құнын кешенді бағалау негізінде қалыптасады. Бұл рейтинг әлемдегі ең көне және ең беделді бренд құны зерттеулерінің бірі болып табылады.